1 iKɔrɔntos 7:10 - ɛWee ne ìTsɛm iHywas

¹⁰ Ninaa nɛ nibhɛ ku bok nikuk ka nɛ niras sa, nzi ne bok nibhɛ sɔng ɛkuk ka ne tek ɛ̀ras sa nang. ɛDaray ɛbhɛ bok ikpii yɛdaa wo sɔng mee nang.

1 iKɔrɔntos 7:10 ပူးပေါင်းရင်းမြစ်များ

ɛMacu 5:32

Mee wo nzi ne bok nyini, ɛhiha ɛnyi ne ɛ kɛ ne kasa ɛkuk ɛbhɛ gha, wu tang so daa ne ibol ne nzangas, ɛ kɛ ne te ɛkuk ka ɛ teye ɛkuk ne nzangas. ɛHiha ɛnyi ne ɛ kɛ ne tul ɛkuk ka ne kɛ kasa ɛbhɛ wo, ɛɛ ne ra nzangas.

ɛLuka 16:18

“Gbik ɛnyi gha ne ɛ kasa ɛkuk ɛbhɛ ɛ tul ɛhak ka ɛ ra nzangas, ɛnyi gha ne ɛ kɛ ne tul ɛkuk ka ne ɛ̀ras sa kɛ kasa ɛbhɛ wo ɛ ma ra nzangas.”

1 iKɔrɔntos 7:15

Wu ɛhaa ne ɛ sang so ɛhaa ne roos sa i ne sim te ɛ sɛɛ hosobhe ne ɛhaa ne roos sa, hay, tɛ nibhɛ ne hosop en. Sɔng iphɛ ne ta tɔ ɛgwaa gha ne ɛ so ɛhaa ne roos sa nggbinggbing ɛ roos ibol lɛdee wo nang, daa ɛli ne ɛTaanggbey ya kɛ yel-le njwɛɛn te njwɛɛn shɛɛ ncaang.

1 iKɔrɔntos 7:12

Daa ɛbyin ninyi na nang, nzi ne bo ɛlɛ, sɔng ɛDaray ɛbhɛ bo nang, wu ɛdɛ ɛgwaa gha ne ɛ so ɛhaa ne roos sa bok ɛkuk ka ne ɛ sang soye ɛhaa ne roos, wu ɛkuk kɛ kɛ ne sim nibhɛ yaa shɛɛ ncaang, sɔng ne ɛ roos ɛbhɛ nang.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

1 iKɔrɔntos 7:6

Nzi tɔng nyini ibol lɛdee wo, te n tek nyini ne icwas, sɔng nggɛ yɛk nyini nɛ nggbinggbing nang.

1 iKɔrɔntos 7:40

Gbik ne iphɛ ɛlɛy, icwas nge ne bok me wu ɛkuk ka yaa phyin ne irway ihwala wu ɛ kɛ shɛɛ ɛli ne ɛ so wo. Nggɛ boote ɛlɛ wo daa ɛli ne nzi yaang te n bok iKabyik ɛTaanggbey.

ɛMarakus 10:2

Nidɛng niFarisawa na ne tuu, nibhɛ ne yaa ten ɛYɛso yegha nibhɛ bok ɛbhɛ, “ɛShara gha kɛ sim njwii nɛ wu te ɛnyi gha hosobhe ne ɛkuk ɛbhɛ ghaa?”

1 iKɔrɔntos 7:11

Wu ɛ kɛ ne tek ɛ̀ras sa, sɔng ne ɛbhɛ sim ɛhak ɛ̀ras nang, te ɛ yang kyii tɛ nibhɛ bhɛ ryɔng ne ɛ̀ras sa. Sɔng ɛ̀ras sa ne ma roos ɛkuk ɛbhɛ gha ne mang nang.