1 iKɔrɔntos 9:25 - ɛWee ne ìTsɛm iHywas

²⁵ Ninaa ne tel nggbiy da ne bo nten nibhɛ gbaat ibek nibhɛ gbom. Nibhɛ mɔn ɛlɛ wo daa ɛli ne ɛrɔngɔ i tɔk te ɛbhɛ ne sɛ re ito yɛ ne ji tal ɛbhɛ ne ɛkɔn ne aa phyɔngɔle ɛ bees se, njwɛɛn no nang, sɛ ne tal njwɛɛn ne ɛkɔn ne so ɛhaa ne inat.

1 iKɔrɔntos 9:25 ပူးပေါင်းရင်းမြစ်များ

2 ɛTimɔti 2:5

ɛLɛy ne ɛhaa ne mat nggbiy da, sɔng i tal ɛbhɛ tang ɛ kɛ roos ikpii ne nggbiy da nang.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

Nikɔn ne kɛ Phaal 3:11

N yaaso, sɔng ne bees nten nang. iPhɛ ɛlɛy ne ɛ wum ɛkɔn na ɛ bok ko gɛgɛy ɛlɔ ne ɛdɛ ɛnyi yaa yung phɔt ɛkɔn ne ito ne igbɔm ɛwɛng mo gha ne ɛ kɛ re wo.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

2 ɛBiturus 1:6

Daa ne iyɛɛ ɛTaanggbey ya ne ɛ hante ɛn ne wum ito mon, daa ne wum ito mon de ne ɛ hante ɛn ne irway nviit, daa irway nviit da ne ɛ hante ɛn ne ihywee ne ishwɛɛ ɛTaanggbey.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 ɛBiturus 1:4

iPhɛ ɛlɛy, ìyɛk ne irway njwɛɛn da so daa ne isha ne ɛTaanggbey ya kɛ tek njwɛɛn nɛ daa ne irywa. Sɔng isha yɛdee nggyɛ wo sɛ sa nang, sɔng ihywɛ bees se nang, sɔng ihywɛ taal le nang.

iGalatiya 5:23

ilyaak, gbik ne wum ito. Sɔng ɛShara gha so daa nikɔn nɛ na wo nang.

iBirani 12:28

iPhɛ ɛlɛy, te njwɛɛn teye ninaa ne irway ihwala, daa ɛli ne njwɛɛn i saasel igbɔm ba ne hame i ta sungki wo. Te njwɛɛn i re ɛTaanggbey yegha ntsong ngga ɛli ne ɛ sim, ndɔ ne ndiinday ne ɛnik.

iBirani 12:4

Ndɔ ne cwaasek ghe mon da ne ɛfɔt to, sɔng iphɛ kɛ ku hɔn ɛli ne ɛ kɛ lok ɛn neyi mon nang.

1 iKɔrɔntos 15:54

Sɛ ne sɛ ibek ne sa yɛdee wo kɛ sunuuy ne idee sang sa de, ibek ne ku de kɛ ma sunuuy ne idee ne sang ku de, sɛ ne ji shwaak ibol ne ɛwee ne iBol ɛTaanggbey de ne iphɛ bo, “Kɛ re iku de ne itsom, kɛ phoo iphɛ nɛ.”

Nikɔn ne kɛ Phaal 4:10

ninu nikɔɔn nzuwubɔ ifaa nɛ nibhɛ nwaas sa, ne ma hoghɛse nggbuk ɛnu ɛyisɛ ɛhaa ɛcuruu ne igbɔm ma, ne ɛ so ɛken ne ishay-ishay de, nibhɛ re ɛbhɛ ntsong. Nibhɛ ne i teesek nikɔn ne ito ne igbɔm nibhɛ na ɛnu ɛyisɛ ɛcuruu ne igbɔm ma, nibhɛ yɔngɔ:

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.

ɛTitus 1:8

Te ɛndiinday ya yang teye ɛhaa ne say ninaa ne kpoo, ɛhaa ne sim ɛkɔn ɛyɛnɛng. ɛNyi ne ɛ kɛ wum ito ɛbhɛ, ɛhaa ne itin, ɛnyi ne kɛ tul kang, ɛ kɛ ku gbaat ito ɛbhɛ.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.