1 iKɔrɔntos 9:8 - ɛWee ne ìTsɛm iHywas

⁸ Nzi bol ibol lɛ de wo ne icwas ɛten ɛsii naa? Hang iMɛmɛ ɛMuusaa da kɛ ma sang bol ɛlɛy naa?

1 iKɔrɔntos 9:8 ပူးပေါင်းရင်းမြစ်များ

iRooma 3:31

ìNang ne itin de yaa te njwɛɛn ji hana ɛshara ghaa? Kwa! Njwɛɛn i yang shwaasek ɛshara gha.

iRooma 3:5

Wu iyɔm ne icik njwɛɛn de kɛ ne kyii ɛnkiinɛ wo ne yaa seng ɛli ne ɛTaanggbey ya so icik ko, njwɛɛn yaa ne ji yɔng ɛli daa mɛɛ? Njwɛɛn yaa yɔng wu ɛTaanggbey ya sang so icik ne ɛ so njenjek ne njwɛɛn noo? ɛLi ne nzi bol ɛlɛ wo, nzi maa bol icwas ɛten ɛsii.

iRooma 6:19

Nzi bol ne nyinɛn te ɛli ne ɛten ɛsii i bol, daa ɛli ne ɛ so ɛn niten nisii, icwas mon da kɛ ne taasek. Ne ile de ɛ kaa nang ɛn nilɔ ne ibek mon na nibhɛ teye nikpuru nikɔn ne ishis gbik ne ibebhe ne iphɛ hanas se nɛ. ɛLyilyɛghaa wo, iphɛ ne so nggbinggbing, ɛ nang nilɔ ne ibek mon na nibhɛ teye nikpuru nitomɛ nicik, nɛ nibhɛ te ɛ shɛɛ iwɛwɛy.

1 iKɔrɔntos 14:34

Tɛ nikuk ka shɛɛ nggbyak ndɔ ne idira ninaa ne roos de, daa ɛli ne sɔng kɛ sim nibhɛ nɛ tɛ nibhɛ bol nang, tɛ nibhɛ yang roos nɛ ɛli ne iMɛmɛ ɛMuusaa da kɛ bol lo.

1 iKɔrɔntos 7:40

Gbik ne iphɛ ɛlɛy, icwas nge ne bok me wu ɛkuk ka yaa phyin ne irway ihwala wu ɛ kɛ shɛɛ ɛli ne ɛ so wo. Nggɛ boote ɛlɛ wo daa ɛli ne nzi yaang te n bok iKabyik ɛTaanggbey.

iGalatiya 1:11

Nigwaa en, naa mɔng nyini, sɔng ɛnyi ɛbhɛ bok ibol iyɛnɛng ngge ne nggɛ tɔng nyini wo nang.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

1 iTasɔlɔnika 4:8

iPhɛ ɛlɛy gbik ɛnyi gha ne ɛ kɛ ne mbaray ibol lɛdee wo, sɔng ɛten ɛsii ne ɛ kɛ ne mbaray nang. Ɛ kɛ mbaray ɛTaanggbey ye ne ɛbhɛ ɛ naas nyini iKabyik iKang Ɛbhɛ de.