1 iKɔrɔntos 9:1 - ɛWee ne ìTsɛm iHywas

¹ Nzo ne ishwɛɛ ne ito nge. Hang ma n sang some ɛngɔn ne tom ɛYɛso gha naa? Hang nggɛ ma sang yaang ɛDaray ɛYɛso yegha naa? Hang kɛ ma sang lenɛ ne ɛtomɛ nge ɛ say ɛn ɛDaray yegha naa?

1 iKɔrɔntos 9:1 ပူးပေါင်းရင်းမြစ်များ

ɛTomɛ 9:17

ɛHananiya gha ne bo nikɔn ɛ phɛ ne ijwee ɛYahuza wo. Ne ɛ bo iwɔ ɛbhɛ ɛ tek ɛShawulu yegha nɛ dak ne ito. Ne ɛ ji yaak ɛbhɛ, “Ɛgwaa nge ɛShawulu, ɛDaray ɛYɛso gha ne ɛ kɛ wuru yɛ ne nkiinɛ wo ɛbhɛ kɛ tom me te lenɛ ɛlɛy ɛ yaa wɛɛ dɔng ne ta yɛk kɛ ne iKabyik ɛTaanggbey hyɔrɔ.”

1 ɛTimɔti 2:7

ɛKɔn nɛghaa bhɛ kɛ ne te kaa tom me te ɛngɔn ne tom ma, ne ɛhaa ne mɛmɛ ninaa nɛ nibhɛ sang so niYahodawa na ibol ne ìnang ne itin de gbik ne itin de. Sɔng nzi wul irywɛɛk nang, itin nɛ ne nzi tɔng!

1 iKɔrɔntos 3:6

Mee nggɛ tubhus, ɛPolos sa ne ramas, ɛTaanggbey ɛbhɛ ne yɛk ngɛ ɛkɔn na ne kɛ tup po raras.

ɛTomɛ 23:11

Ne sɛ ɛlɔ yɛ kɛ teye ɛtuk, ɛDaray ya ne yɛɛs ɛ kyinak cɛcɛk ne ɛBulus sa ɛ yaak ɛbhɛ, “Te irway nviit! ɛLi ne ɛ kɛ tɔng ninyi na ibol nge de ne iYɛrushɛlɛm be iphɛ ne so nggbinggbing ɛ ta bhɛ tɔng iphɛ ɛlɛy ne iRooma de dɔng.”

ɛTomɛ 9:3

Kɛ ne sɛ ɛ so ne ihywel da ɛ yek cɛcɛk ne iDimaskus de, idɛ wɛwɛy de ne shii le dak ne irywa, iphɛ tolte iphɛ te ɛbhɛ gyɔɔ.

1 iKɔrɔntos 9:19

Nzo ne ishwɛɛ ne ito nge, sɔng nzo me ɛkpuru ɛnyi nang, gbik ne iphɛ ɛlɛy, nggɛ ne bo ito nge te ɛkpuru ninyi na gbik te nzɛ n hɔ ninyi gbom.

2 ɛTimɔti 1:11

ɛTaanggbey kɛ ne kasa me te n te me ɛngɔn ne tom, ne ɛkyɛɛ ne icwam gbik ne ɛhaa ne sanga iBol iYɛnɛng ngɛdee wo.

iGalatiya 5:1

ɛKiriti ɛbhɛ kɛ phɔt njwɛɛn, sɔng njwɛɛn ne tɔ nikpuru nang. iPhɛ ɛlɛy, ne ɛ kyinak ɛn nting sɔng ɛ ta sim ɛn ta rop nyini ne nyang ngge tɛ nikpuru na nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

iGalatiya 1:1

ɛWee yɛwoo wo le ɛlɔ ɛBulus ne ɛ so ɛNgɔn ne Tom ɛYɛso ɛKiriti. Sɔng ɛnyi ɛbhɛ kɛ kasa me nang, sɔng ninyi nibhɛ kɛ ne ta nang me ɛtomɛ yɛ nang. Yang so ɛYɛso ɛKiriti gha ne ɛTaanggbey ne ɛ so ɛTaa ne ɛ kaa yiisik ɛbhɛ ne ikpuu da ɛbhɛ kɛ yel-le me.

