1 iKɔrɔntos 3:8 - ɛWee ne ìTsɛm iHywas

⁸ Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

1 iKɔrɔntos 3:8 ပူးပေါင်းရင်းမြစ်များ

iRooma 2:6

ɛTaanggbey ya sɛ mɔn ɛrɔngɔ iyɛnɛng cɛcɛɛy ne ɛkɔn na ne ɛ kɛ mɔn.

2 ɛYohana 1:8

Wɛɛ ɛn nyini yɛnɛng ɛlɔ ne ˆɛ sɛ yung wɔs ɛn ilong ɛtomɛ mɔn de, te yang bhɛ tal nyini ilong mon de hyɔrɔ.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

Nikɔn ne kɛ Phaal 22:12

“Phok ɛn, n yek cɛcɛk ne yɛɛs! Nzɛ ne boos nikɔn na ne naa tal ɛrɔngɔ nɛ, nzɛ ne tal ɛrɔngɔ ɛkɔn na ne ɛ kɛ mɔn.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.

iBirani 6:10

ɛTaanggbey ya ku so icik, sɔng aa te ne ɛtomɛ mon na bab nang. Sɔng aa ne te ne ishwim mon da ne ɛ kɛ tɔɔrek ɛn ɛbhɛ wo ndɔ iphyik ga ne ɛ kɛ phyik ɛn ninyi ɛbhɛ na, ɛ ma tɔɔ phyighis ɛn nibhɛ wo nang.

iGalatiya 6:4

Te ɛrɔngɔ tɛɛsek ɛtomɛ ɛbhɛ ne ito ɛbhɛ. Wu ɛtomɛ yɛ kɛ jam, aa ne yɛɛ ne hal le ɛggyɛy. Sɔng ne ɛ ten ito ɛbhɛ de ne ɛhak ɛnyi nang.

1 iKɔrɔntos 3:14

Sɛ ne sɛ igboo wo kɛ sang re ɛkɔn ne kɛ lɔl daa ne ɛtum mo, ne mɔn ɛhaa ne lɔl la iyɛnɛng.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

Nikɔn ne kɛ Phaal 2:23

Naa phobho ninyi na nɛ nibhɛ roos imɛmɛ ɛJɛjɛbhɛl da, gbik ijwira ninaa ne roos sa yaa seng wu mee nzi wɛɛ ɛduk ne irway ya ɛnyi gha gbik ne icwas ɛbhɛ da. Nzɛ ne tal ɛrɔngɔ nɛ ndɔ mon kancɛng ne ɛkɔn na ne ɛ kɛ mɔn.

1 iKɔrɔntos 3:7

iPhɛ ɛlɛy, ɛhaa ne ɛ kɛ tubhus so ne ɛhaa ne ɛ kɛ ramas so, sɔng nibhɛ so ɛnu ɛkɔn nang. ɛTaanggbey ya zɔng ɛbhɛ bok ito ne yɛk ngɛ ɛkɔn na raras so.

1 iKɔrɔntos 4:15

Ɛ sɛ kyi bok ɛn nikyɛɛ ne icwam ma ninom ɛnduwubɔ nɛ nibhɛ kɛ tɔɔrek nyini ibol ne roos ɛKiriti yede, sɔng ne ɛ bok ɛn nikyɛɛ na maa nang. Nggɛ te me ɛkyɛɛ mon ndɔ ɛYɛso ɛKiriti gha, lenɛ ne iBol iYɛnɛng ngge ne nggɛ yɛɛs nyini nɛ wo.

1 iKɔrɔntos 9:7

ɛYa ɛsooja ɛbhɛ ɛ re ne ito ɛbhɛ dee? ɛHay ɛbhɛ aa tubhus itson ɛnap be ɛ sang re ikpam mɛ woo? ɛHay ɛbhɛ sɛ i hyep ᐩigyol de ɛ kyii shɛɛ tang sɔ mben nɛ woo?

iGalatiya 6:5

Daa ɛli ne iphɛ so nggbinggbing te ɛrɔngɔ mɔn ɛhaa ɛbhɛ ɛtomɛ.

ɛLuka 19:19

“ɛKyɛɛ ne ijwee ɛbhɛ gha ne kyii nɛ, ɛ yɔngɔ, ‘Nggɛ ne nang ngɛ igbɔm nigarang iwii te ɛ wɛɛ me nɛ.’ ”