1 iKɔrɔntos 5:1 - ɛWee ne ìTsɛm iHywas

¹ Nggɛ phok ɛtsak ibol ne nzangas de ne ɛ ra ɛn ndɔ mon no, izee ne sɔng kɛ ma yung ku phok ɛlɔ ninaa ne sang yɛɛ ɛTaanggbey ye nang, wu ɛdɛng kɛ bo ɛkuk ɛkyɛɛ te ɛhaa ɛbhɛ.

1 iKɔrɔntos 5:1 ပူးပေါင်းရင်းမြစ်များ

ɛTomɛ 15:20

Te njwɛɛn yang haa nibhɛ ɛwee te yaak nibhɛ wu hang nibhɛ re ɛn ire ne ikpii, hang nibhɛ ra ɛn nzangas, hang nibhɛ ne re inwam ne kɛ sang hyɛ i tul neyi yɛ, wu hang nibhɛ ne re neyi.

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

1 iKɔrɔntos 1:11

Nigwaa en, nidɛng ndɔ ne ijwee ɛKulu kɛ tɔng me nibhɛ bo wu ishisim so ndɔ mon.

1 iKɔrɔntos 5:11

Nzi ne haa nyini nɛ nzi bok nyini, sɔng ɛ byinki ɛn ito ne ɛgwaa gha ne ɛ so ɛhaa ne roos sa, ɛ kyi ta i ra nzangas de, ɛ bok idɔphiri de, ɛ re igunkyi de ntsong ngga, ɛ towos ninyi na, ɛ tes ziizii nɛ nikɔn ne sɔ na, ɛ hyel ɛyi gha nang. Sɔng ɛ sim ɛn ɛ ma yung re ɛn ire ne ihywee ninyi yɛdee nggyɛ wo nang.

1 iKɔrɔntos 6:13

“Kɛ ryɔng ire de ɛlɔ ne iphul, kɛ ne ma ryɔng iphul de ɛlɔ ne re,” ɛTaanggbey ya sɛ ne bunga iphul de ne ire de gbik. Sɔng kɛ ne ryɔng ibek ge ɛlɔ ne nzangas sang, kɛ ryɔng ibek ge te iphɛ nang ɛDaray ye ne ndiinday, ɛDaray ya ɛbhɛ ne hyep ibek ge.

1 iKɔrɔntos 6:18

Tel ɛn nzangas de! Gbik ɛfɔt to ne ɛnyi gha i mɔn no, sɔng ɛbhɛ dat ibek ɛbhɛ nang. ɛHaa ne ra nzangas sa ne mɔn ibek ɛbhɛ de ɛfɔt.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

2 iKɔrɔntos 12:21

N bok ɛnik ɛlɔ ne yaa yung sɛ nggɛ ta yɛɛs ɛlɔ mon na, ne n sɔ ncwa ɛnu ɛyisɛ ɛTaanggbey ya ne nzi re ɛbhɛ ntsong ngga. N bok ɛnik ko ɛli ne nzɛ yung yɛk irway ishwii, daa ɛli ne ɛbyin mon tɔ mɔn ɛfɔt to nɛ nibhɛ kaa ku i mɔn no, ninaa nɛ nibhɛ kɛ sang san ɛbɔk daa ne ɛfɔt ne re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa.

2 iKɔrɔntos 2:5

Wu ɛdɛ mon kɛ ne mɔn ɛkɔn ne irway ishwii, sɔng mee ne ɛ kɛ ne mɔn me nɛ nang, nɛ ne idɛ iwap pɛ ɛ kɛ mɔn nyini nɛ gbik. Sɔng nzi bol ɛlɛ wo te n phyingɛl nyini nɛ nang.

2 iKɔrɔntos 7:12

Sɔng nggaa haa ɛwee yɛwoo nggyɛ wo nzi tas ɛnyi ne ɛ kɛ mɔn ɛfɔt nang, sɔng nggaa ma yung i tas ɛhaa ne kɛ mɔn ɛbhɛ ɛfɔt to nang. Nggaa yang haa te n tɔɔrek wɛsɛrɛk wu ɛTaanggbey ya i yɛɛ wu ɛ kɛ sim ɛn njwii gbom.

iGalatiya 5:19

Nikɔn ne ɛfɔt ta ne ibek ge sim mo ku so kpas. Nibhɛ naa ɛlɛ: re ɛhay ne icwa, ne nzangas, ne ihyop ne phok yɛnɛng nikɔn ne yɔm ncwa,

iFisus 5:3

Sɔng ne i phok ngka ne nzangas ndɔ nang, sɔng ne phok ngka ɛkɔn ne ishis, ne irisɛ ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

Nikɔn ne kɛ Phaal 2:21

Nggɛ ne nang ɛbhɛ nten te ɛ san ɛbɔk ndɔ ra nzangas ɛbhɛ de, ɛ kɛ ne mbaray.

Nikɔn ne kɛ Phaal 21:8

Ninaa ne ɛnik ka, nɛ ninaa ne sang nang ne itin de, nɛ ninaa mɔn nikɔn ne ishis sa, nɛ ninaa ne phobho ninyi na, nɛ ninaa ne ra nzangas sa, nɛ ninaa ne kyarakyut ta, nɛ ninaa ne re igunkyi de ntsong ngga, nɛ ninaa ne wul irywɛɛk ga, sɛ cwaak nibhɛ ndɔ ɛling ne igboo ne isɔlifa. ɛLing ne igboo gha bhɛ ne soye iku ne ifaa de.”