1 iKɔrɔntos 4:5 - ɛWee ne ìTsɛm iHywas

⁵ iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

1 iKɔrɔntos 4:5 ပူးပေါင်းရင်းမြစ်များ

ɛYakub 5:7

iPhɛ ɛlɛy nigwaa en, bo ɛn ɛbɔk te ˆɛ hyep ɛn nten ne yɛɛs ɛDaray de. Yaang ɛn ɛli ne ɛhaa ne ihwap pa i bo ɛbɔk ka ɛ hyep ire de ne iphɛ kɛ jam iphɛ shɛs so ne ihwap ba. Ɛ bo ɛbɔk ɛ hyep inɛn ne kang ne ihwap ne mbaa ɛlɔ ne iphɛl.

2 iKɔrɔntos 5:10

Daa ɛli ne iphɛ so nggbinggbing njwɛɛn sɛ bhɛ kyinak ɛnu ɛyisɛ ɛKiriti gha te bol njwɛɛn ɛshara. ɛRɔngɔ sɛ ne bhɛ say ɛkɔn na ne ɛ so kancɛng ne ɛtomɛ gha ne ɛ kɛ mɔn ɛli ne ɛ kɛ so ndɔ ibek kɛdee wo. Hang ɛyɛnɛng ngɛ yɔɔ, hang ɛkpɛɛ yɛ yɔɔ.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

iBirani 4:13

Sɔng ɛkɔn sonɛ ndɔ nikɔn na ne kɛ ryɔng ngo ne ɛ so gying ɛnu ɛyisɛ ɛTaanggbey ya nang. Nikɔn na gbik so wɛsɛrɛk kpas ne irwisɛ ɛbhɛ da, ɛbhɛ wo ne njwɛɛn sɛ bhɛ tɔng ɛbhɛ ɛli ne njwɛɛn kɛ shɛɛ.

2 iKɔrɔntos 10:18

Sɔng ɛnyi gha ne ɛ ton ito ɛbhɛ de ɛbhɛ ne ɛTaanggbey i say nang, yang so ɛnyi gha ne ɛTaanggbey ya ton ɛbhɛ.

iRooma 2:16

Iphɛ ɛlɛy, ɛli ne ibol iyɛnɛng ngɛdee wo ne nzi sanga wo i bol lo, ɛlɛy ne phɛ sɛ ne te ɛTuk ka ne ɛTaanggbey ya sɛ hyɛ ɛshara gha, lenɛ ne ɛYɛso ɛKiriti gha daa nikɔn na nɛ nibhɛ so igying ndɔ ne irway ninyi da.

iRooma 2:1

iPhɛ ɛlɛy, igyɛ wo ne ɛ kɛ hyɛghɛ ɛhak ɛnyi na ɛshara gha sɔng ɛ bok ɛkɔn ne aa yɔngɔ nang, hang ɛ sɛ kyi soyɛ ɛhay yo. Wu ɛ kɛ hyɛ ɛhak ɛnyi gha ɛshara gha, ɛɛ robhos ito mo, daa ɛli ne ɛ ma kyii mɔn ɛkɔn na ne ɛ kɛ hyɛ ɛhak ɛnyi gha ɛshara gha ne ɛdak kɛwo.

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

iRooma 14:4

Ɛ soyɛ ɛhay ne aa hyɛ ɛkpuru ɛhak ɛnyi gha ɛshara gha? Wu ɛkpuru gha kɛ mɔn ɛkɔn ɛyɛnɛng, hang ɛ kɛ taasek yoo iphɛ so ɛlɔ ɛkyɛɛ ne ijwee ɛbhɛ. iPhɛ ku so ɛ sɛ re ɛshara gha daa ɛli ne ɛDaray ya bok ito ne ɛ te ɛbhɛ ɛ re ɛshara gha.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

ɛYakub 4:11

Nigwaa en, sɔng ˆɛ bol ɛn ivol ne bees daa nigwaa nɛ nibhɛ so ninaa ne roos nang. Gbik ɛnyi gha ne ɛ kɛ bol ivol ne bees daa ɛgwaa ɛbhɛ gha, hang ɛ kɛ hyɛ ɛbhɛ ɛshara gha yɔɔ, ɛ kɛ ne bol ivol ne bees daa ne iMɛmɛ ɛMuusaa da, ɛ ta hyɛ imɛmɛ yɛ ɛshara. Wu ˆɛ kɛ ne bol ivol ne bees iMɛmɛ ɛMuusaa da, sɔng ˆɛ kɛ ne roos imɛmɛ yɛ nang, ˆɛ kɛ yang hyɛ imɛmɛ da ɛshara.

ɛLuka 6:37

“Sɔng ɛ hyɛ ɛn nigwaa mon na ɛshara gha nang, sɔng yaa ne ma hyɛ nyini nɛ nang. Sɔng ɛ hyɛ ɛn nigwaa mon na ɛshara nang, sɔng yaa ne ma hyɛ nyini nɛ nang. Han ɛn nigwaa mon na nɛ, sɛ ne ma han nyini nɛ.

