1 iKɔrɔntos 8:4 - ɛWee ne ìTsɛm iHywas

⁴ Daa ne bol ne ire de ne kɛ nang igunkyi de nang, njwɛɛn i yɛɛ sɔng idɛ igunkyi ɛzay yɛdee wo bok iken nang. Njwɛɛn i ta yɛɛ wu ɛTaanggbey ya so ɛdaan zɔng wɛlɛng ɛdɛng dɔng.

1 iKɔrɔntos 8:4 ပူးပေါင်းရင်းမြစ်များ

ɛMarakus 12:29

ɛYɛso gha ne kyii nɛ ɛ yaak nibhɛ, “iBol de ne iphɛ shɛs ne ihwet da gbik kɛwoo bɛ: ‘Tenes ɛn mɛɛn nyinɛn ninɔn niSɛrɛla wo. ɛHaa ne Inat ta ne ɛ soye ɛTaanggbey njwɛɛn na ɛbhɛ so ɛTaanggbey ɛdaan.

ɛTomɛ 14:15

“Ninyi ne iLisitira! iKyee iphɛ kɛ te ɛɛ mɔn ɛn ɛkɔn neghaa woo? Njwi ma so niten nisii tɛ nyinɛn. Njwi kɛ yɛɛs nyini ne ibol iyɛnɛng, njwii bok nyini te ɛ hyere ɛn nyini ɛ tek ɛn nikɔn nibuu yɛnaa nggyɛ wo, ɛ yaa re ɛn ɛTaanggbey ne iken ne ntsong ne ɛbhɛ kɛ ryɔng ɛdaa ne irywa ne ndɔ ɛzay, nɛ nirenes gbik nɛ nikɔn na nɛ nibhɛ sonɛ ndɔ yɛ.

ɛTomɛ 15:20

Te njwɛɛn yang haa nibhɛ ɛwee te yaak nibhɛ wu hang nibhɛ re ɛn ire ne ikpii, hang nibhɛ ra ɛn nzangas, hang nibhɛ ne re inwam ne kɛ sang hyɛ i tul neyi yɛ, wu hang nibhɛ ne re neyi.

ɛTomɛ 19:26

Ɛ wɛɛ ɛn ɛ phok ɛn ɛkɔn na ne ɛnyi gha ne i bok ɛbhɛ ɛBulus sa kɛ mɔn no, ɛ kɛ yɛɛn ninyi ne iFisus sa gbik ne ivel ne iSiya da ɛ kɛ hyere nibhɛ gbik! Ɛ bo wu ɛTaanggbey ne ɛten ɛsii kɛ ryɔng wu hang ɛ so ɛTaanggbey ne itin nɛ.

1 iKɔrɔntos 8:1

Daa ne ibol ne ire de ne kɛ nang igunkyi de nang, njwɛɛn i yɛɛ ncɛncɛng wu gbik njwɛɛn no bok ishweng. iShweng ngga ne ito ne ifɛ, ifɛ ne yɛɛs ne itɔɔsek ito, ishwim ifɛ ne lɔl ɛnyi gha.

1 iKɔrɔntos 8:10

Wu ninaa nɛ nibhɛ so kyɔkyɔt to kɛ yaang ngɛ, igyɛ wo ne ɛ bok ishweng ne itin ne ibol lɛdee nggyɛ wo, ɛ re ire de ndɔ ne icwam ne igunkyi de, sɔng iphɛ yaa ne hante ɛnyi ɛkyɔkyɔt ta ne ihwet ɛli ne aa ji bhɛ re ire igunkyi de nang nge?

1 iKɔrɔntos 8:11

ɛLɛy ne ishweng mo da yaa ne ji kyi te ɛdɛ ɛgwaa mon na ne ɛKiriti gha kɛ ku ɛlɔ ɛbhɛ gha ɛ ho.

iGalatiya 4:8

Ne ile de, sɔng ɛ ka yɛɛ ɛn ɛTaanggbey yegha nang. Ɛ ka so ɛn nikpuru nihak nitaanggbey ne sɔng nibhɛ ma yung so ɛkɔn nang.

iFisus 4:6

ɛTaanggbey ɛdaan, ɛbhɛ ɛ soye ɛKyɛɛ ninyi na gbik, ɛDaray gbik, ɛɛ mɔn ɛtomɛ ndɔ nikɔn na gbik, ne ɛ so ndɔ nikɔn na gbik.

1 ɛTimɔti 1:17

Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

ɛYahuza 1:25

Te ne dɛp ɛTaanggbey yegha ne ɛbhɛ ɛ soye ɛTaanggbey ya zɔng lenɛ ne ɛDaray njwɛɛn ɛYɛso ɛKiriti ɛhaa ne phɔt njwɛɛn. Te ndiinday, ne igbom, ne ito, ne igbɔm teye ivaa ɛbhɛ, lenɛ ne ɛtum ɛzay yo, ne ɛlyilyɛghaa, gbik ne ishay-ishay! Ɛɛy.