1 iKɔrɔntos 4:12 - ɛWee ne ìTsɛm iHywas

¹² Njwi kyangase ne ɛtomɛ gha ne ibɔ mos. I sɛ kɛ toke njwii, njwi ne sit nibhɛ ne ɛwɛng. Ne sɛ i baasek njwii nggbang, njwi ne rop iku.

1 iKɔrɔntos 4:12 ပူးပေါင်းရင်းမြစ်များ

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

iRooma 12:14

Sit ɛn ninyi na nibhɛ baasek nyini nggbang ngga ne ɛwɛng, ɛɛy sit ɛn nibhɛ ne ɛwɛng, sɔng ɛ yaak ɛn ɛTaanggbey yegha te ɛ te nibhɛ teye ninaa ɛkawɛy ya nang.

iRooma 12:20

Yang mɔn ɛli ne ɛWee ne iBol ɛTaanggbey yo i bo, “Wu ɛhaa ne iphup mo gha so ikpyak, nang ɛbhɛ ire. Wu irway ɛbhɛ i has, nang ɛbhɛ inɛn ne sɔ. Wu ɛ kɛ mɔn ɛbhɛ ɛlɛ wo, iphɛ so te ɛ hanas ɛbhɛ ne itseeng ne igboo daa ne ito ɛbhɛ.”

ɛTomɛ 18:3

ɛBulus sa kaa bhɛ tek nikɔn na ɛlɔ nibhɛ gha, daa ɛli ne ɛtomɛ nibhɛ kaa ɛdaan nɛ. Nibhɛ kaa so ninaa ne ryɔng ihuhu ne lɔl ifo. Nibhɛ ne mɔn ɛtomɛ gha ɛte.

ɛLuka 6:28

Sit ɛn ninaa nɛ nibhɛ i naas nyini ɛnu ɛbebhe gha ne ɛwɛng, te ne ˆɛ roo ɛn ɛTaanggbey ye daa ne ito ninaa nɛ nibhɛ baasek nyini nggbang ngga.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

1 ɛBiturus 2:23

Kaa sɛ ninyi na i towos ɛbhɛ wo, sɔng ne ɛ kyii ne ɛkɔn nang. Kaa ne sɛ ɛ sɔ nggbang, sɔng ne ɛ yɔng wu yaa tal nang. Ɛ kaa yang ku sit irwisɛ ɛbhɛ daa ɛTaanggbey ne ɛbhɛ so ɛhaa ne bol ɛshara cik.

ɛLuka 23:34

ɛYɛso gha ne yɔngɔ, “ɛTaa, hana nibhɛ nɛ, sɔng nibhɛ yɛɛ ɛkɔn na nɛ nibhɛ mɔn nang.” Nisooja na ne ji ren inɛn daa ne ibol ne itsura da, te nibhɛ seng ɛwoo ne ɛrɔngɔ yaa boos.

ɛMacu 5:44

Mee wo nzi ne bok nyini, sim ɛn ninaa ne iphup mon na, te ɛ bol ɛn ne ɛTaanggbey daa ninaa nɛ nibhɛ baasek nyini nggbang ngga.

ɛTomɛ 7:60

Ne ɛ cwi ne irway nggburuk ɛ tɔɔk izɔlɔs ɛ yɔngɔ, “ɛDaray ɛTaanggbey, hana nibhɛ ne ɛfɔt tɛ woo wo.” Ne sɛ ɛ kɛ boote ɛlɛ wo ne ɛ wum nwa.

ɛYohana 15:20

“Tas ɛn ne ɛkɔn na ne nggaa mɔng nyini wo, nzi bo, ‘Sɔng ɛkpuru gha phyin ɛkyɛɛ ne ijwee ɛbhɛ gha nang.’ Wu ɛzay ya kɛ ne bak me nggbang ngga, iphɛ ne so nggbinggbing ɛ ma bak nyini ne mang. Sɛɛ yɔng nibhɛ kɛ roos ibol nge de nibhɛ sɛɛ ne ma roos idee mon de.

ɛYahuza 1:9

Yung yaang ɛn ɛndiinday nimalɛka gha ne kaa bok ɛbhɛ ɛMakyɛl la, kaa sɛ ɛli nɛ nibhɛ sin en ne ikom ɛMuusaa de ne ɛShɛtan na, sɔng ɛMakyɛl la kaa hyɛ ne ɛShɛtan negha ɛshara ɛ boote ne ɛbhɛ ibol ne bɛɛs nang, ɛ kaa yang yaak ɛbhɛ, “Te ɛDaray sit tɛ ne ɛbung!”

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

2 iTasɔlɔnika 3:8

Sɔng njwi kaa ne re ire ɛnyi tang njwi tal ɛbhɛ nang. Njwi kaa yang i mɔn ɛtomɛ gha ne igbey ne ɛtuk gbik, njwii kyangase ne ɛtomɛ gha, njwii tabha ne ilong, ɛlɔ ne njwi yaa yung nang ɛdɛ mon irighitik.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 iKɔrɔntos 9:6

Hang yung so mee wo ne ɛBanabas sa zɔng ne iphɛ so ngbingbing njwi mɔn ɛtomɛ gha ne njwi aa re ne ito mos dee?

ɛTomɛ 20:34

Nyinɛn no ɛ yɛɛ ɛn ne ibɔ nge yɛdee bɛ nggɛ re ne ito nge gbik nɛ nitaay ɛtomɛ nge na.

1 ɛBiturus 4:19

iPhɛ ɛlɛy, ninyi na nɛ nibhɛ ne sɔ nggbang ngga daa ɛli nɛ nibhɛ mɔn ɛkɔn na ne ɛ so icwas ɛTaanggbey da, tɛ nibhɛ ne see ito ne mɔn ɛkɔn ɛyɛnɛng, nibhɛ tek irway nibhɛ ndɔ ne iwɔ ɛTaanggbey yo ne ɛbhɛ kɛ ryɔng nibhɛ, ɛ so sɛɛ kyinak daa ne ibol ɛbhɛ.

iRooma 8:35

ɛHay ɛbhɛ aa ne ji yɛɛ ne hosop njwɛɛn ne ishwim ɛKiriti daa? Nggbang nge? iTak iyɔm mee? iBaasek nggbang nge? iKpyak ghe? iYɔm me? iYɔm ne ɛtura? Hang iku?

2 iKɔrɔntos 11:8

ɛLi ne nggɛ i mɔn ɛtomɛ gha ndɔ mon no, ihwak ijwira ninaa ne roos nibhɛ kɛɛ taal me. Nggaa phɔrɔt nikɔn nibhɛ na nzi phyighis nyini nɛ.

iFisus 4:28

ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.