1 iKɔrɔntos 3:10 - ɛWee ne ìTsɛm iHywas

¹⁰ Lenɛ ne izɛɛng ne ɛTaanggbey ya kɛ nang me, nggɛ ne tum ɛtum ne ijwee wo, daa ɛli ne nzo ɛhaa ne yɛɛ ne ijwee. ɛHak ɛnyi yaa ne ji lɔl daa ne ɛtum mɛwoo wo. iPhɛ ne so nggbinggbing ɛrɔngɔ wɛɛ ye yɛnɛng ɛli ne aa lɔl ijwee wo da ne ɛtum mɛwoo wo,

1 iKɔrɔntos 3:10 ပူးပေါင်းရင်းမြစ်များ

1 iKɔrɔntos 3:11

daa ɛli ne sɔng ɛnyi ma yung sonɛ ne aa ta yɛɛ ne see ɛhak ɛtum kang ne ɛwoo ne kɛ ku see wo nang, kaabi ɛtum mo ne ɛbhɛ soye ɛYɛso ɛKiriti gha.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iRooma 15:20

iRway nge da has cɛcɛɛy te nzɛ ku i sanga iBol ɛYɛnɛng ngge ɛlɔ gha ne hame kɛ ku phok ne ibol ɛKiriti de, daa ɛli ne yaa yung yɔng wu nge mɔn ɛtomɛ ngɛ gha ɛlɔ gha ne ɛhak ɛnyi kɛ ku tsa nɛ.

ɛMacu 24:45

“ɛHay ɛbhɛ soye ɛkpuru ne itin na ne ɛhaa ne ntsɛntsɛng nga? ɛHaa ne ɛkyɛɛ ne ijwee ɛbhɛ gha sɛɛ tek ɛbhɛ ne ijwee wu te ɛ wɛɛ ɛbyin nikpuru gha, ɛ ji naas nibhɛ ire de nɛ nten nɛ woo?

Nikɔn ne kɛ Phaal 21:19

Kaa gyura ikpɛɛ ne itsum ɛgarang ngga ne ikpɛɛ ne izel kang-ka-kang ɛlɛ: ɛTum ɛyisɛ yɛ kaa so iyasipa. ɛWoo ne ifaa yɛ ne so isafiri. ɛTum ne itwat tɛ ne so ikasɛdɔni. ɛWoo ne inwaas sɛ ne so imirat.

1 iKɔrɔntos 9:2

Wu n sang some ɛngɔn ne tom ma ɛYɛso gha ɛlɔ nidɛng, ne nzo me nɛ ɛlɔ mon daa ɛli ne nyinɛn no ɛ so ɛn ninyi na ne iphɛ kɛ tɔɔrek wu nzo me ɛngɔn ne tom ɛDaray ya.

ɛMacu 7:24

“iPhɛ ɛlɛy, ɛhiha ɛnyi ne ɛ kɛ tenes ivol lɛdaa wo, ɛ ji mɔn ɛtomɛ ne ifɛ, ne ɛ so te ɛnyi ɛntsɛntsɛng ne ɛ kɛ lɔl ijwee ɛbhɛ daa ne ɛphang.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

2 ɛTimɔti 2:15

Mɔn ɛkɔn na ne ˆaa yɛɛ ne mɔn nɛ, te ˆɛ tɔɔrek ito mo ɛnu ɛyisɛ ɛTaanggbey ya te ɛnyi ne ɛTaanggbey ya yaa yɔng ɛtomɛ ɛbhɛ kɛ jam. Teye ɛhaa ɛtomɛ gha ne ɛ sang ncwa daa ɛtomɛ ɛbhɛ gha, ɛhaa ne mɛmɛ ne ibol ne itin de byirik.

iKɔlɔsi 4:17

Yaak ɛn ɛCipus sa wu te ɛ kyii ne ihywɛɛ ɛbhɛ, ɛ taal ɛtomɛ gha ne ɛDaray ya kɛ nang ɛbhɛ wo.

iRooma 12:3

Daa ne izɛɛng ɛTaanggbey de ne ɛ kɛ nang me wo, nzi ne bok nyini wu hang ɛdɛ mon bo ito ɛbhɛ de ɛ phyin ɛli ne ɛ sɛɛ bo wo nang. Te ɛrɔngɔ yang laasek ito ɛbhɛ, te ɛ tek ito ɛbhɛ de cɛcɛɛy ne ìnang ne itin de ne ɛTaanggbey ya kɛ nang ɛbhɛ.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

ɛTomɛ 18:27

Ne sɛ ɛPolos sa sim te aa phɛ ne iKaya, ninaa ne roos sa ne te ɛbhɛ itsɔngɔl gɛy, nibhɛ ne ji haa ɛbhɛ ɛwee wu tɛ ninaa ne roos ne iKaya na say ɛbhɛ ne ibɔ iphaa. Ne sɛ ɛ kɛ bhɛ tuu iKaya de, ne ɛ teye ɛkɔn ne iphyik ɛlɔ ninyi na nɛ nibhɛ kɛ nang ne itin nɛ lenɛ ne izɛɛng ɛTaanggbey de,

ɛLuka 11:35

Ne ˆɛ wɛɛ ɛn nyini hywɛɛ te ˆɛ seng ɛn, sɔng iwɛwɛy mon de kyii teye igbyik kang.

ɛYakub 3:1

Nigwaa en, sɔng iday mon sim nibhɛ teye nikyɛɛ ne icwam ma nang, daa ɛli ne ˆɛ yɛɛ ɛn njwit to ne njwi soye nikyɛɛ ne icwam ma, sɛ bol njwii ɛshara gha ne ihwet i phyin ɛbyin ninyi na.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iRooma 15:15

Gbik ne iphɛ ɛlɛy, nggɛ ne haa ɛwee yɛwoo wo ne irway nviit, nzi bol ne nyinɛn daa nidɛng nikɔn na te n taate nyini nɛ. Nzi bol ne irway nviit lenɛ ne izɛɛng ne ɛTaanggbey kɛ nang me,

ɛLuka 21:8

ɛYɛso gha ne kyii nɛ ɛ yɔngɔ, “Wɛɛ ɛn ninyi yɛnɛng sɛ yung luk nyini. Ninyi na sɛ yɛɛset gbarang, ndɔ ne irywɛɛk nge wo, nibhɛ yɔngɔ, ‘Mee nzo me ɛKiriti gha,’ nibhɛ ne ta yɔngɔ, ‘Nten nɛ yek cɛcɛk.’ Sɔng ɛ tenes ɛn nibhɛ nang.

Nikɔn ne kɛ Phaal 21:14

iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.

2 iKɔrɔntos 10:15

Sɔng njwi kɛ phee igbak nten de njwii hal ɛgyɛy ya daa ɛtomɛ gha nɛ nihak ninyi na kɛ mɔn no nang. Njwi kɛ yɛk ne irway te ìnang ne itin mon da sɛɛ hɔn, te njwi hante ne mɔn nitomɛ na gbom ndɔ mon no kancɛng ɛli ne ɛTaanggbey ya kɛ nang njwii wo.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.