1 iKɔrɔntos 9:19 - ɛWee ne ìTsɛm iHywas

¹⁹ Nzo ne ishwɛɛ ne ito nge, sɔng nzo me ɛkpuru ɛnyi nang, gbik ne iphɛ ɛlɛy, nggɛ ne bo ito nge te ɛkpuru ninyi na gbik te nzɛ n hɔ ninyi gbom.

1 iKɔrɔntos 9:19 ပူးပေါင်းရင်းမြစ်များ

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

ɛMacu 18:15

“Wu ɛgwaa mo gha kɛ ne mɔn nɛ ɛfɔt to, cwi ɛlɔ ɛbhɛ, te ɛbhɛ tɔɔrek ɛbhɛ ɛfɔt ɛbhɛ wo nyinɛn ne ɛbhɛ ifaa. Wu ɛ kɛ ne bhɛ phok kɛ ɛ kɛ ne kyii ne ɛgwaa mo gha.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

iRooma 15:2

Te njwɛɛn yang mɔn nikɔn na nɛ nibhɛ yaa nang nigwaa njwɛɛn irway ihwala te iphɛ phyik nibhɛ te ìnang ne itin ne ibol nibhɛ de ne byik ghe.

1 ɛBiturus 3:1

ɛLɛy ne mang, nyinɛn nikuk ko, roos ɛn ibol niras mon de. Daa ɛli ne wu nidɛng niras sa sonɛ nɛ nibhɛ kɛ sang nang ne itin nɛ ne ibol ɛTaanggbey, sɛɛ ne yɛɛ ne lenɛ ne ihywɛɛ nikuk nibhɛ de nɛ nibhɛ kɛ tɔɔrek ko i hɔwɔ nibhɛ ma yung tɔ tang ku mɔng nibhɛ ibol.

1 iKɔrɔntos 9:1

Nzo ne ishwɛɛ ne ito nge. Hang ma n sang some ɛngɔn ne tom ɛYɛso gha naa? Hang nggɛ ma sang yaang ɛDaray ɛYɛso yegha naa? Hang kɛ ma sang lenɛ ne ɛtomɛ nge ɛ say ɛn ɛDaray yegha naa?

iRooma 1:14

iRighitik ninyi de gbik ne so daa ne ito nge, ninaa ɛhay nɛ ninaa ne ijwee, ninyi nibhɛ bok ishweng nɛ ninaa ne hame bhɛ bok ishweng.

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

1 iKɔrɔntos 7:16

iGyɛ ne ɛkuk ko, ɛhay si yɛɛ wu sɛɛ lenɛ ne igyɛ ɛras mo gha sɛ iphɔrɔt daa? iGyɛ niras so ne mang ɛhay si yɛɛ wu sɛɛ lenɛ ne igyɛ ɛkuk mo gha ma sɛ iphɔrɔt daa?

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

1 iKɔrɔntos 10:29

Nzi bo wu irway ɛbhɛ, sɔng ivaa mon nang. Ɛɛy, ɛdɛ mon sɛ yɛɛ ne yɔngɔ, “iKyee phɛ aa te irway ɛnyi da ring me ne mɔn ɛkɔn na ne nzi sim moo?

2 iKɔrɔntos 4:15

Kɛ mɔn ɛlɛ wo gbik te iphɛ phyik nyini, sɛ ne sɛ izɛɛng ɛTaanggbey de i hanas ne sɛɛs ninyi na gbom nang, iphɛ ne teye ɛkɔn ne hanas tɔɔsel ɛTaanggbey ye irway ihwala gbom, te nang ɛbhɛ ne ndiinday.

2 iKɔrɔntos 12:14

Ɛlyilyɛghaa wo nzi sim te naa yɛɛs ɛlɔ mon na iyɛɛs ne itwat tɛ. Sɔng nzi ne bo aa tɔɔk ɛn irighitik nge nang, daa ɛli ne nyinɛn ne nzi sim sɔng nikɔn mon nang. Sɔng ninɔn na bhɛ tek ɛkɔn na nibhɛ wɛɛ nɛ niKyɛɛ nang, nikyɛɛ na bhɛ yang tek ɛkɔn na nibhɛ wɛɛ nɛ ninɔn nibhɛ.