1 iKɔrɔntos 9:26 - ɛWee ne ìTsɛm iHywas

²⁶ iPhɛ ɛlɛy sɔng nzi ne tel nggbiy ɛbuu nang, sɔng nzi hal irywen ɛbuu nang.

1 iKɔrɔntos 9:26 ပူးပေါင်းရင်းမြစ်များ

2 ɛBiturus 1:10

iPhɛ ɛlɛy, nigwaa en ne ɛ mɔn ɛn ɛkɔn na ne aa yɛɛ ne mɔn ɛn te iphɛ tɔɔrek wu ɛTaanggbey ɛbhɛ kɛ yel-le ɛ ta kasa nyini. Wu ɛ kɛ mɔn ɛn ɛlɛ wo, sɔng aa ne kyibhɛ ɛn ɛ ta ho ɛn nang.

2 ɛTimɔti 2:5

ɛLɛy ne ɛhaa ne mat nggbiy da, sɔng i tal ɛbhɛ tang ɛ kɛ roos ikpii ne nggbiy da nang.

iFilibi 1:21

Sɛ so te me wo, wu nzo ɛken ne nzo ɛKiriti ye nɛ, wu nggɛ ne ku iphɛ ne ma yung phyin.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

ɛLuka 13:24

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

iBirani 4:1

ɛTaanggbey ya kɛ nang njwɛɛn ibol ne iphɔrɔt de ne ɛ kɛ ku sim-mɛ wo, iphɛ ɛlɛy nɛ njwɛɛn ne wɛɛ ɛn hywɛɛ ɛlɔ ne ɛdɛ mon sɛ yung bhɛ wɔs.

2 iKɔrɔntos 5:8

Ɛɛy! Njwɛɛn bok irway nviit, njwɛɛn i ta phyin sim te sɛɛ yɔng yaa hosobhe ne ibek ɛzay yɛdee wo bhɛ shɛɛ ne ɛDaray ya daa ne ijwee wo.

2 iKɔrɔntos 5:1

Njwii yɛɛ, sɛ́ sɛ ipho yɛdee wo ne njwɛɛn sonɛ ndɔ ɛzay yɛghaa, kaabi ibek ge ne njwɛɛn bok ndɔ ɛzay yɛghaa wo, kɛ bees se; ɛTaanggbey ya ne ito ɛbhɛ sɛ ne ryɔng njwɛɛn ijwee daa ne irywa. Sɔng ɛten ɛsii bhɛ sɛ ryɔng ijwee yɛwoo nggyɛ wo nang, ifɛ sɛ soye ihoo ne inat.

1 iKɔrɔntos 14:9

ɛLɛy ne iphɛ ne so ɛlɔ mon na, wu ɛ kɛ bol ɛn ilem be ne kɛ sang seng ngo, yaa ne mɔn ɛlii i seng ɛkɔn na ne ɛ bol ɛn noo? iPhɛ ne so ɛ kɛ bol ɛn buu.

ɛMacu 11:12

Kaa ne ku nten ɛYohana ne Yaak ne iBatisima de i phyii hɔn izenge wo, igbɔm ɛTaanggbey da i ne sɔ nggbang, ninaa ne baasek nggbang ngga nibhɛ bhɛ tɔk tɛ nibhɛ sɛɛ phɔt igbɔm ɛTaanggbey da ne ihwet.

iGalatiya 2:2

Ngga phɛ ɛnggyɛ wo daa ɛli ne ɛTaanggbey ɛbhɛ kaa ne tɔɔrek me ndɔ ne iyuwa wu te mbɛ ɛnggyɛ wo. Kaa ne sɛ nggɛ phɛ ɛnggyɛ, njwi ne bhɛ sɛme nɛ nidɛng nindiinday ninaa ne roos sa gying, ne n tɔng nibhɛ ɛli ne nzi ku tɔng ninyi na ne hame nibhɛ so niYahodawa na ibol iyɛnɛng ngge. Nggaa mɔn ɛlɛ wo daa ɛli ne nggaa bo ɛnik nibhɛ yaa yung mbaray mee, ɛtomɛ nge gha ji te buu.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

iBirani 12:1

iHywee nishɛɛda yɛdee wo so gbom nɛ nibhɛ kɛ te njwɛɛn gyɔɔ. Daa ɛli ne ihywee nishɛɛda yɛdee wo ne sonɛ ɛlɛ wo, ninaa nɛ nibhɛ kɛ tɔɔrek njwɛɛn ɛli ìnang ne itin da so wo, nɛ njwɛɛn hana gbik ɛkɔn na ne ɛ ring njwɛɛn ne ihywel da. Te njwɛɛn ta hana ɛfɔt to ne ɛbhɛ kɛ wum njwɛɛn no, te njwɛɛn rop irway i tel nggbiy yɛdaa wo ne mpɛ so ɛyisɛ njwɛɛn na.