1 iKɔrɔntos 2:6 - ɛWee ne ìTsɛm iHywas

⁶ Gbik ne iphɛ ɛlɛy, njwii ne bol nɛ ninyi na nɛ nibhɛ kɛ hɔn ndɔ ne ìnang ne itin nibhɛ ivol ne ntsɛntsɛng ngga. Sɔng ne so ntsɛntsɛng ɛzay yɛdee nang, sɔng ne so izee nigɔm ɛzay yɛdee ne iphɛ sɛ taal le nang.

1 iKɔrɔntos 2:6 ပူးပေါင်းရင်းမြစ်များ

iBirani 5:14

iRe gɛgɛy de so idee ninyi nɛ nibhɛ kɛ hɔn lenɛ ne igbaat nɛ nibhɛ kɛ ku gbaat en, nibhɛ yɛɛ ne hosop iyɛnɛng ne ibebhe.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 iKɔrɔntos 2:8

Sɔng ɛdɛ ɛgɔm ɛzay yɛghaa wo kɛ ne ku seng ntsɛntsɛng ngɛdee wo nang, daa ɛli ne sɛ yɔng nibhɛ kɛ seng ngo, sɔng nibhɛ saa ne gangat ɛDaray ne ito-ndiinday yegha nang.

1 iKɔrɔntos 1:28

ɛTaanggbey ya kɛ kasa nikɔn na nɛ nibhɛ kɛ taasek, nɛ nikɔn na ne kɛ bɛɛs, nɛ ninaa ne hame nibhɛ so ɛnu ɛkɔn ndɔ ɛzay ya te ɛ sɛ ɛ bunga nɛ nikɔn na nɛ ninaa ɛzay ya i wɛɛ tɛ nibhɛ bhɛ kɛ jam nibhɛ shɛs.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

ɛMacu 5:48

Ne ɛ ma te ɛn hyɔrɔ, ɛli ne ɛKyɛɛ ɛdaa ne irywa mon na ma so hyɔrɔ wo.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

ɛYakub 3:2

Njwɛɛn no gbik i ibenes gbom. ɛNyi gha ne ɛ sang ben ndɔ ne ivol ɛbhɛ da ne ɛ so hyɔrɔ, ɛɛ ne ta yɛɛ ne boos ibek de ɛbhɛ byirik.

2 iKɔrɔntos 13:11

ɛTsim mɛ nigwaa nge, te n tek nyini ncaang. See ɛn ito te ɛ tɔk ɛn ihyɔrɔ, phok ɛn ibol de ne nggɛ roo nyini wu te ɛ roos ɛn no, te icwas mon teye ijwaan nɛ, shɛɛ ɛn ne irway ne laal. ɛLɛ wo ne ɛTaanggbey ya ne ɛbhɛ ɛ so ɛTaanggbey ne ishwim ba ne irway ne laal da yaa shɛɛ ne nyinɛn.

1 iKɔrɔntos 14:20

Nigwaa en, sɔng ɛ tas ɛn tɛ ninɔn nang, yang te ɛn tɛ ninɔn na ɛlɔ ne mɔn nikɔn nibebhe, te icwas mon da ne ji so ivaa ɛnyi ne ɛ kɛ hɔn.

1 iKɔrɔntos 2:13

iPhɛ ɛlɛy, sɔng njwii ne bol ivol da ne ntsɛntsɛng ne ɛten ɛsii i mɛmɛ nɛ nang, njwii yang bol ivol ne iKabyik i mɛmɛ nɛ nten de ne njwii kpɛl nikɔn ne iKabyik ka ɛlɔ ninaa nɛ nibhɛ so ninaa ne iKabyik ka.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

ɛLuka 16:8

iPhɛ ɛlɛy, ɛKyɛɛ ne ijwee ɛnyi ne yɔm ne itin ne ibol la ne ton ɛbhɛ daa ne ntsɛntsɛng igywebhe ɛbhɛ de, daa ɛli nɛ ninaa ɛzay yɛnaa wo bok ntsɛntsɛng igywebhe gbom, nibhɛ phyin ninaa ne iwɛwɛy ya.

ɛMacu 19:21

ɛYɛso gha ne kyii nɛ ɛ yaak ɛbhɛ, “Wu ˆɛ sim te aa ji ku te hyɔrɔ wo, cwi ɛbhɛ lɛbhɛl nikɔn mo na gbik ˆɛ naas nihala ijam mɛ, aa ne sɛ iryat ɛdaa ne irywa de, te nɛ yɛɛs ˆɛ roos me.”

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

1 iKɔrɔntos 3:1

Nigwaa en, sɔng nggaa yɛɛ ne bol ne nyinɛn tɛ ninyi nɛ nibhɛ bok iKabyik nang, nggaa yang bol ne nyinɛn tɛ ninyi nɛ nibhɛ roos icwas ne irway ɛten ɛsii nɛ, tɛ ninyi nɛ nibhɛ tɔ ninɔn ndɔ ne roos ɛKiriti yegha.

1 iKɔrɔntos 12:8

iKabyik ɛTaanggbey de kɛ nang ɛdɛng ivol ne ntsɛntsɛng, iKabyik idaan nɛ ne ma ta nang ɛdɛng ishweng.

2 iKɔrɔntos 4:3

Wu ibol iyɛnɛng ngɛ de wo ne njwii sanga wo so gying, iphɛ ne so gying ɛlɔ ɛnyi gha ne ɛ so ne nkiinɛ ne iku.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

iBirani 6:1

iPhɛ ɛlɛy, ne ɛ njwɛɛn re ɛnu ɛyisɛ te hɔn ndɔ ne imɛmɛ ne ibol ɛKiriti de, te njwɛɛn tek tɔk ɛli ne yaa kyii ta mɛmɛ njwɛɛn ne ilwing ne ibol ɛTaanggbey de. Sɔng njwɛɛn kyi ta yaa tɔk ɛli sɛɛ phok ibol ne ilwing ne ibol ɛTaanggbey de ne iphɛ tɔɔsel njwɛɛn ɛli ne yaa san ɛbɔk ka i tek nikɔn nikpɛɛ na, ne ìnang ne itin de ne ɛTaanggbey ya nang.