1 iKɔrɔntos 4:10 - ɛWee ne ìTsɛm iHywas

¹⁰ Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

1 iKɔrɔntos 4:10 ပူးပေါင်းရင်းမြစ်များ

1 iKɔrɔntos 2:3

Nggaa tsa n yɛɛs ɛlɔ mon na kyɔkyɔt, nzi kparat daa ɛli nggaa bok ɛnik.

ɛTomɛ 26:24

Ne sɛ ɛBulus sa tɔ ndɔ ne ivol da ɛFɛsitus sa ne tɔɔk izɔlɔs ɛ yɔngɔ, “ɛBulus ɛ bok nisan! Ɛ kɛ tɔng gbom, ishweng ngɛ kɛ ne hyere yɛ ito!”

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

1 ɛBiturus 4:14

Wu kɛ towos nyini daa ɛli ne ɛ so ɛn ninaa ne roos ɛKiriti yegha, ne ɛ so ɛn nyini ninaa ɛwɛng daa ɛli ne iphɛ kɛ tɔɔrek wu iKabyik gbom be, ne iphɛ so idee ɛTaanggbey de, so ndɔ mon.

2 iKɔrɔntos 13:9

Njwii bok irway ihwala ne i sɛ njwi so kyɔkyɔt to ɛ ji bok ɛn ihwet da. iPhɛ ɛlɛy njwii bol ne ɛTaanggbey te ɛ te ɛn hyɔrɔ.

1 iKɔrɔntos 3:18

Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iTasɔlɔnika 4:8

iPhɛ ɛlɛy gbik ɛnyi gha ne ɛ kɛ ne mbaray ibol lɛdee wo, sɔng ɛten ɛsii ne ɛ kɛ ne mbaray nang. Ɛ kɛ mbaray ɛTaanggbey ye ne ɛbhɛ ɛ naas nyini iKabyik iKang Ɛbhɛ de.

2 iKɔrɔntos 11:29

Wu ɛdɛng kɛ te kyɔkyɔt, naa ne ma te kyɔkyɔt, wu kɛ te ɛdɛng ɛ mɔn ɛfɔt, ibol lɛ yaa ne tak me iyɔm.

2 iKɔrɔntos 11:19

Nyinɛn no ne ɛ kɛ ne bo ɛn ito mon de wu ɛ bok ɛn ntsɛntsɛng ngge gbom mo, ɛɛ ne shɛɛ ɛn nɛ niwamang nga ne irway ihwala!

2 iKɔrɔntos 10:10

ɛByin ninyi na bo; “iWee ɛBulus da so nzaratat, ivol lɛ ne ta bok ihwet. I ne sɛ ɛ so ɛlɔ njwɛɛn na, ne ɛ so lyaak, ivol ɛbhɛ da ne so hywɛɛ.”

1 iKɔrɔntos 10:12

iPhɛ ɛlɛy, gbik ɛnyi gha ne ɛ ne wɛɛ te ɛ kɛ kyinak gɛgɛy, te ne ɛ wɛɛ ye yɛnɛng ɛlɔ ne aa yung ho.

1 iKɔrɔntos 4:8

Ɛ kɛ ku sɛ ɛn nikɔn na ne ɛ sim ɛn no gbik! Ɛ kɛ ku tes ɛn nyini ninaa ne iryat! Ɛ kɛ tes ɛn tɛ nigɔm, sɔng njwi ne ji so ɛkɔn nang! Te sɛ ma yung yɔng ɛ so ɛn nyini nigɔm ma ɛtsak, njwɛɛn sɛ ne re igbɔm ba ne nyinɛn.

1 iKɔrɔntos 3:2

Nggaa ne sunga nyini ne mbalas, sɔng ire gɛgɛy yang, daa ɛli ne sɔng ɛ kaa ku hɔn ɛn ɛli ne aa re ɛn ire gɛgɛy de nang. ɛLyilyɛghaa ɛlɛ, sɔng ɛ kɛ ma yung hɔn ɛn ɛ sɛ ire gɛgɛy de nang,

1 iKɔrɔntos 2:14

ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

ɛTomɛ 17:32

Ne sɛ ninyi na kɛ phok bol ne yiisik ɛYɛso yede ne ikpuu da, nidɛng ne sɛ ɛbhɛ ishwɛ ne bɛɛs, nidɛng ne yaa yɔngɔ, “Njwi sim njwi sɛ kyi ta phok kɛ ɛɛ bol ibol ne iyiisik ɛYɛso yɛdee wo ɛhak ɛtuk.”

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

ɛLuka 18:9

ɛYɛso gha ne ta bol daa ne ito ninyi na nɛ nibhɛ tɔɔsek itso nibhɛ da, nibhɛ ta i bɛɛs nigwaa nibhɛ na ndɔ ne ibol ne igɔrɔp pɛdee bɛ,

ɛLuka 10:16

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ kɛ bhɛ phok nyini, mee ne ɛ kɛ phok. ɛNyi gha ne ɛ kɛ bhɛ mbaray nyini, mee wo ne ɛ kɛ mbaray. ɛNyi gha ne ɛ kɛ mbaray me wo, ɛ kɛ ne mbaray ɛnyi gha ne ɛ kɛ tom me wo.”

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

ɛMacu 24:9

“Sɛ ne wumus nyini i naas ninyi nɛ ninaa ne baasek nyini nggbang, nibhɛ ne phobho nyini. iGbagha wo gbik sɛ ne mbaray nyini ɛlɔ me wo.

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 iKɔrɔntos 1:25

Daa ɛli ne iwamang ɛTaanggbey de phyin ntsɛntsɛng ɛten ɛsii de, ikyɔkyɔt ɛTaanggbey de ne ta phyin ihwet ɛten ɛsii da.

2 iKɔrɔntos 6:8

I naas njwi ne ndiinday ne kyii bɛɛs njwi. I ne dɛp njwii ne kyii towos njwii. I bo wu njwi so ninaa ne wul irywɛɛk, gbik ne ɛlɛy njwi ne soye ninaa ne tɔng itin nɛ.

2 iKɔrɔntos 4:12

iPhɛ phɛ kɛ te njwi so ɛnu ne iku gha te nyinɛn no ɛ sɛ ɛn iken de.