1 iKɔrɔntos 5:5 - ɛWee ne ìTsɛm iHywas

⁵ iPhɛ ɛlɛy, ne ɛ nang ɛn ɛShɛtan ne ɛnyi yɛghaa wo. Te ɛ baasek ibek ɛbhɛ de ne iphɛ so idee ne ɛfɔt de nggbang, te iken ɛbhɛ de sɛ ne phɔrɔt ɛtuk ka ne ɛDaray ya sɛ bhɛ kyii wo.

1 iKɔrɔntos 5:5 ပူးပေါင်းရင်းမြစ်များ

ɛMacu 4:10

ɛYɛso gha ne kyii nɛ ɛ yaak ɛbhɛ, “Cwi gɔɔ ɛbɛ wo ɛShɛtan nɔɔy! Kɛ ku haa ndɔ ne ɛWee ne iBol ɛTaanggbey yo bo, ‘Re ɛDaray ɛTaanggbey mo gha ntsong, ɛbhɛ zɔng ne aa re ɛbhɛ ntsong ngga.’ ”

ɛLuka 22:31

ɛYɛso gha ne yaak ɛSimɔn negha, “ɛSimɔn, ɛSimɔn! Phok me, ɛShɛtan kɛ phom ikɛk, kɛ ne nang ɛbhɛ ne aa bɛm nyini ɛ te nyini zɛzɛk ɛli ne ɛhaa ne ihwap i bɛm ɛlikama ɛbhɛ ɛ tul ishoo yɛ.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 11:32

ɛDaray ya ɛbhɛ ɛ ne bol njwɛɛn ɛshara gha, ɛ gbaat njwɛɛn ɛlɔ ne sɛ yung byinki njwɛɛn ne ɛzay ya hyɛ njwɛɛn ɛshara gha.

1 iKɔrɔntos 5:13

ɛTaanggbey ya ɛbhɛ aa bol ninaa ne hame nibhɛ so ninaa ne roos sa ɛshara gha. Roos ɛn ɛbebhe yɛghaa wo ndɔ mon no.

2 iKɔrɔntos 10:6

ɛTsim mɛ njwi kɛ seng ɛ kɛ tɔɔrek ɛn wu ɛ so ɛn ninaa ne roos ibol ɛKiriti de, njwi kɛ ne ji ryɔng en njwi yaa bak gbik ɛnyi gha ne ɛ kɛ sang roos ibol ɛKiriti de nggbang.

2 iKɔrɔntos 12:7

Gbik ɛli ne kɛ phaal me nikɔn ne kparat ta gbom ndɔ ne iyuwa de, kɛ ne tom me ne ɛdɛ ɛkɔn na ne ɛ le ɛlɔ ɛShɛtan te ɛ tak me iyɔm, ɛ ne to me ibek te itsutsɔ te ɛ ring me ne hal ɛgyɛy ya.

2 iKɔrɔntos 13:10

iPhɛ phɛ kɛ te nzi haa nyini nikɔn nɛnaa wo nten de ne n sang so ne nyinɛn no, ɛlɔ ne sɛ́ sɛ nggɛ yɛɛs so, sɔng ne n bol ne nyinɛn nzɔwɔkɔk ne igbɔm ba ne ɛDaray ya kɛ nang me wo nang. iGbɔm ɛDaray da so ivaa ne byinɛ nyini, sɔng ivaa ne tobhos nyini nang.

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.

1 ɛTimɔti 1:20

Ndɔ nibhɛ wo, ɛHyimaniyus sonɛ, ɛLɛzɛnda ne ta sonɛ. Nggɛ ne ku nang ɛShɛtan ne ihwet daa nibhɛ. ɛBɛ wo yaa ne mɛmɛ nibhɛ nɛ ɛli nɛ nibhɛ yaa kɔɔng nge bɛɛs ɛTaanggbey yegha.

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

1 ɛYohana 5:16

Wu ɛdɛ ɛnyi gha kɛ yaang ɛgwaa ɛbhɛ i mɔn ɛfɔt ne ɛbhɛ kɛ sang hɔn iku ne ikabyik, te ne ɛ boote ne ɛTaanggbey daa ɛhaa ne ɛfɔt ta, ɛTaanggbey ya yaa ne nang ɛbhɛ iken. Nzi bol daa ɛnyi gha ne hame ɛfɔt ɛbhɛ wo kɛ hɔn ɛli ne aa ku iku ne ikabyik. ɛDɛ ɛfɔt to ne sonɛ ne ɛbhɛ i hɔn iku de. Sɔng nzi ne bo wu te bol ne ɛTaanggbey ya daa ne ɛfɔt tɛwoo nggyɛ wo nang.