1 iTasɔlɔnika 2:6

Sɔng njwii tɔk te ɛten ɛsii bhɛ sɛ ton njwii nang. Hang nyinɛn yɔɔ, hang nihak ninyi yɔɔ, sɔng njwii sim nang. Sɛɛ yɔng njwii tɔk ko, njwi sɛɛ ne mɔn ɛtomɛ ne ihwet mos, ne njwi soye ninɔn ne tom ɛDaray ya njwi yɛk nyini nɛ ɛ phyik ɛn njwii.

2 iKɔrɔntos 11:5

“Sɔng nzi wɛɛ tɛ ninɔn ne tom ma ne kɛ bo nibhɛ wu nibhɛ so ‘igbaang ninɔn ne tom ma’ phyin me ne ɛkɔn nang.

1 iKɔrɔntos 1:1

ɛWee yɛwoo wo le ɛlɔ ɛBulus, ne kɛ yel-le ɛbhɛ lenɛ ne icwas ɛTaanggbey te ɛ teye ɛngɔn ne tom ɛYɛso ɛKiriti. Njwi ne so ne ɛgwaa njwɛɛn ɛSɔtɛnes.

iRooma 11:13

ɛLyilyɛghaa wo, nyinɛn no ne hame ɛ so ɛn niYahodawa na ne nzi bol lɛ. Te ɛli ne nzo ɛhaa ne tom ɛYɛso gha ne ɛ kɛ tom me ɛlɔ ninyi na ne hame nibhɛ so niYahodawa na, nzi ne hal ɛgyɛy ne ɛtomɛ nge gha.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

ɛTomɛ 14:14

Ne sɛ ɛBulus sa ne ɛBanabas sa nɛ nibhɛ so ninɔn ne tom ma, kɛ phok ibol lɛ, nibhɛ ne kpɛɛ itsura nibhɛ, nibhɛ tel ndɔ ninyi na nibhɛ tɔɔk izɔlɔs, nibhɛ bo,

ɛTomɛ 14:4

Ninaa ɛgarang ngɛ ne hobhoset ɛphaa, nidɛng roos ibol niYahodawa de nidɛng ne ma roos idee ninɔn ne tom ma.

ɛTomɛ 13:2

Kɛ ne sɛ nibhɛ re ɛTaanggbey yegha ntsong, nibhɛ kuma iKabyik ɛTaanggbey de ne yaak nibhɛ, “Tul ɛn mɛɛn ɛBanabas se ne ɛShawulu te nibhɛ mɔn ɛtomɛ gha ne nggɛ ku kasa nibhɛ nibhɛ yaa mɔn.”

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

ɛTomɛ 9:5

ɛShawulu gha ne kyii nɛ ɛ yɔngɔ, “ɛDaray, igyɛ ɛhay?” “iZɔlɔs de ne kyii nɛ ihywɛ yɔngɔ, ‘Me n so ɛYɛso gha ne ɛ baasek me nggbang ngga.

1 iKɔrɔntos 10:29

Nzi bo wu irway ɛbhɛ, sɔng ivaa mon nang. Ɛɛy, ɛdɛ mon sɛ yɛɛ ne yɔngɔ, “iKyee phɛ aa te irway ɛnyi da ring me ne mɔn ɛkɔn na ne nzi sim moo?

1 iKɔrɔntos 10:30

Wu nggɛ ne nang ɛTaanggbey yegha irway ihwala daa ne ire de ne nggɛ re wo, ikyee phɛ aa ne te i yɔng wu nggɛ mɔn ɛkɔn ɛkpɛɛ gha daa ɛkɔn na ne nggɛ nang ɛTaanggbey yegha ne irway ihwala daa?”

1 iKɔrɔntos 11:16

Wu ɛdɛng i ne sim te aa re ne ishamas daa ne ibol lɛdee wo, njwit to sɔng njwi ne yɛɛ idɛ ikpii ne roos da ndɔ ne itumɛ ninaa ne roos ɛTaanggbey yegha nang.

2 iKɔrɔntos 10:7

Ɛ wɛɛ ɛn ɛgɔɔ ne izay nikɔn na zɔng! Wu ɛdɛ ɛnyi gha hal ɛn ɛgyɛy wu ɛ soye ɛnyi ɛKiriti gha, nzi ne sim te ɛ sɛ seng wu njwi ma soye ninaa ɛKiriti na ne mang.