1 iKɔrɔntos 3:18 - ɛWee ne ìTsɛm iHywas

¹⁸ Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iKɔrɔntos 3:18 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛMacu 18:4

ɛHiha ɛnyi ne ɛ kɛ laasek ito ɛbhɛ te ɛngɔn nɛghaa bɛ, ɛbhɛ ne ɛ phyin ne igbom be ne igbɔm ɛdaa ne irywa da.

ɛMarakus 10:15

iTin nɛ ne n nzi tɔng nyini, ɛhiha ɛnyi ne ɛ kɛ sang say igbɔm ɛTaanggbey ba te ɛngɔn ɛshɛɛrɛng nga, sɔng ɛ sɛ ne bhɛ lel ne ifɛ nang.

ɛLuka 18:17

Naa tɔng nyini itin nɛ, ɛhiha ɛnyi gha ne ɛ kɛ sang say igbɔm ɛTaanggbey ba te ɛngɔn ɛshɛɛrɛng ngga, sɔng ɛ sɛ ne bhɛ sɛ lel nang.”

ɛLuka 21:8

ɛYɛso gha ne kyii nɛ ɛ yɔngɔ, “Wɛɛ ɛn ninyi yɛnɛng sɛ yung luk nyini. Ninyi na sɛ yɛɛset gbarang, ndɔ ne irywɛɛk nge wo, nibhɛ yɔngɔ, ‘Mee nzo me ɛKiriti gha,’ nibhɛ ne ta yɔngɔ, ‘Nten nɛ yek cɛcɛk.’ Sɔng ɛ tenes ɛn nibhɛ nang.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

iRooma 12:16

Shɛɛ ɛn ncaang ndɔ mon no. Sɔng ɛ tɔɔsek ɛn ito nang yang sim ɛn ɛ shɛɛ ɛn nɛ ninyi na nɛ nibhɛ soye nitaasek. Sɔng ɛ wɛɛ ɛn te ɛ phyin ɛn ɛbyin ninyi na ne ntsɛntsɛng ge nang.

1 iKɔrɔntos 15:33

Sɔng i luk nyini nang, “iShwɛɛ da nɛ ninyi nibebhe na i bees ishwɛɛ ninyi niyɛnɛng.”

1 iKɔrɔntos 3:17

Gbik ɛnyi gha ne ɛ kɛ bees ideng ɛTaanggbey de, ɛTaanggbey ya yaa ne ma bees ɛbhɛ, daa ɛli ne ideng ɛTaanggbey de so kang. Nyinɛn no gbik ne ɛ so ɛn ideng ɛbhɛ de.

1 iKɔrɔntos 4:10

Njwi kɛ tes se niwamang te sɛ i nang ɛKiriti ye ne ndiinday, ne ɛ ji so ɛn ninaa ne ntsɛntsɛng ndɔ ɛKiriti gha! Sɔng njwi bok ihwet nang, ne ɛ bok ɛn ihwet! I naas nyini ne ndiinday, ne i bɛɛs njwii!

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iGalatiya 6:7

Sɔng ˆɛ luk ɛn ito mon nang. Daa ɛli ne sɔng i yɛɛ ne luk ɛTaanggbey yegha nang. Gbik ɛkɔn na ne ɛnyi gha kɛ tup, ɛbhɛ ne ɛ sɛ ne bhɛ pha.

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

ɛYakub 1:22

Te ɛn nyini ninaa ne mɔn ɛtomɛ ne ibol ɛTaanggbey de, sɔng ninaa ne tenes sɛ zɔng ngo nang, daa ɛli ne ˆaa yung luk ɛn ito mon.

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

1 ɛYohana 1:8

Wu njwɛɛn kɛ ne yɔngɔ wu hang bok ɛfɔt to, njwɛɛn i ne luk ito njwɛɛn. Sɔng itin de ne so ndɔ njwɛɛn nang.