1 iKɔrɔntos 5:7 - ɛWee ne ìTsɛm iHywas

⁷ Tul ɛn ihelem ne iyis de ne ɛfɔt to te ɛ te ɛn nyini niphas sɛ. ɛLɛy ɛtsak ɛ ku so ɛn niphas sɛ wo, daa ɛli ne kɛ ku hap itsanga ne ɛKiriti gha ne ɛbhɛ soye ɛNgɔn ne ɛpharak njwɛɛn na ne iDira ne Tes iDee de tsak ko.

1 iKɔrɔntos 5:7 ပူးပေါင်းရင်းမြစ်များ

ɛMacu 13:33

Ne ɛ kyii ta boote nɛ nibhɛ ndɔ ne igɔrɔp ɛ yɔngɔ, “iGbɔm ɛdaa ne irywa da so te iyis ne ɛkuk kɛ hyoke nɛ ncɛt, ɛ yɛk ndɔ inuk ne mpɛ so gbom ɛ subhus mpɛ. iYis de ne te inuk ga wara gbom.”

ɛMarakus 14:12

ɛTuk kɛ kaa ne tuu nɛ niYahodawa na yaa ra ijɔwɔ ne iPasika nibhɛ de. ɛTuk kɛghaa nggyɛ wo nang nibhɛ ne hyɛghɛ ninɔn ne ifarak nibhɛ ra ne ijɔwɔ de. Ninɔn ne icwam ɛYɛso na ne phom ɛbhɛ nibhɛ yaak ɛbhɛ, “Ɛ sim te aa bhɛ re ne ijɔwɔ mo de ɛbii? Njwii sim njwi yaa bhɛ ryɔng ngɛ ɛlɔ yɛ.”

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

ɛYohana 1:36

Ne sɛ ɛ yaang ɛYɛso yegha ɛ phebhe, ne ɛ yɔngɔ, “Yaang ɛn! ɛNgɔn ne ɛpharak ɛTaanggbey ya!”

ɛYohana 19:14

Nten de kaa ne yɛɛs ne hɔn ɛceree nggbay ɛtuk ne ryɔng nikɔn ne sɛ cwiil i ra ijɔwɔ ne Tes iDee de Tsak ko. ɛBilatus sa ne yaak niYahodawa na, “Yaang ɛ, ɛGɔm mon nɛghaa bɛ!”

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

1 iKɔrɔntos 5:13

ɛTaanggbey ya ɛbhɛ aa bol ninaa ne hame nibhɛ so ninaa ne roos sa ɛshara gha. Roos ɛn ɛbebhe yɛghaa wo ndɔ mon no.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

Nikɔn ne kɛ Phaal 5:12

Nibhɛ ne i yaak ne iywel ne izɔlɔs nziinzay nibhɛ bo, “ɛNgɔn ne Pharak ka ne kaa hyɛ wo kɛ hɔn ɛlɔ yɛ ne ɛ sɛɛ say ito, ne iryat, ne ntsɛntsɛng, ne ihwet, ne igbɔm, ne ndiinday, ne idɛp.”