1 iKɔrɔntos 8:6 - ɛWee ne ìTsɛm iHywas

⁶ gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

1 iKɔrɔntos 8:6 ပူးပေါင်းရင်းမြစ်များ

iRooma 11:36

Daa ɛli ne ɛTaanggbey ya ɛbhɛ kɛ ryɔng nikɔn na gbik, Nikɔn na gbik ne sonɛ lenɛ ne ɛTaanggbey ya, nibhɛ ne ta sonɛ daa ne phok iyɛnɛng ɛbhɛ. Te ne nang ɛTaanggbey yegha ne ndiinday ishay-ishay! Ɛɛy.

ɛYohana 1:3

Kaa lenɛ ne ɛbhɛ ɛTaanggbey ya ne ryɔng nikɔn na gbik; sɔng ɛdɛ ɛkɔn na sonɛ ne kaa ryɔng sang lenɛ ne ɛbhɛ wo nang.

1 iKɔrɔntos 8:4

Daa ne bol ne ire de ne kɛ nang igunkyi de nang, njwɛɛn i yɛɛ sɔng idɛ igunkyi ɛzay yɛdee wo bok iken nang. Njwɛɛn i ta yɛɛ wu ɛTaanggbey ya so ɛdaan zɔng wɛlɛng ɛdɛng dɔng.

ɛTomɛ 17:28

Daa ɛli ne ndɔ ɛTaanggbey ya ne njwɛɛn so niken, njwɛɛn i hyel, njwɛɛn i shɛɛ, ɛli nɛ nidɛng ninaa ne yaak ne ighel mon na bo, ‘Njwi soye ninɔn ɛbhɛ.’ ”

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

1 iKɔrɔntos 12:3

iPhɛ ɛlɛy, nzi ne sim te ɛ sɛ seng ɛn, sɔng ɛnyi gha ne iKabyik ɛTaanggbey de so ndɔ ɛbhɛ wo sɛ kyii ta yɔngɔ, “ɛYɛso, te ɛkawɛy roos sɛ,” nang! Sɔng ɛnyi sɛ yɛɛ ne yɔngɔ, “ɛYɛso gha ɛbhɛ ɛ so ɛDaray ya,” tang iKabyik ɛTaanggbey de iphɛ hyel ne ɛbhɛ nang.

ɛTomɛ 2:36

“iPhɛ ɛlɛy, tɛ niSɛrɛla na gbik ne seng ncɛncɛng, ɛTaanggbey ya kɛ yɛk ɛYɛso yɛghaa wo nɛ ne ɛ kaa gangat ɛn no ɛbhɛ teye ɛDaray ya ne ɛKiriti gha.”

ɛYohana 20:17

ɛYɛso gha ne yɔngɔ, “Sɔng ɛ wum me nang, daa ɛli ne nggyi tɔ tang kyii mbɛ daa ɛlɔ ɛkyɛɛ gha. Yang cwi ɛlɔ nigwaa nge na ɛbhɛ mɔng nibhɛ ɛ yaak nibhɛ, ɛYɛso gha bo, ‘Naa kyii daa ɛlɔ ɛKyɛɛ ngɛ gha ne ɛ ma so ɛKyɛɛ mon na, ɛlɔ ɛTaanggbey nge gha ne ɛ ma so ɛTaanggbey mon na.’ ”

ɛYohana 13:13

Ɛ yeres ɛn mɛɛn ɛKyɛɛ ne icwam, ne ɛDaray, iphɛ ne so kancɛng ɛlɛ wo, daa ɛli ne ɛlɛy ne nzo.

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛMacu 11:27

“ɛKyɛɛ nge gha kɛ nang me nikɔn na gbik. Sɔng ɛnyi ne yɛɛ ɛNgɔn na kang ne ɛKyɛɛ gha nang, sɔng ɛnyi ne yɛɛ ɛKyɛɛ gha kang ne ɛNgɔn na gbik nɛ ninaa ne ɛbhɛ ɛNgɔn na kɛ kasa aa phaal nibhɛ wo nang.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

ɛYohana 10:30

Mee wo ne ɛkyɛɛ gha njwi so nidaan nɛ.”

Nikɔn ne kɛ Phaal 1:18

Mee nzo ɛhaa iken na! Nggaa ku, ne ɛ yaang nzo ɛken ne ishay-ishay. N bok igbɔm daa ne iku gbik ne ɛlɔ ne ikpom.

iFisus 3:14

ɛKɔn nɛghaa wo ɛbhɛ kɛ te nggɛ te ne irwa-nggburuk ɛnu ɛyisɛ ɛTaa gha.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

iKɔlɔsi 1:6

iBol iyɛnɛng ngɛdee wo kɛ yɛk ishwɛɛ iywɛnɛng. iPhɛ i ne ta hanas ne shwalat tɛ ndɔ ɛzay ya gbik ɛli ne iphɛ kaa mɔn ndɔ mon no nten de ne ɛ kaa tsa ɛ phok ɛn ibol ne izɛɛng ɛTaanggbey de, ɛ ta seng ɛn ɛli ne iphɛ so wo.

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

1 iKɔrɔntos 6:13

“Kɛ ryɔng ire de ɛlɔ ne iphul, kɛ ne ma ryɔng iphul de ɛlɔ ne re,” ɛTaanggbey ya sɛ ne bunga iphul de ne ire de gbik. Sɔng kɛ ne ryɔng ibek ge ɛlɔ ne nzangas sang, kɛ ryɔng ibek ge te iphɛ nang ɛDaray ye ne ndiinday, ɛDaray ya ɛbhɛ ne hyep ibek ge.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

ɛYohana 1:10

iBol de kaa ne so ndɔ ɛzay ya; kaa ryɔng ɛzay ya lenɛ ne ɛbhɛ, gbik ne iphɛ ɛlɛy sɔng ɛzay ya ne jung seng ɛbhɛ nang.