ɛMacu 24:46

ɛKpuru yɛghaa nggyɛ wo ne so ɛwɛng ne ɛkyɛɛ ne ijwee ɛbhɛ gha kɛ bhɛ kyii ɛ sɛ ɛbhɛ ɛ mɔn ɛlɛ wo.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

1 iTasɔlɔnika 5:2

Daa ɛli ne nyinɛn no, ˆɛ yɛɛ ɛn ntsɛntsɛng wu ɛtuk ɛDaray ya sɛ yɛɛs te ɛhaa ɛyi ne ɛ yɛɛs ne ɛtuk.

ɛYohana 21:22

ɛYɛso gha ne kyii nɛ ɛ yɔngɔ, “Nzɛ kyi yɔng nzi sim aa shɛɛ ɛken n phyii bhɛ kyii, inɛn moo? iGyɛ wo, roos me!”

2 ɛBiturus 3:4

Nibhɛ yɔngɔ, “Nzo ɛYɛso gha kaa yaak nyini wu sɛ bhɛ kyii nang? Ne ɛ so ɛbii? niKyɛɛ-niKyɛɛ njwɛɛn na kaa ku kus ne ile, nikɔn na ku tɔ ɛli ne nɛ nibhɛ kaa ku so ne ile ne tum ɛzay de, sɔng ɛkɔn kɛ hyereey nang.”

ɛMacu 25:23

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin nɛ. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛYahuza 1:14

ɛNɔk ka ne ɛ so ɛhaa ne izam ɛniitaa yɛ lenɛ ne ɛDɛmu ma, kaa ne ma ku boote daa ninyi yɛnaa wo ɛ yɔngɔ, “Yaang ɛn ɛDaray ya yaaso nɛ nimalɛka ɛbhɛ ne kɛ tul kang nɛ nibhɛ kɛ hɔn ninom ma daa ɛco ninom ne ᐩishin daa ɛco ne ᐩishin,

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iKɔrɔntos 11:26

Kaabi gbik nten de ne ɛ re ɛn ibɛrɛdi yɛdee wo, ɛ ta sɔ ɛn ɛhyihyangas sɛghaa wo, iphɛ ne so ɛ sanga ɛn ibol ne iku ɛDaray de ɛ phyii bhɛ kyii.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

ɛMacu 24:30

“Nɛ nten nɛ ne nyu ne yɛɛs ɛNgɔn ɛNyi de ne ji wuru daa ne inɔp. iLwem ɛzay da sɛ ne sirit niyilis daa ɛli nɛ nibhɛ kɛ yaang ɛNgɔn ɛnyi gha yaaso ndɔ ne inɔp ndɔ ne igbom ne ito-ndiinday.

1 iKɔrɔntos 3:8

Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 10:26

“iPhɛ ɛlɛy, sɔng ne ɛ phok ɛn ɛnik nibhɛ wo nang, sɔng ɛkɔn sonɛ ne kɛ rɛɛ ɛbhɛ ne hame sɛ phaal nang, sɔng ɛkɔn ɛgying ne sonɛ ne hame sɛ seng ɛbhɛ nang.

ɛYohana 21:23

iBol lɛdee wo ne te i ku yaa raat ne ikpaa yɛ ndɔ ninaa ne roos sa wu hang ɛngɔn ne icwam mɛghaa nggyɛ sɛ ku. Sɔng ɛYɛso gha kaa yɔng wu hang ɛ sɛ ku nang. Ɛ kaa yɔngɔ, “Nzɛ yɔng nzi sim aa shɛɛ ɛken n phyii bhɛ kyii, inɛn moo?”

1 iKɔrɔntos 3:14

Sɛ ne sɛ igboo wo kɛ sang re ɛkɔn ne kɛ lɔl daa ne ɛtum mo, ne mɔn ɛhaa ne lɔl la iyɛnɛng.

1 iKɔrɔntos 11:16

Wu ɛdɛng i ne sim te aa re ne ishamas daa ne ibol lɛdee wo, njwit to sɔng njwi ne yɛɛ idɛ ikpii ne roos da ndɔ ne itumɛ ninaa ne roos ɛTaanggbey yegha nang.

ɛYakub 5:9

Nigwaa en, tek ɛn ivol mumuk ga ne ɛrɔngɔ i bol daa ɛrɔngɔ gha, daa ɛli ne sɛ yung hyɛ nyini ɛshara. iPhɛ dee ɛhaa ne hyɛ ɛshara gha yek cɛcɛk ne yɛɛs, ɛ ma yung so ɛnu ne izuk.

2 iKɔrɔntos 10:9

Sɔng nzi sim te ɛ sɛ yaang ɛn te ɛwee nge wo i baasek nyini ɛnik nang.