1 iKɔrɔntos 2:14 - ɛWee ne ìTsɛm iHywas

¹⁴ ɛNyi gha ne iKabyik ge i sang hyel ɛbhɛ wo, sɔng aa ne say nikɔn na nɛ nibhɛ le ne iKabyik ɛTaanggbey de nang daa ɛli nɛ nibhɛ so te iwamang ɛlɔ ɛbhɛ gha, sɔng aa ma yung seng nibhɛ nang, daa ɛli ne i seng nibhɛ lenɛ ne iKabyik ge.

1 iKɔrɔntos 2:14 ပူးပေါင်းရင်းမြစ်များ

1 iKɔrɔntos 1:18

Ninyi na nɛ nibhɛ so nkiinɛ ne iku wo i wɛɛ ibol ne gangat ɛYɛso yede daa ne ihon no te iwamang, njwɛɛn no ne njwɛɛn ne so ne nkiinɛ ne phɔrɔt to ne yaang ɛli ne igbom ɛTaanggbey da so.

1 ɛYohana 2:27

Nyinɛn no nang, ɛKiriti gha kɛ ne tul nyini kang lenɛ ne ɛ kɛ sit nyini ne iKabyik ɛbhɛ. ɛLi ne iKabyik ɛbhɛ de so ndɔ mon no, sɔng ne ˆɛ ta tɔtɔk ɛn ɛdɛ ɛkyɛɛ ne icwam ma kang ne aa mɛmɛ nyini nɛ nang. Daa ɛli ne iKabyik ɛbhɛ de i mɛmɛ nyini nɛ nikɔn na gbik, imɛmɛ ɛbhɛ da ne so itin nɛ sɔng irywɛɛk nang. iPhɛ ɛlɛy, ne ˆɛ roos ɛn imɛmɛ ne iKabyik ge te ˆɛ shɛɛ ɛn ndɔ ne ìtsɛm be ne ɛKiriti gha.

1 iKɔrɔntos 15:46

Sɔng ibek ne ikabyik ka iphɛ kaa ne tsa iphɛ yɛɛs nang, ibek ɛzay de iphɛ kaa yang tsa ɛ yɛɛs, idee ne ikabyik ge kyi kungus.

ɛYahuza 1:19

Ninyi yɛnaa nggyɛ wo ne soye ninaa ne yɛɛs ne hosop nɛ ninaa ne roos ihyop ne ibek ngɛ. Sɔng nibhɛ bok ikabyik ɛTaanggbey de nang.

ɛYakub 3:15

Sɔng ihywee ne ntsɛntsɛng ngɛdee wo so ihywee ne izee ne ihywɛ le daa ne irywa nang, ihywɛ yang so izee ɛzay. Sɔng ihywɛ ne ta so izee ne ikabyik nang, ihywɛ so izee niphoo.

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.

1 iKɔrɔntos 15:44

I rɛɛ ibek ge iphɛ so ibek ɛzay, ne yiisik iphɛ so ibek ne ikabyik. ɛLi ne ibek ɛzay de sonɛ wo, ɛlɛy idee ikabyik ne ma sonɛ.

1 iKɔrɔntos 2:12

Sɔng kɛ ne nang njwɛɛn ikabyik ɛzay yɛdee bɛ nang. Kɛ nang njwɛɛn iKabyik ne iphɛ le ɛlɔ ɛTaanggbey, te njwɛɛn seng nikɔn na ne ɛTaanggbey ya kɛ nang njwɛɛn ne irway itɔrɔk.

ɛYohana 12:37

Gbik ɛli ne ɛYɛso gha kɛ jung mɔn nikɔn ne kparat tɛnaa wo ɛnu ɛyisɛ nibhɛ gha, sɔng nibhɛ ne jung nang ne itin nɛ ne ɛbhɛ nang.

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

ɛMacu 16:23

ɛYɛso gha ne hyereey ne ɛ yaak ɛBiturus segha, “Cwi gɔɔ ɛbɛ wo ɛShɛtan ɔɔy! ˆƐ sim aa teyɛ ikɛɛ ne ɛkɔn ne kyibhɛ nge, sɔng icwas sɛdaa wo le ɛlɔ ɛTaanggbey yang, ifɛ le ɛlɔ ɛten ɛsii.”

