1 iKɔrɔntos 4:2 - ɛWee ne ìTsɛm iHywas

² ɛKɔn na ne i sim ɛlɔ nikpuru na ne kɛ tek nibhɛ ne ɛtomɛ gha ndɔ ne iwɔ nibhɛ wo so ɛlɛ, tɛ nibhɛ so ninyi ne sɛ kyinak daa ne ibol nibhɛ.

1 iKɔrɔntos 4:2 ပူးပေါင်းရင်းမြစ်များ

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 25:23

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin nɛ. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

1 iKɔrɔntos 4:1

iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

1 iKɔrɔntos 4:3

Sɔng iphɛ some ɛgbaang ɛkɔn ne aa teesek ɛn ɛtomɛ nge gha ɛli ne ɛten ɛsii gha i teesek ko nang. Sɔng nzi ma yung teesek ito nge nang.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iKɔlɔsi 4:17

Yaak ɛn ɛCipus sa wu te ɛ kyii ne ihywɛɛ ɛbhɛ, ɛ taal ɛtomɛ gha ne ɛDaray ya kɛ nang ɛbhɛ wo.

iKɔlɔsi 4:7

ɛTikyikus yaa tɔng nyini ibol nge gbik. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ, ɛtaay ɛtomɛ mos ndɔ ɛDaray ya.