1 iKɔrɔntos 9:5 - ɛWee ne ìTsɛm iHywas

⁵ Hang iphɛ ma sang so kancɛng njwi boos nikuk mos sa ne ɛ so ɛgwaa ɛhaa ne roos, ne ihywel mos da ɛli ne ɛbyin ninɔn ne tom ma, nɛ nigwaa ɛDaray ya, nɛ niKyɛfas se na i mɔn no naa?

1 iKɔrɔntos 9:5 ပူးပေါင်းရင်းမြစ်များ

ɛYohana 1:42

ɛNdarawus sa ne phɛ ne ɛSimɔn na ɛlɔ ɛYɛso gha. ɛYɛso gha ne yɛɛn ɛSimɔn negha ne ɛ ji yaak ɛbhɛ, “I bok kɛ ɛSimɔn, ɛngɔn ɛYohana, yaa ne yaa bok kɛ ɛKyɛfas.” Kaabi i bo “iKɛɛ.”

ɛMacu 8:14

Kɛ ne sɛ ɛYɛso gha kɛ phɛ ne ijwee ɛBiturus, ne ɛbhɛ sɛ ɛgyinɛ ɛkuk ɛBiturus sa kɛ laal, ndɔm bok ɛbhɛ.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

iGalatiya 1:19

Sɔng nggaa ne bhɛ yaang ɛdɛ ɛNgɔn ne Tom ma kang ne ɛYakub pa ne so ɛgwaa ɛDaray ya nang.

1 iKɔrɔntos 7:39

Sɔng ɛkuk ka yaa hosop bhe ne ɛras sa ɛ tɔ ɛken nang, wu ɛras sa kɛ ne ku ɛ sɛ yɛɛ ne tul ɛhak ɛras, nggbinggbing te ɛnyi yɛ ne so ɛhaa ne roos ɛDaray ye.

1 iKɔrɔntos 7:7

Te sɛ yɔng ninyi na so te mee; ɛTaanggbey ya kɛ ne nang ɛrɔngɔ ihywee ɛkɔn de ne aa yɛɛ ne mɔn. Ɛ kɛ nang ɛdɛng ɛhihaa bɛ ɛkɔn, ne ɛ ma nang ɛdɛng ɛhihaa nggyɛ ɛkɔn.

ɛTomɛ 1:14

Ninyi yɛnaa wo ne nang ito nibhɛ, nibhɛ ne byinkit nibhɛ roro. Nidɛng nikuk ka kaa ne ma sonɛ, ɛMɛri gha ne ɛ so ɛgyinɛ ɛYɛso gha, nɛ nigwaa ɛYɛso na niras se kaa ne ma sonɛ.

ɛTitus 1:6

Te ɛndiinday ya ne soye ɛnyi ne ɛ sang ɛkɔn ne tok, ɛhaa ɛkuk ɛdaan. ɛNyi nɛ ninɔn ɛbhɛ soye ninaa ne ìnang ne itin, i sang yɛɛ nibhɛ ne igbil, ne sang roos ibol nikyɛɛ.

1 ɛTimɔti 5:2

boos nikuk niharak ka te nigyinɛ mo, te ɛ boos nikuk niphas sa te nigwaa mo, ndɔ ne iwɛwɛy gbom.

1 ɛTimɔti 3:2

iPhɛ ne so nggbinggbing ɛndiinday ne idira ninaa ne roos sa so wɛlɛng ɛkɔn ne tok, ɛ bok ɛkuk ɛdaan. Ɛ so ihywɛɛ, ɛ kɛ wum ito ɛbhɛ, ɛ so lyaak, ɛɛ say ninaa ne kpoo, ɛɛ yɛɛ ne mɛmɛ ninyi nɛ yɛnɛng.

