1 iKɔrɔntos 7:34 - ɛWee ne ìTsɛm iHywas

³⁴ ɛlɛy ne ihywɛɛ ɛbhɛ de kɛ ne hosop bhe ɛphaa. ɛKuk ka ne ɛ sang ɛras sa, hang ɛlyilyap yɔɔ, ɛɛ ne ma kyii ne ihywɛɛ ɛbhɛ de daa nikɔn ɛDaray ya ɛli ne aa tek ibek ɛbhɛ ne ikabyik ɛbhɛ daa ɛDaray ya. ɛKuk ka ne ɛ bok ɛras nang ɛ ne nang ihywɛɛ ɛbhɛ de daa nikɔn ɛzay te ɛ̀ras sa phok iyɛnɛng.

1 iKɔrɔntos 7:34 ပူးပေါင်းရင်းမြစ်များ

ɛYohana 10:13

ɛNyi gha kɛ tel lo daa ɛli ne kɛ kɔp ɛbhɛ ihywep ba, sɔng ɛɛ ne tas ntsabhak ge nang.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 iKɔrɔntos 7:33

ɛNyi gha ne ɛ bok ɛkuk ka nang, ɛɛ ne kyii ne ihywɛɛ ɛbhɛ de daa nikɔn ɛzay ya, te ɛkuk ɛbhɛ gha phok yɛnɛng ɛbhɛ,

1 iKɔrɔntos 7:35

Nggɛ boote ɛlɛ wo te n phyik nyini, sɔng nzi bo naa phyingɛl nyini nang, nzi yang sim te ishwɛɛ mon da sɛ jam, te ɛ mɔn ɛn ɛDaray yegha ɛtomɛ gha ne irway mon ijwaan.

2 iKɔrɔntos 11:28

Kang nɛ nidɛng nikɔn na, ne n bok irighitik ne wɛɛ ijwira ninaa ne roos de cɛcɛɛy.

2 iKɔrɔntos 8:16

Njwi bok irway ihwala ne ɛTaanggbey ne ɛbhɛ kɛ nang ɛTitus se irway ne phyik nyini ɛli ne nggaa ku i has irway.

iFilibi 1:20

Nggɛ yɛk ne irway nzi has irway ɛlɔ ne naa yung bak ito nge ncwa ndɔ ɛtomɛ ɛKiriti gha, te n yang bol tang ɛnik. Te gbik ɛkɔn na ne naa mɔn no te ɛKiriti gha sɛ ndiinday ndɔ ne ishwɛɛ nge ɛlyilyɛghaa wo, ɛli ne iphɛ ku so wo. Hang nzo ɛken yɔɔ, hang nggɛ ku yɔɔ.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 ɛTimɔti 3:5

Wu ɛnyi gha i doo ne boos ijwee ɛbhɛ wo, aa ne mɔn ɛlii ɛ yɛɛ ne wɛɛ idira ninaa ne roos ɛTaanggbey yedee?

1 ɛTimɔti 5:5

ɛKusang nga ne ɛ sang ɛhaa ne iphyik ka i ne sit irwisɛ daa ɛTaanggbey, ɛ bol ne ɛTaanggbey ya ne igbey ne ɛtuk, te ɛTaanggbey ya phyik ɛbhɛ.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.