1 iKɔrɔntos 6:11 - ɛWee ne ìTsɛm iHywas

¹¹ ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

1 iKɔrɔntos 6:11 ပူးပေါင်းရင်းမြစ်များ

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

ɛTomɛ 22:16

iKyee ne ɛ tɔɔ hyep bhe? Yilitsik te i yɛk kɛ ne ibatisima de te kuus ɛfɔt mo lenɛ ne yel-le irywɛɛk ɛDaray yo.’

iRooma 8:30

Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iFisus 5:26

ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iRooma 8:33

ɛHay ɛbhɛ aa ne yɔng bok ibol nɛ ninyi na ne ɛTaanggbey ya kɛ kasa wo? Wɛlɛng ɛnyi! Daa ɛli ɛTaanggbey ya ne ito ɛbhɛ ɛbhɛ kɛ say nibhɛ wu nibhɛ so cik.

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

ɛTomɛ 13:39

Kɛ ne lenɛ ne ɛYɛso, gbik ɛnyi gha ne ɛ kɛ nang ne itin nɛ, kɛ ne say ɛbhɛ wu ɛ so cik ɛnu ɛyisɛ ɛTaanggbey, ɛkɔn na ne hame ɛShara ɛMuusaa gha kaa sang yɛɛ ne mɔn nɛ wo.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

iGalatiya 3:11

iPhɛ ku so ywɛywɛy, sɔng ɛTaanggbey ya sɛ bhɛ say ɛnyi gha wu ɛ so cik ko daa ɛli ne ɛ kɛ roos ɛShara nang. Daa ɛli ne ɛWee ne iBol ɛTaanggbey yo i bo; “ɛNyi ɛcik ka sɛ ne shɛɛ ɛken lenɛ ne ɛ kɛ nang ne itin nɛ.”

Nikɔn ne kɛ Phaal 7:14

Ne nggyii ɛbhɛ nɛ, n yaak ɛbhɛ, “Ɛndiinday, ɛ yɛɛ.” Ne ɛ ji yɔngɔ, “Ninyi yɛnaa wo nibhɛ bhɛ kɛ wuru ndɔ ne ɛgbaang ne nggbang ngo. Nibhɛ kɛ ne kuus itsura nibhɛ da nɛ neyi ɛNgɔn ne pharak ka, neyi na kɛ ne ji te ifɛ ifɛ te ihwala da.”

iGalatiya 2:16

Gbik ne iphɛ ɛlɛy, njwi ne yɛɛ wu ɛTaanggbey ya say ɛnyi gha wu ɛ so cik ko ne ɛ kɛ nang ne itin nɛ ne ɛYɛso ɛKiriti zɔng. iPhɛ ɛlɛy sɔng ɛTaanggbey i say ɛnyi gha wu ɛ so cik ko daa ɛli ne ɛ kɛ roos ɛShara gha nang, daa ɛli ne sɔng daa ne iroos ɛShara gha i te i say ɛnyi gha wu ɛ so cik kang.

1 iKɔrɔntos 12:2

Ɛ yɛɛn nten de ne ɛ kɛ tang te ɛn nyini ninaa ne roos sa, kaa ne luk nyini ɛ yaa re ɛn igunkyi ne iphɛ sang iken ntsong.

iBirani 2:11

ɛYɛso gha ne ɛbhɛ ɛ so ɛhaa ne te ninyi na wɛwɛy, ɛbhɛ wo nɛ ninyi na ne ɛ kɛ te nibhɛ wɛwɛy yo soye ninɔn ɛkyɛɛ ɛdaan. iPhɛ phɛ kɛ te sɔng ɛYɛso gha ne bok ncwa ne yaak nibhɛ nigwaa ne nang.

iGalatiya 3:24

ɛShara gha ɛbhɛ kɛ wɛɛ njwɛɛn bhɛ hɔn ne nten ɛKiriti de, te ne ji lenɛ ne ìnang ne itin de i say njwɛɛn wu njwɛɛn so cik ɛlɔ ɛTaanggbey ya.

iRooma 5:9

Wu ɛTaanggbey ya kɛ ne say njwɛɛn wu njwɛɛn so cik ko lenɛ nɛ neyi ɛKiriti na, yaa ne ji mɔn ɛlii i sang phɔt njwɛɛn ndɔ ne njenjek ɛTaanggbey dee?

