1 iKɔrɔntos 4:1 - ɛWee ne ìTsɛm iHywas

¹ iPhɛ ɛlɛy, bo ɛn njwii njwi soye nikpuru ɛKiriti, ninaa ne ɛTaanggbey ya kɛ tek ɛtomɛ ne kpɛl itin ne ibol igying ɛbhɛ ndɔ ne iwɔ mos.

1 iKɔrɔntos 4:1 ပူးပေါင်းရင်းမြစ်များ

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛMacu 24:45

“ɛHay ɛbhɛ soye ɛkpuru ne itin na ne ɛhaa ne ntsɛntsɛng nga? ɛHaa ne ɛkyɛɛ ne ijwee ɛbhɛ gha sɛɛ tek ɛbhɛ ne ijwee wu te ɛ wɛɛ ɛbyin nikpuru gha, ɛ ji naas nibhɛ ire de nɛ nten nɛ woo?

ɛMarakus 4:11

ɛYɛso gha ne kyii nɛ ɛ yaak nibhɛ, “Nyinɛn ne kɛ nang nyini ɛduk ne igbɔm ɛTaanggbey ya. Ninaa ne hame nibhɛ ne so ndɔ mon no nang, yaa ne i bol nɛ nibhɛ ndɔ ivol ne igɔrɔp.

ɛLuka 1:2

Nibhɛ kɛ haa nikɔn na ne njwi kɛ phok ɛnu ninaa nɛ nibhɛ kaa yaang ɛli nɛ nibhɛ kɛ tes so, nibhɛ ji tɔng ibol lɛ wo.

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

ɛLuka 8:10

ɛYɛso gha ne yaak nibhɛ, “Kɛ phaal nyini ɛduk ne bol ne igbɔm ɛTaanggbey ba. Ɛbyin ninyi na nang, naa ne i bol nɛ nibhɛ ndɔ ne igɔrɔp, tɛ ‘Nibhɛ ne i wɛɛ, sɔng nibhɛ ne yaang nang, nibhɛ ne i tenes, sɔng nibhɛ ne seng nang.’ ”

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

iRooma 16:25

Te ne nang ɛTaanggbey yegha ne ndiinday cɛcɛɛy. Aa yɛɛ ne te nyini ɛ kyinak ɛn gɛgɛy ndɔ ne ìnang ne itin mon de lenɛ ne iBol iYɛnɛng ɛYɛso ɛKiriti de ne nzi sanga wo. iShay de kɛ ne hɔn maa ne kaa rɛɛ iBol iYɛnɛng ngɛdee wo,

1 iKɔrɔntos 2:7

Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

1 iKɔrɔntos 3:5

ɛPolos sa so ɛhay? ɛBulus sa ne so ɛhay? Nzi bo nibhɛ so ninaa ɛtomɛ zɔng ne ɛ kɛ nang ɛn ne itin nɛ lenɛ ne ibol nɛ nibhɛ kɛ tɔng nyini. Nibhɛ wo, ɛrɔngɔ i ne mɔn ɛtomɛ gha ɛli ne ɛDaray kɛ nang ɛbhɛ.

1 iKɔrɔntos 4:13

I sɛ kɛ bees njwii nɛ, njwi ne kyii nɛ lyaak. Njwi kɛ te te ifum ne i sirit ne ivebhe ndɔ ɛzay yɛghaa wo, ɛkɔn nɛ ninyi i phok ishis sɛ. iZenge yɛwoo lɛ, ɛlɛy ne njwi so.

1 iKɔrɔntos 4:2

ɛKɔn na ne i sim ɛlɔ nikpuru na ne kɛ tek nibhɛ ne ɛtomɛ gha ndɔ ne iwɔ nibhɛ wo so ɛlɛ, tɛ nibhɛ so ninyi ne sɛ kyinak daa ne ibol nibhɛ.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 12:6

Wu naa ma yung hal ɛgyɛy ya, sɔng na ne te me ɛwamang nang, daa ɛli ne naa tɔng itin nɛ. Sɔng naa ne hal ɛgyɛy ya nang, daa ɛli ne sɔng nzi sim te ɛdɛ ɛnyi gha sɛɛ bo me te n phyin ɛli ne nzo daa ɛkɔn na ne nzi mɔn ne ɛhaa ne nzi bol lo nang.

2 iKɔrɔntos 4:5

Sɔng njwii tɔng ibol ne ito mos nang, njwii yang tɔng ibol ɛYɛso ɛKiriti de njwii bo wu ɛbhɛ ɛ so ɛDaray, njwit to njwi ne ji so nikpuru mon lenɛ ɛYɛso gha.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

iFisus 1:9

ɛTaanggbey ya kɛ yɛk ngɛ njwɛɛn seng ɛduk ne icwas ɛbhɛ daa ɛkɔn na ne aa mɔn, ɛhaa ne ɛ kɛ ryɔng ɛ shwaak lenɛ ne ɛKiriti gha.

iFisus 6:19

Ne ˆɛ ma bol ɛn ne ɛTaanggbey ya daa mee te ɛ nang me ibol de ne naa bol wɛlɛng ɛnik, te n tɔng ninyi na ɛduk ne iBol iYɛnɛng nga ne iphɛ so gying ngo.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

iKɔlɔsi 4:3

Ma bol ɛn ne ɛTaanggbey ya ɛlɔ mos ne mang, te ɛTaanggbey ya phaal njwi ɛnu ne izuk ne tɔng ibol ɛbhɛ de, te njwi tɔng ibol igying ɛbhɛ de daa ɛKiriti gha. iBol igying ngɛdee wo iphɛ iphɛ kɛ te nzo ne nyang ge.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

1 ɛTimɔti 3:9

iPhɛ so nggbinggbing nibhɛ wum ìnang ne itin de ne kɛ phaal lo nɛ itin nɛ nibhɛ tenes izɔlɔs ne irway iywɛnɛng.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

1 ɛBiturus 4:10

ɛTaanggbey ya kɛ nang ɛrɔngɔ izɛɛng. iPhɛ ɛlɛy te ɛrɔngɔ ne bo ihywɛ ɛ mɔn nigwaa ne ɛtomɛ, te iphɛ tɔɔrek wu ɛ so ɛn ninyi nɛ nibhɛ sɛɛ boos izɛɛng ngge ne ɛTaanggbey ya kɛ nang nyini ihywee-ihywee de yɛnɛng.