1 iKɔrɔntos 7:15

Wu ɛhaa ne ɛ sang so ɛhaa ne roos sa i ne sim te ɛ sɛɛ hosobhe ne ɛhaa ne roos sa, hay, tɛ nibhɛ ne hosop en. Sɔng iphɛ ne ta tɔ ɛgwaa gha ne ɛ so ɛhaa ne roos sa nggbinggbing ɛ roos ibol lɛdee wo nang, daa ɛli ne ɛTaanggbey ya kɛ yel-le njwɛɛn te njwɛɛn shɛɛ ncaang.

1 iKɔrɔntos 1:12

ɛKɔn na ne nzi bol ɛbhɛ ghaa lɛ: ɛ bok ɛn ivol mon kang-ka-kang. ɛDɛng i bo, “Nzi roos ɛBulus se.” ɛDɛng ne yɔngɔ, “Nzi roos ɛPolos se.” ɛDɛng ne yɔngɔ, “Nzi roos ɛKyɛfas se. ɛDɛng ne yɔngɔ, ‘Nzi roos ɛKiriti ye.’

iRooma 16:1

Nzi bo naa yaak nyini wu ɛgwaa njwɛɛn ɛkuk kɛ ɛFibi gha so ɛkuk ɛyɛnɛng. Ɛ so ɛhaa ne mɔn ɛtomɛ ndɔ ninaa ne iroos ne iKɛnkiriya.

ɛYohana 2:12

ɛTsim mɛ ɛlɛy, ɛYɛso gha ne ɛgyinɛ nɛ nigwaa ɛbhɛ gbik nɛ ninɔn ne icwam ɛbhɛ na ne phɛ ɛgarang ne iKafanahum nibhɛ bhɛ shɛɛ ɛnggyɛ wo nituk ncɛt.

ɛLuka 6:15

Ne ɛMacu, ne ɛToma, ne ɛYakub ne ɛ so ɛngɔn ɛLifiyos. Ne ɛSimɔn, ɛnyi ne ɛ kaa sim ɛgarang ɛbhɛ gbom.

ɛMarakus 6:3

Njwii ma bo ɛhaa ne gangat nikɔn nɛnaa wo nang? Ɛbhɛ ɛ so ɛngɔn ɛMɛri gha nang? Ɛbhɛ ma so ɛgwaa niYakub bhe ne ɛYisifu gha, ne ɛYahuza, gbik ne ɛSimɔn na nang? Nigwaa ɛbhɛ nilyilyap pɛ ma so ɛbɛ wo nang?” iPhɛ ɛlɛy yang, nibhɛ ne phu irway ne ɛYɛso gha.

ɛMarakus 1:30

Ndɔm kaa ne bok ɛgyinɛ ɛkuk ɛSimɔn na, ne ɛ so ndɔ ne ijwee wo ɛ kɛ laal. Kɛ ne sɛ niYɛso yena kɛ bhɛ tuu ijwee wo nang, nidɛng ninyi na ne shii mɔng ɛbhɛ ibol ne ishwa ɛgyinɛ ɛSimɔn de.

ɛMacu 13:55

Sɔng ɛbhɛ ɛ so ɛngɔn ɛhaa ne gangat nikɔn ta nang nge? Sɔng i bok ɛgyinɛ gha ɛMɛri nang? Sɔng ne ɛ so ɛgwaa ɛYakub, ne ɛYisifu, ne ɛSimɔn gbik ne ɛYahuza nang nge?

1 ɛTimɔti 4:3

iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.

1 iKɔrɔntos 7:8

Nzi bo wu te ɛras sa ne ɛ tang tul ɛkuk ka, ne ɛkuk ka ne ɛ tang sim ɛras sa, gbik ne ɛkuk ne izuk ka, iphɛ kɛ jam mɛ te nibhɛ shɛɛ ɛlɛ wo te mee wo.

ɛLuka 8:20

ɛDɛ ɛnyi gha ne yaak ɛbhɛ, “ɛGyinɛ mo, nɛ nigwaa mo, niras sɛ, so gɔɔ ne izay, nibhɛ sim tɛ nibhɛ sɛɛ boote ne igyɛ.”