1 iKɔrɔntos 2:15 - ɛWee ne ìTsɛm iHywas

¹⁵ ɛNyi gha ne iKabyik ge i hyel ne ɛbhɛ wo, ɛ yɛɛ ne hosop nikɔn na gbik, sɔng ɛnyi i ne yɛɛ ne hosop nikɔn ɛnyi na ne iKabyik ge i hyel ne ɛbhɛ wo nang.

1 iKɔrɔntos 2:15 ပူးပေါင်းရင်းမြစ်များ

1 iTasɔlɔnika 5:21

Yang phɔwɔ ɛn nikɔn na gbik, te ˆɛ boos ɛn ɛhaa ne ɛ kɛ jam.

iBirani 5:14

iRe gɛgɛy de so idee ninyi nɛ nibhɛ kɛ hɔn lenɛ ne igbaat nɛ nibhɛ kɛ ku gbaat en, nibhɛ yɛɛ ne hosop iyɛnɛng ne ibebhe.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

1 iKɔrɔntos 14:37

Wu ɛdɛng i ne wɛɛ te ɛ so ɛnɛbi, hang ɛ wɛɛ te ɛ bok izɛɛng ne ikabyik yɔɔ, te ne ɛ seng wu ɛkɔn nɛghaa wo ne nzi haa nyini nɛ wo, ɛDaray ɛbhɛ ɛ kɛ yɛk me nɛ.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

iFilibi 1:10

ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.

1 iKɔrɔntos 3:1

Nigwaa en, sɔng nggaa yɛɛ ne bol ne nyinɛn tɛ ninyi nɛ nibhɛ bok iKabyik nang, nggaa yang bol ne nyinɛn tɛ ninyi nɛ nibhɛ roos icwas ne irway ɛten ɛsii nɛ, tɛ ninyi nɛ nibhɛ tɔ ninɔn ndɔ ne roos ɛKiriti yegha.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

ɛTomɛ 16:3

ɛBulus sa kaa ne i sim te ɛ sɛɛ boos ɛTimɔti yegha, ne ɛ yɛk ngɛ i hyɛ ɛbhɛ itee, daa ɛli nɛ niYahodawa na nɛ nibhɛ kaa so ndɔ nigarang ngɛ wo kaa ku yɛɛ ɛli ne ɛkyɛɛ ɛTimɔti gha so ɛnyi ne iGirik ka.

ɛYohana 7:17

ɛHiha ɛnyi ne ɛ kasa aa mɔn ɛkɔn na ne ɛTaanggbey ye sim mo, aa ne seng, hang nzi mɛmɛ ninyi na ne ɛkɔn na ne ɛ le daa ɛlɔ ɛTaanggbey yɔɔ, hang nzi yung mɛmɛ nibhɛ ɛhaa ne ito nge yɔɔ.

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.