1 iKɔrɔntos 5:11 - ɛWee ne ìTsɛm iHywas

¹¹ Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

1 iKɔrɔntos 5:11 ပူးပေါင်းရင်းမြစ်များ

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

ɛMacu 23:25

“ɛKɔn ne ɛnik nyinɛn ninaa ne kpɛl ɛShara gha gbik nɛ niFarisawa na. Ɛ so ɛn nyini niluk! Ɛ kuus ɛn ɛtsim nihyihyangas mon na nɛ nikyee ne re ire mon na, idɔ yɛ ne ji kyii so hyɔrɔ ne ire ne ɛ kɛ phɔrɔt ɛn ne ihwet daa ne sim ito mon.

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

ɛTomɛ 9:17

ɛHananiya gha ne bo nikɔn ɛ phɛ ne ijwee ɛYahuza wo. Ne ɛ bo iwɔ ɛbhɛ ɛ tek ɛShawulu yegha nɛ dak ne ito. Ne ɛ ji yaak ɛbhɛ, “Ɛgwaa nge ɛShawulu, ɛDaray ɛYɛso gha ne ɛ kɛ wuru yɛ ne nkiinɛ wo ɛbhɛ kɛ tom me te lenɛ ɛlɛy ɛ yaa wɛɛ dɔng ne ta yɛk kɛ ne iKabyik ɛTaanggbey hyɔrɔ.”

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

1 iKɔrɔntos 10:14

iPhɛ ɛlɛy, nyinɛn no ne nzi sim nyini wo, sɔng ɛ phɛ ɛn cɛcɛk ne ɛlɔ ne re igunkyi de ntsong ngga nang.

1 iKɔrɔntos 11:21

Daa ɛli ne ɛlɔ ne re ire gha sɔng ɛɛ hyep nyini nang, ɛrɔngɔ ku kyii ne ihywɛɛ ɛbhɛ daa ne ire ɛbhɛ ɛ re, ji tek ɛdɛng kpyak, ɛdɛng ji sɔ ɛ te ziizii.

1 iKɔrɔntos 5:13

ɛTaanggbey ya ɛbhɛ aa bol ninaa ne hame nibhɛ so ninaa ne roos sa ɛshara gha. Roos ɛn ɛbebhe yɛghaa wo ndɔ mon no.

1 iKɔrɔntos 6:10

Nɛ ninaa ɛyi na, nɛ ninaa ne idɔphiri na, nɛ ninaa ne sɔ nibhɛ tes ziizii wo. Nɛ ninaa ne towos ninyi na, nɛ ninaa ne luk ninyi nibhɛ phɔrɔt nikɔn nibhɛ na gbik. Sɔng ɛdɛ ɛbhɛ sɛ bhɛ lel ne igbɔm ɛTaanggbey da nang.

1 iKɔrɔntos 6:6

ɛHaa ne roos sa yaa ne yang ji kyi bo ɛgwaa ɛbhɛ ɛhaa ne roos ɛ phɛ nɛ ne icwam ɛshara, ɛlɔ ninaa ne hame nibhɛ ma yung soye ninaa ne roos!

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

1 iKɔrɔntos 7:12

Daa ɛbyin ninyi na nang, nzi ne bo ɛlɛ, sɔng ɛDaray ɛbhɛ bo nang, wu ɛdɛ ɛgwaa gha ne ɛ so ɛhaa ne roos sa bok ɛkuk ka ne ɛ sang soye ɛhaa ne roos, wu ɛkuk kɛ kɛ ne sim nibhɛ yaa shɛɛ ncaang, sɔng ne ɛ roos ɛbhɛ nang.

1 iKɔrɔntos 7:15

Wu ɛhaa ne ɛ sang so ɛhaa ne roos sa i ne sim te ɛ sɛɛ hosobhe ne ɛhaa ne roos sa, hay, tɛ nibhɛ ne hosop en. Sɔng iphɛ ne ta tɔ ɛgwaa gha ne ɛ so ɛhaa ne roos sa nggbinggbing ɛ roos ibol lɛdee wo nang, daa ɛli ne ɛTaanggbey ya kɛ yel-le njwɛɛn te njwɛɛn shɛɛ ncaang.

