1 iKɔrɔntos 8:3 - ɛWee ne ìTsɛm iHywas

³ ɛNyi gha ne ɛ ne sim ɛTaanggbey yegha nang, ɛTaanggbey ya ne yɛɛ ɛbhɛ.

1 iKɔrɔntos 8:3 ပူးပေါင်းရင်းမြစ်များ

ɛMacu 7:23

Nzɛ ne ma yaak nibhɛ, ‘Sɔng nzi ku yɛɛ nyini nang, bak ɛn ne ɛlɔ yɛ ɛlɔ nge gha, nyinɛn ninaa ne mɔn ibebhe de.’

ɛYohana 10:14

“Mee nzo ɛhaa ne ntsabhak ɛyɛnɛng nga, nzi ne yɛɛ ntsabhak nge de, ntsabhak nge de ne ma yɛɛ me,

ɛYohana 21:17

ɛYɛso gha ne boote ne ɛSimɔn na ɛhaa ne itwat tɛ, ɛ yɔngɔ, “ɛSimɔn ne ɛ soyɛ ɛngɔn ɛYohana, Ɛɛ sim mee?” ɛSimɔn na ne bees irway daa ɛli ne ɛYɛso gha kɛ phom ɛhaa ne itwat ta ɛ yaak ɛbhɛ, “Ɛɛ sim mee?” Ne ɛ yaak ɛYɛso yegha, “ɛDaray, ɛ yɛɛ nikɔn na gbik, ˆɛɛ yɛɛ ɛli ne nzi sim-mɛ wo.” ɛYɛso gha ne yaak ɛbhɛ, “Hyep ᐩigyol nge de.

iRooma 11:2

Sɔng ɛTaanggbey ya kɛ mbaray ninyi ɛbhɛ na ne ɛ kaa ku yɛɛ ne ile de nang. Ɛ yɛɛ ɛn ɛkɔn na ne ɛWee ne iBol ɛTaanggbey yo i bol daa ne ito ɛLiya de ɛli ne ɛ kaa phɛ ne ishwin ɛbhɛ da ɛlɔ ɛTaanggbey ya daa ne ito niSɛrɛla de ɛ bo,

1 iKɔrɔntos 13:12

ɛLyilyɛghaa wo, njwɛɛn i wɛɛ ɛTaanggbey yegha mbirim te izazurum, ɛtuk kɛghaa nggyɛ wo, njwɛɛn sɛ ne ji yaang ɛbhɛ nkpɔɔng. Sɔng ishweng nge da so hyɔrɔ ɛlyilyɛghaa wo nang, ɛtuk kɛghaa nggyɛ wo nang, nzɛ ne ji seng hyɔrɔ-hyɔrɔ ɛli ɛTaanggbey ya kɛ seng me.

1 iKɔrɔntos 2:9

Te ɛli ne kɛ ku haa i bo, “Sɔng irwisɛ kɛ ku yaang, sɔng itoro kɛ ku phok, sɔng irway kɛ ne ku tas icwas, ɛkɔn na ne ɛTaanggbey ya kɛ ryɔng ninyi na nɛ nibhɛ sim ɛbhɛ wo nang.”

iGalatiya 4:9

ɛLyilyɛghaa wo ne ɛ kɛ ji seng ɛn ɛTaanggbey ririk, hang naa yɔng ɛTaanggbey ya kɛ seng nyini ririk yɔɔ. iKyee iphɛ kɛ ne te ɛ sim ɛn aa ta kyii ɛn ɛlɔ nigɔm ne ikpabyik ɛzay yɛghaa wo nɛ nibhɛ so buu wo nibhɛ sang kyi ta so ɛkɔn naa? iKyee phɛ te ɛ sim ɛn aa ta tes nyini nikpuru nibhɛ naa?

2 ɛTimɔti 2:19

Gbik ne iphɛ ɛlɛy, ibol ɛTaanggbey de kɛ ne ku see ye te ikɛɛ ɛtum ne ijwee gɛgɛy. Kɛ ku baa ne icwɛɛm, i haa ne ibol de ne iphɛ bo, “ɛTaanggbey ya i ku yɛɛ ninaa ɛbhɛ na.” Gbik ne “ɛNyi gha ne ɛ bo wu i soye ɛhaa ɛDaray ya, te ɛ shɛɛ kyakyak ne ɛtomɛ ɛbebhe gha.”

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

1 ɛYohana 4:19

Njwɛɛn bok ishwim ba daa ɛli ne ɛTaanggbey ya ɛbhɛ kɛ tsa ɛ sim njwɛɛn.

1 ɛYohana 4:7

Nyinɛn ninaa ne nzi sim, te ɛrɔngɔ sim ɛrɔngɔ daa ɛli ne ishwim ba le ɛlɔ ɛTaanggbey. Gbik ɛnyi gha ne ɛ bok ishwim ba, ɛ soye ɛNgɔn ɛTaanggbey, ɛ yɛɛ ɛTaanggbey ye.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 2:19

Nzi yɛɛ nitomɛ mo ne ishwim mo gbik ne ìnang ne itin mo. Nzi ne yɛɛ ɛtomɛ mo gha ne ɛ phyighis nigwaa mo na nɛwo, gbik ne ɛbɔk mo gha. Nzi yɛɛ wu ɛtomɛ mo gha ɛlyilyɛghaa phyin ɛhaa ɛyisɛ mo gha.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.