1 iKɔrɔntos 3:12 - ɛWee ne ìTsɛm iHywas

¹² Wu ɛnyi gha kɛ bo izinariya, hang ɛzurufa yɔɔ, hang ikpɛɛ ne ifɛ kɛ ne ijam yɔɔ, hang itson yɔɔ, hang inzang yɔɔ, hang irwirwaat yɔɔ ɛ lɔl daa ne ɛtum mo,

1 iKɔrɔntos 3:12 ပူးပေါင်းရင်းမြစ်များ

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

2 ɛTimɔti 3:7

iHywee nikuk kɛnaa nggyɛ wo i saghe ne mɛmɛ nɛ nikɔn niphas cɛcɛɛy, gbik ne iphɛ ɛlɛy, sɔng nibhɛ kɛ ne seng itin de nang.

2 ɛTimɔti 2:20

Ndɔ ne ɛgbaang ne ijwee wo, sɔng nikɔn ne izinariya ne ɛzurufa nibhɛ sonɛ zɔng nang. Ninaa ne itson gbik ne ives ma ta sonɛ. Nidɛng so ninaa ne i mɔn ne ɛtomɛ ɛgbaang ɛtuk, nidɛng ne so ninaa ne i mɔn ne ɛtomɛ izenge ne ihwɛlɛ.

Nikɔn ne kɛ Phaal 21:18

Kɛ lɔl iwabha ɛgarang ngo ne idɛ ikpɛɛ ne izel da ne i bok ifɛ iyasipa, ne lɔl ɛgarang ngɛ ne izinariya, ɛgarang nga ne i tol nggyɛnggyɛl te ne ɛmɔdɔbi.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

Nikɔn ne kɛ Phaal 2:14

Gbik ne phɛ ɛlɛy, ne ɛ jung bok nidɛng nikɔn na ncɛt daa ne ito mo ne hame nzi sim. Nidɛng sonɛ ndɔ mon no nɛ nibhɛ kɛ roos ihywee ne imɛmɛ ɛBalamu, ne ɛ kaa mɛmɛ ɛBalak ghe nɛ ɛ te niSɛrɛla na mɔn ɛfɔt, nibhɛ re ire ne kɛ hap igunkyi ne itsanga, nibhɛ ta i ra nzangas.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

1 ɛTimɔti 6:3

Gbik ɛnyi gha ne ɛ mɛmɛ ne idɛ imɛmɛ da kang ne ifɛ kɛ sang roos ɛtsim ne ɛnting ne ibol ɛDaray njwɛɛn ɛYɛso ɛKiriti de, ifɛ sang ta so kancɛng ne imɛmɛ ne roos ɛTaanggbey da,

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

ɛTomɛ 20:30

Ndɔ mon no ne mang, sɛ ne ma sɛ nidɛng nɛ nibhɛ sɛ wuru nibhɛ tusup itin de, tɛ nibhɛ sɛ nibhɛ hɔ ihywɛɛ ninaa ne roos de ɛlɔ nibhɛ.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

1 iKɔrɔntos 3:11

daa ɛli ne sɔng ɛnyi ma yung sonɛ ne aa ta yɛɛ ne see ɛhak ɛtum kang ne ɛwoo ne kɛ ku see wo nang, kaabi ɛtum mo ne ɛbhɛ soye ɛYɛso ɛKiriti gha.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.