1 iKɔrɔntos 4:7 - ɛWee ne ìTsɛm iHywas

⁷ ɛHay ɛbhɛ ɛ bok kɛ wu ɛ phyin ɛbyin niten nisii naa? iKyee ne ɛ bok ne hame ɛTaanggbey ɛbhɛ kɛ nang ngɛɛ? Wu iphɛ ne so ɛlɛ wo ikyee iphɛ kɛ ne te ɛ hal ɛgyɛy ya te hame kɛ nang woo?

1 iKɔrɔntos 4:7 ပူးပေါင်းရင်းမြစ်များ

ɛLuka 19:13

Kaa ne sɛ ɛNyi yɛghaa nggyɛ wo yunga bo nikɔn nang, ne ɛ yel-le nikpuru ɛbhɛ ɛnduwubɔ ɛ nang ɛrɔngɔ ɛmpɔm ɛ yaak ɛbhɛ, ‘Ngga, ɛ jung ngee hyeem nyini nɛ nyɛɛn mbɛ kyii.’ ”

ɛYohana 1:16

Kɛ lenɛ ne izɛɛng ɛbhɛ ihyɔrɔ, ɛ nang njwɛɛn niwɛng nga daa ɛco niwɛng.

ɛYohana 3:27

ɛYohana gha ne kyii nɛ ɛ yɔngɔ, “Sɔng ɛdɛ ɛnyi gha sonɛ, ne ɛ bok ɛkɔn na ne hame ɛTaanggbey ɛbhɛ kɛ nang ɛbhɛ nang.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

iRooma 12:6

iPhɛ ɛlɛy, te njwɛɛn ne mɔn ɛtomɛ nɛ nikɔn ne izɛɛng kang-ka-kang nga ne ɛTaanggbey ya kɛ nang njwɛɛn lenɛ ne izɛɛng ɛbhɛ de. Wu izɛɛng ɛnyi de so izee ne tɔng ibol ɛTaanggbey, te ne ɛ tɔng ibol ɛTaanggbey de cɛcɛɛy ne ìnang ne itin ɛbhɛ.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

1 iKɔrɔntos 5:6

Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

1 iKɔrɔntos 7:7

Te sɛ yɔng ninyi na so te mee; ɛTaanggbey ya kɛ ne nang ɛrɔngɔ ihywee ɛkɔn de ne aa yɛɛ ne mɔn. Ɛ kɛ nang ɛdɛng ɛhihaa bɛ ɛkɔn, ne ɛ ma nang ɛdɛng ɛhihaa nggyɛ ɛkɔn.

ɛYakub 1:17

Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.

1 ɛBiturus 4:10

ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.