1 iKɔrɔntos 7:19 - ɛWee ne ìTsɛm iHywas

¹⁹ iHyɛ itee de, ne sang hyɛ itee de, sɔng iphɛ phɛ soye ɛkɔn nang, iroos ikpii ɛTaanggbey da iphɛ phɛ shɛs.

1 iKɔrɔntos 7:19 ပူးပေါင်းရင်းမြစ်များ

iGalatiya 6:15

Sɔng ibol ne hyɛ itee de ne sang hyɛ itee de iphɛ phɛ soye ɛgbaang ɛkɔn nang. ɛGbaang ɛkɔn no so, te kyii ryɔng ɛnyi gha iryɔng ifas.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iGalatiya 3:28

iPhɛ ɛlɛy ninyi ɛzay ya ne labhe ɛnu ɛyisɛ ɛTaanggbey ya nang. Sɔng niYahodawa na labhe nɛ ninyi na ne hame nibhɛ soye niYahodawa na nang, sɔng ɛkpuru labhe ne ɛngɔn ne ijwee nang, sɔng ɛras labhe ne ɛkuk kang. Gbik mon no ɛ so ɛn nyini nidaan nɛ ndɔ ɛYɛso ɛKiriti gha.

1 iKɔrɔntos 8:8

Sɔng ire de iphɛ yɛɛs ne njwɛɛn cɛcɛk ne ɛTaanggbey ya nang. Wu njwɛɛn kɛ sang re, sɔng njwɛɛn yaa ne tɛ ye nang, wu njwɛɛn kɛ ne re, sɔng njwɛɛn yaa ne hantey yɛ nang.

iRooma 3:30

ɛTaanggbey ya so ɛdaan, ɛbhɛ aa ne say ninaa ne hyɛghɛ icwee da wu nibhɛ so cik lenɛ ne itin ne ibol gbik nɛ ninaa ne sang hyɛghɛ icwee da daa ne nang ne itin nɛ.

ɛYohana 15:14

Wu ɛ kɛ mɔn ɛn ɛkɔn na ne nggɛ yɛk nyini nɛ wo, ne ɛ so ɛn nitaay nge.

ɛMacu 5:19

ɛHiha ɛnyi ne ɛ kɛ mbaray ɛdɛ kyikyɔnɔ ncɛt ndɔ ne ikpii da, ɛ ma ta mɛmɛ nihak ngɛ tɛ nibhɛ mɔn ɛlɛy, ɛ sɛ ne bhɛ teye ɛtsim mɛ ne igbɔm ɛdaa ne irywa da, ɛhiha ɛnyi ne ɛ kɛ ne roos, ɛ ma ta mɛmɛ nihak ngɛ tɛ nibhɛ ma mɔn ɛlɛy ɛ sɛ ne bhɛ teye ɛgbaang ngɛ ne igbɔm ɛdaa ne irywa da.