1 iKɔrɔntos 8:11

ɛLɛy ne ishweng mo da yaa ne ji kyi te ɛdɛ ɛgwaa mon na ne ɛKiriti gha kɛ ku ɛlɔ ɛbhɛ gha ɛ ho.

iGalatiya 2:12

Nten de nɛ ninyi na ne ɛYakub pa kaa tom mo kaa tɔ tang tuu, ɛBiturus sa kaa ne i re ire de ɛte nɛ ninaa ne hame nibhɛ soye niYahodawa na, ne sɛ ninyi na ne nggyɛ wo kɛɛ tuu, ɛBiturus sa ne yaa tuul le, ɛ mbaray tang tɔ re ire nɛ ninaa ne roos sa ne hame nibhɛ soye niYahodawa na. Daa ɛli ne ɛ kaa bok ɛnik ninyi na nɛ nibhɛ bo te hyɛghɛ ninyi na ne hame nibhɛ soye niYahodawa na icwee da.

iFisus 5:18

Sɔng ˆɛ te ɛn ziizii ne sɔ inɛn ɛnap ba, ne iphɛ hɔ ninyi na iphɛ phɛ nɛ ne ihyop igywebhe ne ibek ge ne iphɛ sang ncwa da nang. Yang te ɛn hyɔrɔ ne iKabyik.

iFisus 5:5

Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

2 iTasɔlɔnika 3:14

Wu ɛdɛ ɛnyi gha kɛ mbaray tang roos ibol de ne njwi kɛ haa nyini nɛ ndɔ ne ɛwee yɛwoo wo, ne ˆɛ wɛɛ ɛn ɛbhɛ yɛnɛng. Sɔng ˆɛ byinki ɛn ito ne ɛbhɛ nang te ɛ sɔ ncwa.

2 iTasɔlɔnika 3:6

Nigwaa en njwii bol ne nyinɛn ndɔ irywɛɛk ɛDaray njwɛɛn ɛYɛso ɛKiriti wu te ɛ shɛɛ ɛn kyaam ne gbik ɛhiha ɛgwaa ne ɛ bok itek ge ɛ ta sang shɛɛ ihywee ne imɛmɛ da ne ˆɛ kɛ say ɛn ɛlɔ mos sa.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 6:5

gbik ne ishamas nɛ ninyi ne icwas nibhɛ kɛ te buruburu nibhɛ sang tɔ yɛɛ itin ne ibebhe. Nibhɛ wɛɛ te roos ɛTaanggbey da so ɛnkiinɛ ne tɔk iryat.

2 ɛYohana 1:10

Wu ɛdɛ ɛnyi gha kɛ ne yɛɛs ɛ mɛmɛ nyini ne idɛ imɛmɛ da kang ne imɛmɛ yɛdaa wo, sɔng ne ˆɛ say ɛn ɛbhɛ nang, sɔng ˆɛ ma yung kyili ɛn ɛbhɛ nang.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

Nikɔn ne kɛ Phaal 2:20

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Ɛ kɛ sim ibol ɛkuk ge ne i bok ɛbhɛ ɛJɛjɛbhɛl la, ne ɛ yeres ito ɛbhɛ de ɛnɛbi gha. I lenɛ ne imɛmɛ ɛbhɛ ne ɛ dyɛɛl nikpuru nge na nibhɛ ra nzangas, nibhɛ ta hap igunkyi itsanga.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”

Nikɔn ne kɛ Phaal 22:15

Ninyi na nɛ nibhɛ ne so ɛtsim ɛgarang nga sɛ ne so ɛlɛ: ninaa nɛ nibhɛ kɛ bees itso nibhɛ nɛ nikɔn ne ishis, nɛ ninaa ne ikyarakyut, nɛ ninaa ne ra nzangas, nɛ ninaa ne phobho ninyi, nɛ ninaa ne re igunkyi ntsong gbik nɛ ninaa ne saghe ne irywɛɛk nibhɛ ta i wul ifɛ.