1 iKɔrɔntos 3:20 - ɛWee ne ìTsɛm iHywas

²⁰ Kɛ ne ta haa ndɔ ne ɛWee ne iBol ɛTaanggbey yo i bo, “ɛDaray ya yɛɛ ɛli ne icwas ne ihywee ninaa ne ntsɛntsɛng ngɛnaa wo so icwas ɛbuu.”

1 iKɔrɔntos 3:20 ပူးပေါင်းရင်းမြစ်များ

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.