1 iKɔrɔntos 3:6 - ɛWee ne ìTsɛm iHywas

⁶ Mee nggɛ tubhus, ɛPolos sa ne ramas, ɛTaanggbey ɛbhɛ ne yɛk ngɛ ɛkɔn na ne kɛ tup po raras.

1 iKɔrɔntos 3:6 ပူးပေါင်းရင်းမြစ်များ

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛTomɛ 18:24

ɛDɛ ɛnyi ne iYahudiya gha ne i bok ɛbhɛ ɛPolos, ne ɛ so ɛnyi ne ɛLɛzɛndariya, kaa ne yɛɛs ne iFisus de. ɛPolos sa kaa ne so ɛnyi ne ɛ yɛɛ ne bol byirik, ne ɛ yɛɛ ɛWee ne iBol ɛTaanggbey yo gbom.

ɛTomɛ 19:1

Nten de ne ɛPolos sa kɛ so ne iKɔrɔntos de ɛBulus sa ne roos ɛnkiinɛ ɛ leesel ndɔ nigarang nga gbik ɛbhɛ hɔn iFisus. ɛNggyɛ wo ne ɛbhɛ sɛ nidɛng ninaa ne roos sa.

ɛTomɛ 21:19

ɛBulus sa ne kyili nibhɛ, ɛ tɔng nibhɛ gbik nikɔn na ne ɛTaanggbey ya kɛ mɔn ndɔ ninyi na ne hame nibhɛ so niYahodawa na lenɛ ne ɛtomɛ ɛbhɛ gha.

iRooma 15:18

Sɔng naa ne boote ne irway nviit daa ɛdɛ ɛkɔn na kang ne ɛkɔn na ne ɛhaa ne ɛKiriti gha kɛ mɔn lenɛ ne mee wo nang. Ɛ kɛ te ninyi na ne hame nibhɛ so niYahodawa na yaa roos ibol ɛTaanggbey de lenɛ ne ivol nge gbik ne ɛtomɛ nge,

1 iKɔrɔntos 1:12

ɛKɔn na ne nzi bol ɛbhɛ ghaa lɛ: ɛ bok ɛn ivol mon kang-ka-kang. ɛDɛng i bo, “Nzi roos ɛBulus se.” ɛDɛng ne yɔngɔ, “Nzi roos ɛPolos se.” ɛDɛng ne yɔngɔ, “Nzi roos ɛKyɛfas se. ɛDɛng ne yɔngɔ, ‘Nzi roos ɛKiriti ye.’

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 3:22

hang ɛBulus yɔɔ, hang ɛPolos yɔɔ, hang ɛKyɛfas yɔɔ, hang ɛzay yɛghaa wo yɔɔ, hang iken yɔɔ, hang iku yɔɔ, hang nikɔn ɛlyilyɛghaa yɔɔ, hang ninaa ɛgɔɔ ɛyisɛ yɔɔ, gbik nibhɛ soye ninaa mon.

1 iKɔrɔntos 3:7

iPhɛ ɛlɛy, ɛhaa ne ɛ kɛ tubhus so ne ɛhaa ne ɛ kɛ ramas so, sɔng nibhɛ so ɛnu ɛkɔn nang. ɛTaanggbey ya zɔng ɛbhɛ bok ito ne yɛk ngɛ ɛkɔn na raras so.

1 iKɔrɔntos 9:1

Nzo ne ishwɛɛ ne ito nge. Hang ma n sang some ɛngɔn ne tom ɛYɛso gha naa? Hang nggɛ ma sang yaang ɛDaray ɛYɛso yegha naa? Hang kɛ ma sang lenɛ ne ɛtomɛ nge ɛ say ɛn ɛDaray yegha naa?

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

1 iTasɔlɔnika 1:5

Daa ɛli ne sɔng njwi kaa yɛɛs nyini ne ibol iyɛnɛng ngge ne ɛnu zɔng nang, iphɛ kaa bok ihwet, iphɛ bok iKabyik ɛTaanggbey, iphɛ ne so hyɔrɔ ne itin. Ɛ yɛɛ ɛn ihywee ne ishwɛɛ da ne njwi kaa shɛɛ ndɔ mon no, ishwɛɛ yɛ kaa so te njwi phyik nyini.