1 iKɔrɔntos 3:16 - ɛWee ne ìTsɛm iHywas

¹⁶ Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

1 iKɔrɔntos 3:16 ပူးပေါင်းရင်းမြစ်များ

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

iRooma 6:16

Ɛ doo ɛn ɛli ne ɛnyi gha i teye ɛkpuru ɛkɔn na ne ɛ kɛ ku kasa aa roos ibol ɛbhɛ dee? Ɛ ɛnyi gha sɛɛ yɛɛ ne teye ɛkpuru ne ɛfɔt ta ne ɛbhɛ yɛɛs ne iku, ɛnyi gha ne ta yee ne teye ɛkpuru ne roos ibol ɛTaanggbey ne iphɛ yɛɛs ne ihywel icik.

iRooma 6:3

Ɛ doo ɛn ɛli ne gbik njwɛɛn no ne kaa yɛk njwɛɛn ne ibatisima de ndɔ ɛYɛso ɛKiriti gha, kaa ma ku yɛk njwɛɛn ne ibatisima ne iku ɛbhɛ de naa?

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

1 iKɔrɔntos 3:17

Gbik ɛnyi gha ne ɛ kɛ bees ideng ɛTaanggbey de, ɛTaanggbey ya yaa ne ma bees ɛbhɛ, daa ɛli ne ideng ɛTaanggbey de so kang. Nyinɛn no gbik ne ɛ so ɛn ideng ɛbhɛ de.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

1 iKɔrɔntos 5:6

Sɔng i hal ɛggyɛy mon da kɛ jam mang. Ɛ doo ɛn ɛli ne ɛfɔt to so te iyis ncɛt de ne i cwaak ndɔ ne inuk ga iphɛ te ibɛrɛdi de wara gbik ko naa?

1 iKɔrɔntos 6:16

Ɛ doo ɛn ɛli ne i sɛ ɛnyi gha kɛ byinki ibek ɛbhɛ de ne ɛkuk ne re shwaa gha nibhɛ ne teye ibek idaan dee? Kɛ ku haa ndɔ ne ɛWee ne iBol ɛTaanggbey yo i bo, “Nibhɛ ifaa da yaa ne teye ibek idaan.”

1 iKɔrɔntos 6:19

Ɛ doo ɛn te ibek mon de so ideng ne iKabyik ɛTaanggbey de ne iphɛ shɛɛ ndɔ mon no, ne iphɛ le ɛlɔ ɛTaanggbey ya naa? Sɔng nyinɛn ne ɛ bok ɛn ito mon nang ɛTaanggbey ɛbhɛ bok nyini.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

1 iKɔrɔntos 9:13

Ɛ yɛɛ ɛn ncɛncɛng ɛli nɛ ninyi na nɛ nibhɛ mɔn ɛtomɛ gha ndɔ ne iDeng ngge i sɛ ire nibhɛ de nɛ ne ndɔ yɛwo. Ɛ ta yɛɛ ɛn ɛli nɛ ninaa nibhɛ ma mɔn ɛtomɛ gha ɛlɔ ɛraa ne hap itsanga gha i ma sɛ ire nibhɛ de ndɔ ɛkɔn na ne kɛ nang te hap ne itsanga de.

1 iKɔrɔntos 9:24

Ɛ yɛɛ ɛn ncɛncɛng, ninaa ne mat ishwaa da i so gbom, ɛnyi ɛdaan zɔng ɛbhɛ ne tel ɛbhɛ re ito yɛ. iPhɛ ɛlɛy ne ɛ see ɛn ito ɛli ne aa bhɛ re ɛn ito de.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

2 ɛTimɔti 1:14

Boos imɛmɛ ne itin nɛdaa wo ne kɛ tek kɛ nɛ ne iwɔ wo yɛnɛng. Boos iphɛ lenɛ ne iphyik ne iKabyik ɛTaanggbey de ne iphɛ i shɛɛ ndɔ mos so.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

1 ɛYohana 4:12

Sɔng ɛnyi kɛ ku yaang ɛTaanggbey yegha nang; gbik ne iphɛ ɛlɛy wu ɛrɔngɔ kɛ ne sim ɛrɔngɔ gha, ɛTaanggbey ya ne i shɛɛ ndɔ njwɛɛn, ishwim ɛbhɛ da ne te hyɔrɔ ndɔ njwɛɛn no.