ɛYohana 14:26

ɛHaa ne iPhyik ka, ne ɛ soye iKabyik ɛTaanggbey de, ne ɛkyɛɛ gha sɛ tom ɛbhɛ ndɔ ne irywɛɛk nge wo, sɛ ne mɛmɛ nyini nɛ nikɔn na gbik. Ɛ taate nyini gbik nikɔn na ne nggɛ tɔng nyini wo.

ɛTomɛ 16:14

Ndɔ nikuk kɛnaa nggyɛ wo, ɛdɛng kaa ne sonɛ ne bok ɛbhɛ ɛLidiya ne ɛ kaa le ɛgarang ne iTiyatira. Ɛ kaa ne i lɛbhɛl itsura ne jam ne ifɛ bok inɛn ntseng ngɛ mpumpuk ne ɛ re ɛTaanggbey ye ntsong. ɛDaray ya ne yɛk ngɛ ɛ kyii ne irway ɛbhɛ daa ne ibol de ne ɛBulus sa tɔng ngo, ɛ say iphɛ.

ɛYohana 8:43

iKyee iphɛ kɛ te ɛ kɛ sang seng ɛn ivol nge daa? iPhɛ so daa ɛli ne hame ɛ kɛ kyii ɛn ne icwas mon ɛlɔ ɛdaan ɛ tenes ɛn ibol nge de.

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

ɛTomɛ 25:19

Nibhɛ kaa ku bok idɛ bol de ne ɛbhɛ daa ne ibol ne re ntsong nibhɛ, ne daa ne ito ɛdɛ ɛnyi gha ne kaa bok ɛbhɛ ɛYɛso ne ɛ kaa ku nɛ ɛBulus sa ne kyii bo wu ɛ so ɛken.

ɛYohana 15:26

“Sɛ́ ne sɛ ɛHaa ne iPhyik ka, ne nzɛ tom nyini nɛ ɛ le daa ɛlɔ ɛkyɛɛ gha kɛ ne yɛɛs; iKabyik ntin de ne iphɛ sɛ le ɛlɔ ɛkyɛɛ gha; iPhɛ ne sɛ ne tɔng nyini nikɔn na gbik daa ne ito nge de.

ɛTomɛ 18:15

iBol lɛ ne kyii so ishamas daa ne ivol ne irɛɛk gbik ne ibol ɛshara mon, cwi ɛn ɛbhɛ wɛɛ ɛn iphɛ ndɔ mon. Sɔng nzi bol ɛshara ne ihywee ne ivol lɛdaa wo nang.”

ɛTomɛ 17:32

Ne sɛ ninyi na kɛ phok bol ne yiisik ɛYɛso yede ne ikpuu da, nidɛng ne sɛ ɛbhɛ ishwɛ ne bɛɛs, nidɛng ne yaa yɔngɔ, “Njwi sim njwi sɛ kyi ta phok kɛ ɛɛ bol ibol ne iyiisik ɛYɛso yɛdee wo ɛhak ɛtuk.”

ɛYohana 10:20

iDay nibhɛ ne yaa bo, “Ɛ bok ɛphoo! Ɛɛ hoghɛse nisan! iKyee iphɛ kɛ te ɛɛ tenes ɛn ɛbhɛ woo?”

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 1:25

Daa ɛli ne iwamang ɛTaanggbey de phyin ntsɛntsɛng ɛten ɛsii de, ikyɔkyɔt ɛTaanggbey de ne ta phyin ihwet ɛten ɛsii da.

1 iKɔrɔntos 3:1

Nigwaa en, sɔng nggaa yɛɛ ne bol ne nyinɛn tɛ ninyi nɛ nibhɛ bok iKabyik nang, nggaa yang bol ne nyinɛn tɛ ninyi nɛ nibhɛ roos icwas ne irway ɛten ɛsii nɛ, tɛ ninyi nɛ nibhɛ tɔ ninɔn ndɔ ne roos ɛKiriti yegha.