1 iKɔrɔntos 9:22 - ɛWee ne ìTsɛm iHywas

²² I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.

1 iKɔrɔntos 9:22 ပူးပေါင်းရင်းမြစ်များ

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 9:19

Nzo ne ishwɛɛ ne ito nge, sɔng nzo me ɛkpuru ɛnyi nang, gbik ne iphɛ ɛlɛy, nggɛ ne bo ito nge te ɛkpuru ninyi na gbik te nzɛ n hɔ ninyi gbom.

iRooma 15:1

Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

1 iKɔrɔntos 8:13

iPhɛ ɛlɛy, wu ire de iphɛ ne te ɛgwaa gha ne ɛ so ɛhaa ne roos sa mɔn ɛfɔt to, sɔng na ne tang re inwam nang, ɛlɔ ne naa yung te ɛdɛ ɛgwaa gha ne ɛ so ɛhaa ne roos sa mɔn ɛfɔt.

1 iKɔrɔntos 7:16

iGyɛ ne ɛkuk ko, ɛhay si yɛɛ wu sɛɛ lenɛ ne igyɛ ɛras mo gha sɛ iphɔrɔt daa? iGyɛ niras so ne mang ɛhay si yɛɛ wu sɛɛ lenɛ ne igyɛ ɛkuk mo gha ma sɛ iphɔrɔt daa?

2 iKɔrɔntos 11:29

Wu ɛdɛng kɛ te kyɔkyɔt, naa ne ma te kyɔkyɔt, wu kɛ te ɛdɛng ɛ mɔn ɛfɔt, ibol lɛ yaa ne tak me iyɔm.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

iRooma 14:2

ìNang ne itin ɛdɛ ɛnyi da sɛɛ yɛɛ ne sim ɛbhɛ nɛ ɛ re gbik ɛkɔn na ne ɛ sim, ɛnyi gha ne ìnang ne itin ɛbhɛ da ne so ikyɔkyɔt to nang, icwas ɛbhɛ da ne i bok ɛbhɛ te ɛ re ivee zɔng.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

1 iKɔrɔntos 9:23

Nggɛ mɔn ɛlɛ wo gbik ɛlɔ ne bol iyɛnɛng ngge, te nzɛ ɛhaa nge ɛwɛng ndɔ ne sanga ibol iyɛnɛng ngge.