1 iKɔrɔntos 4:17 - ɛWee ne ìTsɛm iHywas

¹⁷ iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

1 iKɔrɔntos 4:17 ပူးပေါင်းရင်းမြစ်များ

1 ɛTimɔti 1:2

Ɛbhɛ phɛɛs ɛlɔ ɛTimɔti ne ɛ soye ɛngɔn nge ɛhaa ne itin ndɔ ne ìnang ne itin de. Te izɛɛng ne isan iyɔm gbik ne irway ne laal ne ifɛ le ɛlɔ ɛTaanggbey ne ɛ so ɛTaa gbik ne ɛDaray njwɛɛn ɛYɛso ɛKiriti shɛɛ ne igyɛ.

1 iKɔrɔntos 16:10

Yaa sɛ ɛTimɔti gha kɛ tuu ɛlɔ mon na, te ne ɛ say ɛn ɛbhɛ ne irway ijwaan, daa ɛli ne ɛ ma so ɛhaa ɛtomɛ ɛTaanggbey ya te me wo ne mang.

1 iKɔrɔntos 7:17

Shɛɛ ɛn ɛli ne ɛ kaa so ɛn nyɛɛn ɛTaanggbey ya kyi yel-le nyini wo. iPhɛ phɛ so ikpii da ne nzi mɛmɛ nɛ ne itumɛ ninaa ne roos sa gbik.

2 ɛTimɔti 1:2

ɛbhɛ phɛɛs ɛlɔ ɛTimɔti ne ɛ soye ɛngɔn nge ne nzi sim. Te izɛɛng, ne san iyɔm, ne irway ne laal ne ifɛ le ɛlɔ ɛTaanggbey ne ɛ soye ɛTaa, ne ɛDaray njwɛɛn ɛYɛso ɛKiriti shɛɛ ne igyɛ.

1 iKɔrɔntos 16:1

Daa ne ibol de ne yaa nang ɛkɔn ne phyik ninyi ɛTaanggbey ya nɛ wo, mɔn ɛn ɛkɔn na ne nggɛ mɔng idira ninaa ne roos ne iGalatiya na.

1 iKɔrɔntos 14:33

Daa ɛli ne sɔng ɛTaanggbey njwɛɛn na soye ɛhaa ne ikabyik buruburu nang, ɛ soye ɛhaa ne irway ne laal. ɛLɛy ne iphɛ ne so ndɔ idira ninaa ne roos de gbik.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

2 ɛTimɔti 3:10

iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.

2 ɛTimɔti 2:2

Gbik nɛ nikɔn na ne ˆɛ kɛ phok nzi bol ɛnu ɛyisɛ nishɛɛda ne gbom ma, te ˆɛ nang nikɔn nɛnaa wo ndɔ ne iwɔ ninaa nɛ nibhɛ so sɛ kyinak daa ne ibol nibhɛ de tɛ nibhɛ ma bhɛ mɛmɛ nidɛng ngɛ ne mang.

iKɔlɔsi 4:9

Ɛ sɛ yaaso gbik ne ɛNisimos ne ɛ soye ɛhaa ɛlɔ mon. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ. Nibhɛ sɛ ne tɔng nyini gbik nikɔn na nɛ nibhɛ tes ɛbɛ wo.

iKɔlɔsi 1:7

ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iFilibi 2:19

Wu ɛDaray ɛYɛso gha kɛ sim, nggɛ yɛk ne irway nzi tas te nzɛ tom ɛTimɔti ye ɛlɔ mon na ndɔ ne nituk kɛnaa wo, te ibol mon de hante ne te me itsɔngɔl gɛgɛy.

iFisus 6:21

Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

1 iKɔrɔntos 11:16

Wu ɛdɛng i ne sim te aa re ne ishamas daa ne ibol lɛdee wo, njwit to sɔng njwi ne yɛɛ idɛ ikpii ne roos da ndɔ ne itumɛ ninaa ne roos ɛTaanggbey yegha nang.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

ɛMacu 25:23

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin nɛ. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 24:45

“ɛHay ɛbhɛ soye ɛkpuru ne itin na ne ɛhaa ne ntsɛntsɛng nga? ɛHaa ne ɛkyɛɛ ne ijwee ɛbhɛ gha sɛɛ tek ɛbhɛ ne ijwee wu te ɛ wɛɛ ɛbyin nikpuru gha, ɛ ji naas nibhɛ ire de nɛ nten nɛ woo?

1 iKɔrɔntos 4:2

ɛKɔn na ne i sim ɛlɔ nikpuru na ne kɛ tek nibhɛ ne ɛtomɛ gha ndɔ ne iwɔ nibhɛ wo so ɛlɛ, tɛ nibhɛ so ninyi ne sɛ kyinak daa ne ibol nibhɛ.

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

1 iKɔrɔntos 4:14

Sɔng nggɛ haa nyini nɛ te n bak nyini ncwa nang, nzi yang kpɛng nyini daa ɛli ne ɛ so ɛn nyini ninɔn nge ninaa ne nzi sim.

1 iKɔrɔntos 11:34

Wu ɛnyi gha ne ɛ so kpyak, te nɛ ɛ re ire de ne ijwee ɛbhɛ ɛlɔ ne itumɛ mon da ya yung hɔ nyini ɛshara. Daa ɛbyin nikɔn na nang, sɛ sɛ̀ nggɛ yɛɛs nzɛ ne kyi tɔng nyini.

2 iKɔrɔntos 8:18

Njwi kɛ ne tom ɛTitus segha nibhɛ nɛ ɛdɛ ɛgwaa gha ne ngka ɛbhɛ kɛ shwalat gbom ɛlɔ ne sanga ibol iyɛnɛng ngge ndɔ ninaa ne idira ninaa ne roos de.

iFilibi 2:22

ˆƐ yɛɛ ɛn ɛTimɔti yegha ɛli ne ɛ so, daa ɛli ne njwi kɛ mɔn ɛtomɛ ne sanga ibol iyɛnɛng ngge ne ɛbhɛ wo te ɛngɔn ne ɛkyɛɛ.

1 ɛTimɔti 1:18

ɛTimɔti, ɛngɔn nge, nzi teesek kɛ ne ibol lɛdee wo ndɔ ne iwɔ mo ɛli ne ɛTaanggbey ya kɛ ku nang ninyi na tɛ nibhɛ bol daa ne ito mo de. Te ne lenɛ ne ˆɛ kɛ roos ibol lɛdee wo, ˆɛ yɛɛ ne ta itsom ntin de, ˆɛ ta ihywɛ yɛnɛng,

ɛTitus 1:5

Nggɛ tek kɛ ne ikop inɛn ne iKɛrɛt de te ˆɛ ryɔng ɛbyin ɛtomɛ gha ne ɛ kɛ mak ko, te ˆɛ ta yaak nɛ nindiinday ne idira ninaa ne roos ndɔ nigarang nga gbik ɛli ne ngga ku tɔng ngɛ wo.