1 iKɔrɔntos 6:10 - ɛWee ne ìTsɛm iHywas

¹⁰ Nɛ ninaa ɛyi na, nɛ ninaa ne idɔphiri na, nɛ ninaa ne sɔ nibhɛ tes ziizii wo. Nɛ ninaa ne towos ninyi na, nɛ ninaa ne luk ninyi nibhɛ phɔrɔt nikɔn nibhɛ na gbik. Sɔng ɛdɛ ɛbhɛ sɛ bhɛ lel ne igbɔm ɛTaanggbey da nang.

1 iKɔrɔntos 6:10 ပူးပေါင်းရင်းမြစ်များ

1 iKɔrɔntos 5:11

Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

iGalatiya 5:21

ne ɛnkyis, ishwɛɛ ziizii, ne sim ijwira ne sɔ igbuut, nɛ ɛbyin nɛ. Nzi kpɛng nyini ɛlyilyɛghaa wo, ɛli ne nggɛ ta ku kpɛng nyini wo. Nzi bo, ninyi na nibhɛ mɔn nikɔn nɛnaa nggyɛ wo, sɔng nibhɛ sɛ ne bhɛ sɛ ɛwɛng ne igbɔm ɛTaanggbey da nang.

iFisus 4:28

ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.

1 ɛBiturus 4:15

Ne ɛ wɛɛ ɛn nyini yɛnɛng, sɔng ne towos nyini wo daa ɛli ne ɛ kɛ phoo ɛn ɛnyi nang, sɔng ne towos nyini daa ɛli ne ɛ kɛ hyel ɛn ɛyi nang, hang ɛ kɛ mɔn ɛn ɛdɛ ɛkɔn ɛkpɛɛ yɔɔ. Sɔng ma yung towos nyini daa ɛli ne ɛ kɛ lel ɛn ɛdɛ ɛkɔn na ne ɛ sang so ɛhaa mon nang.

ɛMacu 23:33

“Ɛ so ɛn te izɔ, nɛ ninɔn ne izɔ igywebhe! Ɛ sɛ mɔn ɛn ɛli ɛ sang bhɛ lel ɛn ndɔ ne ijwee ne igboo woo?

1 iTasɔlɔnika 4:6

Sɔng ɛdɛ mon ne bees ɛgwaa ɛbhɛ irway, ɛ mɔn ɛbhɛ ibebhe daa nikɔn nɛnaa wo nang. Njwi kɛ ku tɔng nyini, njwii ne ta kpɛng nyini wu ɛDaray ya sɛ baasek ninaa ne mɔn nikɔn nɛnaa wo nggbang.

ɛYohana 12:6

Sɔng ɛYahuza gha kaa yɔng ɛlɛ wo daa ɛli ne ɛ tas nihala ninyi na nang, ɛ kaa ku so ɛhaa ɛyi, daa ɛli ne ɛbhɛ ɛ kaa so ɛhaa ne boos irambak ne ijam niYɛso yede, ne ɛ kyii mɔɔng ɛ shii tul izɛng nɛ ndɔ yɛ ɛ phyik ito ɛbhɛ nɛ.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

ɛMacu 21:19

Ne ɛ yaang ɛpharang cɛcɛk ne nkiinɛ ne ɛ phɛ ne ɛlɔ yɛ, sɔng ne ɛbhɛ sɛ ikpam nang, ɛbebee zɔng ne ɛ kaa bhɛ sɛ. ɛYɛso gha ne nang ɛpharang nga ɛnu ɛbebhe, ɛ yɔngɔ, “Sɔng aa tang yɛk ikpam mang ishay-ishay!” ɛPharang nga ne shii howo nɛ nten nɛ.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

1 iKɔrɔntos 15:50

Nigwaa en, nzi sim te ɛ sɛɛ seng ɛn ɛlɛ, sɔng ibek ne ivel ɛzay yɛdaa wo ne iphɛ so inwam ba nɛ neyi na sɛ́ sɛ ihop ne igbɔm ɛTaanggbey da nang. ɛLɛy ne mang, sɔng ibek ne sa de sɛ ne ma sɛ ɛkɔn ne ɛ sɛɛ sang sa nang.

iFisus 5:5

Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.