1 iKɔrɔntos 4:8 - ɛWee ne ìTsɛm iHywas

⁸ Ɛ kɛ ku sɛ ɛn nikɔn na ne ɛ sim ɛn no gbik! Ɛ kɛ ku tes ɛn nyini ninaa ne iryat! Ɛ kɛ tes ɛn tɛ nigɔm, sɔng njwi ne ji so ɛkɔn nang! Te sɛ ma yung yɔng ɛ so ɛn nyini nigɔm ma ɛtsak, njwɛɛn sɛ ne re igbɔm ba ne nyinɛn.

1 iKɔrɔntos 4:8 ပူးပေါင်းရင်းမြစ်များ

ɛMacu 5:1

Kɛ ne sɛ ɛYɛso gha yaang idira ninyi, ne ɛbhɛ wara daa ne ɛwarang ɛ soos, ninɔn ne icwam ɛbhɛ na ne phɛ nibhɛ bhɛ sɛ ɛbhɛ,

ɛLuka 6:25

ɛKɔn ne ɛnik nyinɛn no ne ɛ kɛ sighi en ɛlyilyɛghaa wo, ɛ sɛ yaa phok ɛn ikpyak. ɛKɔn ne ɛnik nyinɛn no ne ɛɛ sɛ́ ɛn ɛlyilyɛghaa wo, ɛ sɛ̀ yaa bees ɛn irway, ɛ san ɛn.

ɛTomɛ 26:29

ɛBulus sa ne yɔng, “Hang ndɔ ne nten ncɛt yɔɔ hang ndɔ ne nten gbom yɔɔ nzi roro ne ɛTaanggbey nzi bo sɔng igyɛ wo zɔng nang te byinki nɛ ninyi na nɛ nibhɛ so ɛbɛ wo gbik nibhɛ tenes me izenge wo, kang ne nyang ngɛdee, tɛ nibhɛ sɛ ma tes se nikirita na te me wo.”

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

1 iKɔrɔntos 1:5

Daa ɛli ne ndɔ ɛKiriti gha ne kɛ nang nyini iryat daa nikɔn na gbik, iryat ne ivol gbik ne ishweng.

1 iKɔrɔntos 4:18

ɛByin mon kɛ yaa wɛɛ te hame na tang ta bhɛ kyii ɛlɔ mon na dɔng, nibhɛ kɛ ne ma yung yaa tɔɔsek ito.

1 iKɔrɔntos 5:6

Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

2 iKɔrɔntos 11:1

Nzi sim te ɛ sɛ bo ɛn ɛbɔk ncɛt ne iwamang nge de. Nzi yɛɛ ɛ kɛ ku bo ɛn ɛbɔk ka.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 2:12

iPhɛ ɛlɛy, nyinɛn no ne nzi sim mo, ɛli ne ɛ ku roos ɛn ibol nge de ne i sɛ nzo nɛ nyinɛn no, nzi ne roro nɛ nyinɛn ɛlyilyɛghaa wo ne n sang sonɛ nɛ nyinɛn no, hante ɛn ne roos sɛ. Mɔn ɛn ɛtomɛ ne irway mon gbik ɛli ne iphɔrɔt mon da yaa tɔɔl le kpas. Mɔn ɛn ndɔ ne kparat ne ɛnik ɛTaanggbey.

Nikɔn ne kɛ Phaal 3:17

iPhɛ dee ɛ bo, “N bok iryat, sɔng nzi ta sim ɛkɔn nang,” kaabi ɛ soyɛ ɛhala yɛ, ɛkɔn ne san iyɔm. Ɛ so ɛkɔn ncwa, ɛhaa ne iwil, ɛ so nkywankywaang.

Nikɔn ne kɛ Phaal 5:10

ˆƐ kɛ yɛk ngɛ nibhɛ teye ninaa ne re igbɔm nɛ nibo, te nibhɛ mɔn ɛTaanggbey ye ɛtomɛ, nibhɛ ta re igbɔm ɛzay.”