1 iKɔrɔntos 3:23 - ɛWee ne ìTsɛm iHywas

²³ Nyinɛn no, ne ɛ so ɛn nyini ninaa ɛKiriti, ɛKiriti gha ne ma ji soye ɛhaa ɛTaanggbey.

1 iKɔrɔntos 3:23 ပူးပေါင်းရင်းမြစ်များ

iGalatiya 3:29

Wu ɛ soyɛ ɛhaa ɛKiriti gha, ne ɛ so yɛ ɛngɔn ɛBaraying nga, ɛTaanggbey ya sɛ ne nang ngɛ ɛwɛng nga ne ɛ kaa ku sim-mɛ ɛBaraying nge gha nɛ wo.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iKɔrɔntos 11:3

ɛLyilyɛghaa wo, nzi ne sim te ɛ sɛ seng ɛn wu ɛKiriti gha ɛbhɛ ɛ so ɛndiinday ninyi na gbik, ɛras sa ɛbhɛ ne ɛ ma so ɛndiinday ɛkuk ɛbhɛ, ɛTaanggbey ɛbhɛ ne ɛ ma ji so ɛndiinday ɛKiriti gha.

ɛYohana 17:18

ɛLi ne ɛ kɛ tom me ndɔ ɛzay ya, nggɛ ne ma tom nibhɛ ndɔ ɛzay ne mang.

2 iKɔrɔntos 10:7

Ɛ wɛɛ ɛn ɛgɔɔ ne izay nikɔn na zɔng! Wu ɛdɛ ɛnyi gha hal ɛn ɛgyɛy wu ɛ soye ɛnyi ɛKiriti gha, nzi ne sim te ɛ sɛ seng wu njwi ma soye ninaa ɛKiriti na ne mang.

iRooma 14:8

Wu njwɛɛn sos niken njwɛɛn sos ɛDaray ye nɛ, wu njwɛɛn kɛ ne kus, njwɛɛn kɛ ne kus ɛDaray ye nɛ. iPhɛ ɛlɛy, ne njwɛɛn sos niken ne njwɛɛn kɛ kus, njwɛɛn soye ninaa ɛDaray.

ɛYohana 17:21

ɛTaa, nzi roro te gbik nibhɛ ne teye nidaan nɛ, ɛli ɛ so ndɔ nge de ma nzo ndɔ ne mo de. Tɛ nibhɛ shɛɛ ndɔ mos, te ɛzay ya ne nang ne itin nɛ wu igyɛ ɛ kɛ tom me.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

1 iKɔrɔntos 7:22

Gbik ɛnyi gha ne ɛ kaa soye ɛkpuru gha nyɛɛn kyi yel-le ɛbhɛ ɛlɔ ɛDaray ya, sɔng ne ɛ ta tɔye ɛkpuru nang, ɛDaray ya kɛ sɔnɔ ɛbhɛ. ɛLɛy ne ɛnyi gha ne ɛ kaa sang so ɛkpuru gha nyɛɛn ɛDaray ya kyi yel-le ɛbhɛ wo, ɛ kɛ ne teye ɛkpuru ɛKiriti.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

1 iKɔrɔntos 15:28

Sɛ́ sɛ kɛ tek nikɔn na ndɔ ɛta ɛKiriti gha, ɛbhɛ ɛKiriti gha ne ɛ so ɛNgɔn na sɛ ne ma tek ito ɛbhɛ ndɔ ɛta ɛTaanggbey ya ne ɛ kɛ tek nikɔn na ndɔ ɛta ɛbhɛ gha. ɛTaanggbey ya ɛbhɛ ne ji re igbɔm nikɔn na gbik.