iRooma 3:24

Kɛ ne lenɛ ne izɛɛng ɛTaanggbey de ne ɛ kɛ nang ngo, kɛ ne say ɛrɔngɔ wu so cik ɛnu ɛyisɛ ɛTaanggbey ya, lenɛ ne isay da ne kɛ say ɛbhɛ ndɔ ɛYɛso ɛKiriti gha.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

iGalatiya 3:8

Ne ile de kaa ku haa ndɔ ne ɛwee ne bol ɛTaanggbey yo wu ɛTaanggbey ya sɛ say ninyi na ne hame nibhɛ soye niYahodawa na wu nibhɛ so cik lenɛ ne itin ne bol nibhɛ. iPhɛ ɛlɛy, kaa ne ku mɔng ɛBaraying ngegha ibol iyɛnɛng ngge, i bo, “Sɛ ne lenɛ ne igyɛ ninyi ɛzay ya ne sɛ ɛwɛng.”

iRooma 4:5

ɛNyi gha ne ɛ kɛ ne sang hal ɛgyɛy ne ɛtomɛ ɛbhɛ gha, ɛ yang nang ne itin nɛ ne ɛTaanggbey ya ne ɛbhɛ ɛ say nibebhe ninyi na wu nibhɛ so cik ko, sɛ ne bo ìnang ne itin ɛnyi yɛdee nggyɛ wo i say ɛbhɛ wu ɛ so cik.

ɛLuka 18:14

ɛYɛso gha ne ji yaak ninyi na, “Nzi tɔng nyini itin nɛ, ndɔ ninyi ifaa yɛnaa wo, ɛhaa ne saasel ijam ne ivel la kaa ne hyil le ɛ so ɛnyi ɛcik ɛnu ɛyisɛ ne ɛTaanggbey ya, sɔng ɛFarasii gha nang. Gbik ɛnyi gha ne ɛ kɛ tɔɔk ito ɛbhɛ de, yaa ne laasek ɛbhɛ, ɛhaa ne ɛ kɛ ne tɔmɔsek ito ɛbhɛ de yaa ne tɔɔk ɛbhɛ.”

ɛYohana 13:10

ɛYɛso gha ne kyii nɛ ɛ yaak ɛbhɛ, “ɛNyi gha ne ɛ kɛ ku kuus se wo, ibek ɛbhɛ de ne so wɛwɛy, ita ɛbhɛ zɔng iphɛ tɔk sɛ kusu. Ɛ so ɛn wɛwɛy; sɔng ne so gbik mon nang.”

ɛYohana 13:8

ɛSimɔn ɛBiturus sa ne yaak ɛbhɛ, “Kwa, sɔng aa kuus me ita de nang.” ɛYɛso gha ne kyii nɛ ɛ yɔngɔ, “Wu nggɛ ne sang kuus sɛ ita de, sɔng aa ne tɔ yɛ ɛngɔn ne icwam nge gha nang.”

iBirani 10:29

iPhɛ sɛ ne ji so ɛlii daa ɛnyi gha ne ɛ kɛ bɛɛs ɛNgɔn ɛTaanggbey yaa? ɛNyi gha ne ɛ kɛ sang bo neyi ne rop ne ìtsɛm ne tul ɛbhɛ kang ngo te ɛkɔn naa? ɛNyi ghe ne ɛ kɛ towos iKabyik ɛTaanggbey dee? iYa ihywee ɛshara ne sɛ ne ji hyɛ ɛbhɛ nɛɛ?

1 ɛYohana 2:12

Nyinɛn ninɔn nge ne nzi sim, nzi haa nyini nɛ, daa ɛli ne kɛ hana nyini ne ɛfɔt mon no lenɛ ne irywɛɛk ɛYɛso.

ɛMacu 20:4

Ne ɛ yaak nibhɛ, ‘Ma cwi ɛn te ɛbhɛ mɔn ɛn ɛtomɛ gha ne ihwap ɛnap nge da, naa ne tal nyini ɛkɔn na ne ɛ kɛ jam mɛ.’