1 iKɔrɔntos 3:13 - ɛWee ne ìTsɛm iHywas

¹³ sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

1 iKɔrɔntos 3:13 ပူးပေါင်းရင်းမြစ်များ

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛLuka 2:35

ɛLɛy ne sɛ́ ne ji seng ɛduk ne irway ninyi na. iBol lɛ sɛ ne re yɛ idɔ, iphɛ nang ngɛ irway ishwii gbom, te kɛ tolo yɛ ne ihywa ɛnu ne irywa.”

iRooma 2:16

Iphɛ ɛlɛy, ɛli ne ibol iyɛnɛng ngɛdee wo ne nzi sanga wo i bol lo, ɛlɛy ne phɛ sɛ ne te ɛTuk ka ne ɛTaanggbey ya sɛ hyɛ ɛshara gha, lenɛ ne ɛYɛso ɛKiriti gha daa nikɔn na nɛ nibhɛ so igying ndɔ ne irway ninyi da.

iRooma 2:5

Ɛ bok ito ihet ne irway gɛgɛy, ɛ ne waa ito mo ɛndok ɛTaanggbey, ne iphɛ sɛ phaal le ɛtuk ne njenjek ɛTaanggbey ya, ɛtuk ka ne sɛ tɔɔrek ɛli ne ɛTaanggbey ya i hyɛ ɛshara ɛbhɛ gha cik ko.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 3:12

Wu ɛnyi gha kɛ bo izinariya, hang ɛzurufa yɔɔ, hang ikpɛɛ ne ifɛ kɛ ne ijam yɔɔ, hang itson yɔɔ, hang inzang yɔɔ, hang irwirwaat yɔɔ ɛ lɔl daa ne ɛtum mo,

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 1:18

Te ɛDaray yɛk ngɛ ɛNisipharus sa sɛ isan iyɔm ɛTuk ɛDaray ya. iGyɛ wo ˆɛ yɛɛ ihywee ne phyik ga ne ɛ kɛ phyik me ne iFisus de.

2 ɛTimɔti 3:9

Sɔng ninaa ne nggyuk kɛnaa nggyɛ wo yaa ne ma yung phɛ kyakyak nang. Te ɛli ne kaa shii seng ibol ninyi ifaa yɛdaa nggyɛ wo, ɛlɛy ne yaa ne ma seng iwamang nibhɛ de kpas.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

iBirani 10:25

Sɔng njwɛɛn shɛɛ en itumɛ ne re ntsong ngga te ɛli nɛ nidɛng i mɔn no nang. Te njwɛɛn yang i tes en itsɔngɔl gɛgɛy, te njwɛɛn hante ne mɔn ɛlɛ wo daa ɛli ne ɛtuk ɛDaray ya yek cɛcɛk.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 ɛBiturus 4:12

Nigwaa nge ne nzi sim, sɔng ɛ yaang ɛn ɛkɔn ne kparat daa ne nggbang gbom ba ne i tɛɛsek nyini nɛ wo nang. Sɔng ɛ wɛɛ ɛn te ɛkɔn ɛphas ɛbhɛ kɛ sɛ nyini nang.

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

2 ɛBiturus 3:7

Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

Nikɔn ne kɛ Phaal 20:12

Ne n ji yaang ninaa nɛ nibhɛ kɛ kus so, nitaasek kɛ nɛ nindiinday yɛ, ne ji phaasel iwee da gbik. Ne ji phaal ɛdɛ ɛwee wo ne ɛbhɛ ɛbhɛ so ɛWee ne iKen. Ne bol ninaa nɛ nibhɛ kɛ kus so ɛshara kancɛng ne ɛkɔn na ne kɛ haa ndɔ ne iwee da.