1 iKɔrɔntos 5:10 - ɛWee ne ìTsɛm iHywas

¹⁰ Sɔng nzi bol ibol ninaa ne sang roos nɛ nibhɛ ra nzangas de nang, sɔng nzi ne bol ibol ninaa ne idɔphiri, nɛ ninaa ɛyi, nɛ ninaa ne re igunkyi ntsong nang. Daa ɛli ne wu ɛlɛy ne iphɛ ne so, iphɛ ne so nggbinggbing ɛ wuru ɛn ndɔ ɛzay yɛghaa wo gbik.

1 iKɔrɔntos 5:10 ပူးပေါင်းရင်းမြစ်များ

1 iKɔrɔntos 10:27

Wu ɛnyi gha ne ɛ sang so ɛhaa ne roos kɛ yel-le nyini ne ire, wu ɛ kɛ ne phɛ ɛn te ne ɛ re ɛn gbik ɛkɔn na ne ɛ kɛ nang nyini, sɔng ɛ phom ɛn nang, daa ɛli ne irway mon yaa yung yaa to.

Nikɔn ne kɛ Phaal 12:9

Ne top ɛgbaang ne izɔ igywebhe de ndɔ ne ivel. iZɔ ne ile yɛdee nggyɛ wo ne i yeres ihywɛ ɛPhoo gha, ne ɛShɛtan na. Ɛbhɛ ɛɛ luk ninyi ɛzay ya gbik. Kaa top ɛbhɛ nɛ nimalɛka ɛbhɛ na ndɔ ɛzay ya.

1 ɛYohana 5:19

Njwɛɛn i yɛɛ wu njwɛɛn soye ninɔn ɛTaanggbey, ɛzay ya gbik ne so ne iwɔ ɛShɛtan.

1 ɛYohana 4:5

Nibhɛ kaa ku soye ninaa ɛzay, iphɛ ɛlɛy nibhɛ i ne bol ɛkɔn na ne ɛ so ɛhaa ɛzay ya, ninaa ɛzay ya ne i tenes nibhɛ.

iFilibi 2:15

Te ˆɛ te ɛn kang wɛlɛng ɛkɔn ne tok, ninɔn ɛTaanggbey wɛlɛng inyuu, ndɔ ɛzay ɛnggyuk ɛbebhe yɛghaa wo, ɛzay ya ne ˆɛ tol ɛn nɛ tɛ niyuyɔrɔ na,

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

1 iKɔrɔntos 1:20

Ninaa ne ntsɛntsɛng nga so ɛbi? Ninaa ne kpɛl iMɛmɛ ɛMuusaa ba ne so ɛbii? Ninaa nɛ nibhɛ wɛɛ te nibhɛ yɛɛ nikɔn na gbik ko ne so ɛbii? ɛTaanggbey ya kɛ ku tɔɔrek wu ntsɛntsɛng ɛzay yɛdaa wo so iwamang.

ɛYohana 8:23

ɛYɛso gha ne re ɛnu ɛyisɛ ɛ yɔngɔ, “Ɛ so nyini ninaa ndɔ ne ivel, ne nzo ɛhaa ɛdaa ne irywa. Ɛ so ɛn ninaa ndɔ ɛzay yɛghaa wo, sɔng ne nzo ɛhaa ndɔ ɛzay yɛghaa wo nang.

1 ɛYohana 4:7

Nyinɛn ninaa ne nzi sim, te ɛrɔngɔ sim ɛrɔngɔ daa ɛli ne ishwim ba le ɛlɔ ɛTaanggbey. Gbik ɛnyi gha ne ɛ bok ishwim ba, ɛ soye ɛNgɔn ɛTaanggbey, ɛ yɛɛ ɛTaanggbey ye.

ɛYohana 17:9

“Nzi ne roro nibhɛ nɛ. Sɔng nzi roro ninaa ɛzay ya nɛ nang. Nzi yang roro ninaa ne ɛ kɛ nang me wo daa ɛli nɛ nibhɛ so ninaa mo.

ɛYohana 17:6

“Nggɛ ku tɔɔrek ninyi na ne ɛ kɛ nang me nibhɛ ndɔ ɛzay yɛghaa wo ɛli ne ɛ so. Nibhɛ kaa so ninaa mo, ɛ kɛ ne nang me nibhɛ. Nibhɛ kɛ ne roos ibol mo de.

ɛYohana 15:19

Wu ɛ so ɛn ninaa ɛzay ya, aa ne sim nyini tɛ ninyi ɛbhɛ. Ɛli ne ɛ ku yɛɛ ɛn no, sɔng ɛ so ɛn ninaa ɛzay ya nang, nggɛ yang kasa nyini ndɔ ɛzay, iphɛ phɛ kɛ ne te ɛzay ya yaa ne mbaray nyini wo.

ɛLuka 18:11

“ɛFarasii gha ne kyinak tsik, ɛ tɔɔk ito ɛbhɛ, ɛ boote ne ɛTaanggbey ya ɛ yɔngɔ, ‘ɛTaanggbey, N bok irway ihwala ne igyɛ. Sɔng nzo te ɛbyin ninyi na nang. Sɔng nzi ne hyel ɛyi nang; sɔng nzi ne luk ɛnyi nang. Sɔng nzi ne sang hyel cik ndɔ ne ikpii ne tom ɛyɛl nge nang. Sɔng ne nzo te ɛhaa ne saasel ijam ne ivel lɛghaa nggyɛ wo nang!

1 iKɔrɔntos 5:9

Nggaa haa nyini nɛ ndɔ ne ɛwee ɛyisɛ nge wo, nzi bok nyini hang ɛ byingis ɛn ito mon nɛ ninaa ne nzangas sa.

1 iKɔrɔntos 5:11

Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.