1 iKɔrɔntos 2:7 - ɛWee ne ìTsɛm iHywas

⁷ Ntsɛntsɛng ngge ne nzi bol lɛ wo so ntsɛntsɛng igying ɛTaanggbey ne ɛ kɛ rɛɛ ɛten ɛsii nɛ, ntsɛntsɛng ngge ne ɛ kaa ku ryɔng ɛli ne kɛ tang ryɔng ɛzay ya te ihywɛ te i nang njwɛɛn ne ndiinday.

1 iKɔrɔntos 2:7 ပူးပေါင်းရင်းမြစ်များ

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

ɛMacu 13:35

Ɛ kaa mɔn ɛlɛ wo te sɛ shwaak ɛkɔn na ne ɛnɛbi ɛShaa gha kaa boote wo ɛ yɔngɔ, “Naa bol nɛ nibhɛ ndɔ ne igɔrɔp, naa phaal nibhɛ nikɔn nɛ nibhɛ so gying nten de ne kaa tum ɛzay ya.”

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

iRooma 8:30

Daa ɛli nɛ ninyi na ne ɛTaanggbey ya kɛ ku kasa wo, nibhɛ ne ɛ kɛ yel-le. Ninaa ne ɛ kɛ yel-le wo, nibhɛ ne ɛ kɛ ne say nibhɛ wu nibhɛ so cik, ninaa ne ɛ kɛ ne say nibhɛ wu nibhɛ so cik ko, nibhɛ ne ɛ kɛ nang nibhɛ ne ndiinday.

iRooma 11:25

Nigwaa en, nzi sim te ɛ sɛɛ seng ɛn ɛdɛ ɛkɔn na ne ɛ so nyini gying, aa yung yaa tɔɔsek ɛn itso mon gbom. Nidɛng ninyi niYahodawa na bok ito ihet, iphɛ yaa shɛɛ ɛlɛ wo iphɛ hyep nten de ne sɛ shwaak ɛnu ninyi na ne hame nibhɛ so ɛn niYahodawa ɛli ne ɛTaanggbey ya kaa yɔngɔ wo.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

iFisus 3:10

iCwas ɛbhɛ da kaa so wu te lenɛ ne idira ninaa ne roos de ɛlyilyɛghaa wo, tɛ nigɔm gbik nɛ ninaa ne igbɔm ɛzay ɛdaa ne irywa na mɛmɛ ne ntsɛntsɛng ɛTaanggbey de hywee-hywee.

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

iBirani 11:3

I lenɛ ne ìnang ne itin de, njwɛɛn seng wu ɛTaanggbey ya kɛ ryɔng ɛzay ya nɛ nikɔn na gbik lenɛ ne ibol ɛbhɛ. ɛKɔn na ne i yaang ngo, kɛ ryɔng ɛbhɛ ne ɛkɔn ne i sang yaang.