1 iKɔrɔntos 9:14 - ɛWee ne ìTsɛm iHywas

¹⁴ Ne ma so ɛlɛy ne mang, ɛTaanggbey ya kɛ yɛk ngɛ, ɛ bo wu ninyi na nɛ nibhɛ sanga ibol iyɛnɛng ngge nibhɛ aa ne ma sɛ ire nibhɛ de nɛ ne ndɔ yɛ.

1 iKɔrɔntos 9:14 ပူးပေါင်းရင်းမြစ်များ

ɛMacu 10:10

Sɔng ɛ boos ɛn irambak ndɔ ne ihywel mon da nang, sɔng ne ɛ boos ɛn ɛhak ɛtura nang, sɔng ɛ boos ɛn ihwak ikpikpangat nang, sɔng ne ɛ ta boos ɛn ɛnggbong nang daa ɛli ne ɛhaa ɛtomɛ gha kɛ hɔn sɛ tal ɛbhɛ ilong ɛbhɛ.

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

1 iKɔrɔntos 9:4

Hang iphɛ ma sang so kancɛng i nang njwii ire de ne inɛn ne sɔ da naa?

ɛLuka 10:7

Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛLuka 10:8

“Gbik ɛgarang nga ne kɛ bhɛ say nyini nɛ ɛ re ɛn ɛkɔn na ne kɛ nang nyini.

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

1 iKɔrɔntos 9:11

Wu njwi kɛ tubhus ihywee ne ikabyik ge ndɔ ne irway mon da, iphɛ ne ji soye ɛdɛ ɛgbaang ɛkɔn no ne njwi yaa pha ire ne ibek ge ɛlɔ mon naa?

1 iKɔrɔntos 9:12

Wu iphɛ ne so kancɛng ɛbyin ninyi na sɛ ɛkɔn na ɛlɔ mon na, iphɛ sɛ ne ji sang so kancɛng ɛlɔ mos sa iphɛ phyin ne i? Gbik ne iphɛ ɛlɛy, sɔng njwi kɛ ne mɔn ɛtomɛ ne ibol lɛdee nggyɛ wo nang, njwi kɛ ne yang rop iku ndɔ nikɔn na gbik daa ɛli ne njwi yaa yung ring ɛtomɛ ne sanga iBol iYɛnɛng ɛKiriti de ne re ɛnu ɛyisɛ.

1 iKɔrɔntos 9:16

Sɔng nzi ne hal ɛgyɛy ya daa ɛli ne nzi sanga ibol iyɛnɛng ngge nang, daa ɛli ne iphɛ some nggbinggbing mɔn ɛlɛy. Ɛɛy! iPhɛ ne some ɛkɔn ne ɛnik, wu nggɛ sang sanga ibol iyɛnɛng ngge.

2 iKɔrɔntos 2:12

Kaa ne sɛ nggɛ phɛ ne iTurasa te mbɛ sanga iBol iYɛnɛng ɛKiriti de, nggaa ne bhɛ sɛ ɛDaray ya kɛ ku ryɔng me ɛlɔ yɛ.

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.