1 iKɔrɔntos 6:18 - ɛWee ne ìTsɛm iHywas

¹⁸ Tel ɛn nzangas de! Gbik ɛfɔt to ne ɛnyi gha i mɔn no, sɔng ɛbhɛ dat ibek ɛbhɛ nang. ɛHaa ne ra nzangas sa ne mɔn ibek ɛbhɛ de ɛfɔt.

1 iKɔrɔntos 6:18 ပူးပေါင်းရင်းမြစ်များ

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

1 iTasɔlɔnika 4:3

Daa ɛli ne icwas ɛTaanggbey so te ɛ tul nyini kang. iPhɛ ɛlɛy ne ˆɛ tel ɛn ishwɛɛ ne nzangas de.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

iFisus 5:3

Sɔng ne i phok ngka ne nzangas ndɔ nang, sɔng ne phok ngka ɛkɔn ne ishis, ne irisɛ ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

2 iKɔrɔntos 12:21

N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

iRooma 1:24

iPhɛ ɛlɛy, ɛTaanggbey kɛ ne tek ndɔ mɔn nikɔn nibebhe na ne irway nibhɛ da i sim mo, nibhɛ mɔn nikɔn ne yɔm ncwa ne ibek de.

iGalatiya 5:19

Nikɔn ne ɛfɔt ta ne ibek ge sim mo ku so kpas. Nibhɛ naa ɛlɛ: re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa,