1 iKɔrɔntos 8:9 - ɛWee ne ìTsɛm iHywas

⁹ Ne ɛ wɛɛ ɛn nyini yɛnɛng ɛlɔ ne aa yung le ɛn ne sɔnɔ da ne kɛ sɔnɔ nyini wo ɛ te ɛn nyini ikɛɛ ne kyibhɛ ninaa nɛ nibhɛ so kyɔkyɔt to.

1 iKɔrɔntos 8:9 ပူးပေါင်းရင်းမြစ်များ

ɛMacu 18:10

“Wɛɛ ɛn nyini, sɔng ɛ bɛɛs ɛn ɛdɛng ndɔ ne ninɔn nishɛɛrɛng ngɛnaa wo nang. Nzi tɔng nyini, nimalɛka nibhɛ na i shɛɛ ɛlɔ ɛKyɛɛ nge daa ne irywa wo.”

iRooma 15:1

Njwɛɛn no ne ìnang ne itin njwɛɛn da bok ihwet da, iphɛ so nggbinggbing njwɛɛn tɔɔk irighitik ninaa nɛ nibhɛ so kyɔkyɔt to. Te njwɛɛn nang nigwaa irway ihwala sɔng ito njwɛɛn nang.

1 iKɔrɔntos 10:24

Sɔng ɛ wɛɛ ito mo de zɔng ngo nang, ma wɛɛ ɛkɔn na ne aa phyik ɛgwaa mo ne mang.

1 iKɔrɔntos 10:28

Wu ɛdɛ ɛnyi yɛ kɛ ne yaak nyini, “Kɛ hap igunkyi itsanga ne ɛkɔn nɛghaa wo,” sɔng nɛ re ɛn nang daa ne ibol ɛnyi de ne ɛ kɛ tɔng nyini wo, daa ɛli ne irway mon yaa ne ta yung yaa to.

1 iKɔrɔntos 10:29

Nzi bo wu irway ɛbhɛ, sɔng ivaa mon nang. Ɛɛy, ɛdɛ mon sɛ yɛɛ ne yɔngɔ, “iKyee phɛ aa te irway ɛnyi da ring me ne mɔn ɛkɔn na ne nzi sim moo?

1 iKɔrɔntos 10:32

Sɔng ɛ te ɛn nyini ɛkɔn na nɛ niYahodawa na, nɛ ninyi ne hame nibhɛ soye niYahodawa na gbik ne idira ninaa ne roos ɛTaanggbey yegha yaa yaang nibhɛ mɔn ɛfɔt to nang.

1 iKɔrɔntos 8:10

Wu ninaa nɛ nibhɛ so kyɔkyɔt to kɛ yaang ngɛ, igyɛ wo ne ɛ bok ishweng ne itin ne ibol lɛdee nggyɛ wo, ɛ re ire de ndɔ ne icwam ne igunkyi de, sɔng iphɛ yaa ne hante ɛnyi ɛkyɔkyɔt ta ne ihwet ɛli ne aa ji bhɛ re ire igunkyi de nang nge?

1 iKɔrɔntos 8:12

Ɛ mɔn ɛn nigwaa mɔn ɛfɔt daa ɛli ne ɛ subhus ɛn izɔlɔs ne irway nibhɛ ne ihywɛ kyi tɔ kyɔkyɔt, nibhɛ sang yɛɛ iyɛnɛng ne ibebhe, ɛlɛy ɛKiriti ne ɛɛ ne mɔn ɛn ɛbhɛ nɛ.

1 iKɔrɔntos 9:22

I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.

2 iKɔrɔntos 11:21

Naa ne yɔngɔ wu nggɛ sɔ ncwa daa ɛli njwi kɛ sang mɔn nyini nikɔn na nɛ ninaa ne luk nyini na i mɔn nyini nɛ woo? Naa yɔngɔ wu njwi kɛ so kyɔkyɔt te? Wu ɛdɛ ɛnyi gha yaa ne te irway nviit daa ɛdɛ ɛkɔn na nang, naa ne ma mɔn ɛlɛy. Daa ne ibol lɛdee wo nzi ne bol te ɛwamang.

2 iKɔrɔntos 11:29

Wu ɛdɛng kɛ te kyɔkyɔt, naa ne ma te kyɔkyɔt, wu kɛ te ɛdɛng ɛ mɔn ɛfɔt, ibol lɛ yaa ne tak me iyɔm.

2 iKɔrɔntos 6:3

Sɔng njwii sim te ɛtomɛ mos sa sɛɛ teye ɛkɔn ne ɛnyi yaa kyibhɛ nɛ nang, ɛlɔ ne yaa yung sɛ ikɛk ne bɛɛs njwii nɛ.

iGalatiya 5:13

Nyinɛn nigwaa en no, sɔng kɛ yel-le nyini te ɛ shɛɛ tɛ nikpuru nang. Sɔng ishwɛɛ yɛdaa nggyɛ wo ne te nyini ɛ yaa mɔn ɛn nikɔn na ne ɛ sim ɛn nang. Te ishwɛɛ yɛ yang te ɛ te ɛn nyini nikpuru nigwaa mon lenɛ ne ishwim.

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

1 ɛBiturus 2:16

Shɛɛ ɛn ishwɛɛ ne ito mon, sɔng ishwɛɛ ne ito mon da ne kyii te nyini ɛ yaa mɔn ɛn ɛfɔt nang, yang shɛɛ ɛn tɛ nikpuru ɛTaanggbey ya.

2 ɛBiturus 2:19

Nibhɛ kɛ ku sim ninyi na nɛ nibhɛ bo wu nibhɛ kɛ roos imɛmɛ nibhɛ da, nibhɛ yaa sɛ ishwɛɛ ne ito nibhɛ, ɛlɛy nibhɛ wo, nibhɛ ne ma kyi soye nikpuru ne ibebhe de daa ɛli ne ɛnyi gha i soye ɛkpuru ɛkɔn na ne ɛ kɛ kpuru ihywɛɛ ɛbhɛ de.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.