1 iKɔrɔntos 9:18 - ɛWee ne ìTsɛm iHywas

¹⁸ iKyee ne yaa ne ji tal mee? Yaa tal me ɛlɛ: wu naa sanga iBol iYɛnɛng ngge, te ne mɔn ɛlɛy tang i tal me, sɔng ne n yɔng wu nggbinggbing te nang me ɛkɔn na ne ɛ so yaa nang ninaa ne sanga wo nang.

1 iKɔrɔntos 9:18 ပူးပေါင်းရင်းမြစ်များ

1 iTasɔlɔnika 2:6

Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

1 iKɔrɔntos 8:9

Ne ɛ wɛɛ ɛn nyini yɛnɛng ɛlɔ ne aa yung le ɛn ne sɔnɔ da ne kɛ sɔnɔ nyini wo ɛ te ɛn nyini ikɛɛ ne kyibhɛ ninaa nɛ nibhɛ so kyɔkyɔt to.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

1 iKɔrɔntos 10:33

Mɔn ɛn ɛli ne nzi mɔn no. Nzi kyangas me nɛ ndɔ nikɔn na ne nzi mɔn gbik tɛ ninyi na phok iyɛnɛng. Sɔng nzi mɔn ito nge nɛ zɔng nang, nzi mɔn te iphɛ phyik ninyi gbom, tɛ nibhɛ sɛ iphɔrɔt.

1 iKɔrɔntos 7:31

ninyi na nɛ nibhɛ mɔn ɛtomɛ gha nɛ nikɔn ɛzay yɛnaa wo nang, sɔng nibhɛ ne sit irwisɛ daa nibhɛ nang daa ɛli nɛ ɛzay yɛghaa wo i phebhe.

iRooma 14:15

Wu ire idɛ ne ɛ re wo kɛ te ɛgwaa mo gha bees irway, iphɛ kɛ ne tɔɔrek sɔng ishwɛɛ mo da so ivaa ne sim nigwaa nang. Sɔng ire de ne teyɛ ɛ bees ɛgwaa mo gha ne ɛKiriti gha kɛ ku ɛlɔ ɛbhɛ gha nang!

ɛYohana 4:36

Kɛ ne ho ne táal ɛhaa ne pha ire gha ilong ɛbhɛ, ɛɛ pha ɛ phɛɛs nɛ ne iken ne inat, te ɛhaa ne tubhus sa ne ɛhaa ne pha gha gbik nibhɛ yɛk irway ihwala.

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

1 iKɔrɔntos 3:8

Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

1 iKɔrɔntos 9:15

Gbik ne iphɛ ɛlɛy, sɔng nggɛ ne yɔng nggbinggbing te mɔn me ɛlɛy nang. Sɔng nzi ne haa ɛwee yɛwoo wo nzi bo te mɔn me ɛlɛy yang. Nduk te ne n ku ne yaa ring me ne hal ɛgyɛy ya daa ne ibol iyɛnɛng ngge ne nzi sanga tang tal me wo.

1 iKɔrɔntos 9:17

Te sɛ yɔng nzi mɔn ɛtomɛ nge gha daa ne kasa nge, sɛ ne mɔn me iyɛnɛng. Daa ɛli ne naa ne sang yɛɛ ne kasa wo nang, nzi ne mɔn ɛtomɛ gha ne ɛTaanggbey kɛ tek me nɛ ndɔ ne iwɔ nge.