1 iKɔrɔntos 2:10 - ɛWee ne ìTsɛm iHywas

¹⁰ Ne so njwit ne ɛTaanggbey kɛ ne tɔɔrek nikɔn nɛnaa wo lenɛ ne iKabyik ɛbhɛ. iKabyik ge phɛ phɛl nikɔn na gbik, iphɛ phyii bhɛ phɛl nikɔn ɛTaanggbey ya nɛ nibhɛ so kyukyum.

1 iKɔrɔntos 2:10 ပူးပေါင်းရင်းမြစ်များ

ɛYohana 14:26

ɛHaa ne iPhyik ka, ne ɛ soye iKabyik ɛTaanggbey de, ne ɛkyɛɛ gha sɛ tom ɛbhɛ ndɔ ne irywɛɛk nge wo, sɛ ne mɛmɛ nyini nɛ nikɔn na gbik. Ɛ taate nyini gbik nikɔn na ne nggɛ tɔng nyini wo.

iFisus 3:5

Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.

ɛLuka 10:21

Nten nɛdee nggyɛ wo nang, iKabyik ɛTaanggbey de kaa ne yɛk ɛYɛso irway ihwala hyɔrɔ. Ne ɛ ji yɔngɔ, “ɛTaa, ɛDaray ɛdaa ne irywa ne ɛzay gbik. N bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga nɛ ninaa ne ishweng ngga ibol mo de, ɛ ji tɔɔrek ninaa ne sang yɛ iphɛ. Ɛɛy, ɛTaa ɛlɛy ne ɛ kaa ku i sim iphɛ sɛɛ te.”

iFisus 3:3

kaabi ɛTaanggbey ya kɛ phaal me ɛkɔn ɛbhɛ ne ɛ so gying, ɛ tɔɔl me ɛli ne nggɛ ne ma ku haal ncɛt to.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

ɛYohana 16:13

Sɛ́ ne sɛ iKabyik ntin de kɛ yɛɛs sang, iphɛ sɛ ne hyel nɛ nyinɛn ndɔ itin de. Sɔng iphɛ sɛ bol ivol ne ito ne iphɛ nang, iphɛ sɛ bol ɛkɔn na ne iphɛ kɛ phok zɔng, iphɛ ne tɔng nyini nikɔn na nɛ nibhɛ tɔ tang yɛɛs.

1 ɛBiturus 1:12

ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛYohana 2:27

Nyinɛn no nang, ɛKiriti gha kɛ ne tul nyini kang lenɛ ne ɛ kɛ sit nyini ne iKabyik ɛbhɛ. ɛLi ne iKabyik ɛbhɛ de so ndɔ mon no, sɔng ne ˆɛ ta tɔtɔk ɛn ɛdɛ ɛkyɛɛ ne icwam ma kang ne aa mɛmɛ nyini nɛ nang. Daa ɛli ne iKabyik ɛbhɛ de i mɛmɛ nyini nɛ nikɔn na gbik, imɛmɛ ɛbhɛ da ne so itin nɛ sɔng irywɛɛk nang. iPhɛ ɛlɛy, ne ˆɛ roos ɛn imɛmɛ ne iKabyik ge te ˆɛ shɛɛ ɛn ndɔ ne ìtsɛm be ne ɛKiriti gha.

1 iKɔrɔntos 2:11

ɛHay ɛbhɛ sɛ yɛɛ ne seng icwas ne irway ɛhak ɛnyi kang ne ikabyik ɛnyi yɛɛ? Ɛlɛy ne iphɛ so, sɔng ɛnyi sɛ yɛɛ ne seng icwas ɛTaanggbey da kang ne iKabyik ɛTaanggbey de nang.

1 ɛYohana 2:20

Nyinɛn no, ɛKiriti gha ɛhaa ne ɛ so kang ngo kɛ ne tul nyini kang, iphɛ ɛlɛy gbik mon no ˆɛ yɛɛ ɛn itin de.

1 iKɔrɔntos 14:30

Wu ɛTaanggbey kɛ ne shii phaal ɛdɛ ɛhaa ne ɛ kɛ sos so ibol ne aa mɔng, te ɛhaa ne ɛ ku bol lo ne kunggbyak.

ɛLuka 2:26

iKabyik ɛTaanggbey de kaa ne ku tɔɔl ɛbhɛ, wu hang ɛ sɛ ku tang yaang ɛKiriti yegha ne ɛDaray ya kaa ku sim-mɛ wo.

Nikɔn ne kɛ Phaal 1:1

ɛWee yɛwoo wo so ɛwoo nikɔn ne ɛTaanggbey kɛ phaal ɛYɛso ɛKiriti ye, te ɛ tɔɔrek nikpuru ɛbhɛ nikɔn na nɛ nibhɛ yunga te. ɛYɛso gha kɛ ne phaal ɛkpuru ɛbhɛ ɛYohana ye ibol lɛdee wo lenɛ ne ɛmalɛka ɛbhɛ ne ɛYɛso gha kɛ tom ɛbhɛ ɛlɔ ɛYohana gha.

1 ɛTimɔti 4:1

iKabyik ge kɛ ku mɔng wɛsɛrɛk wu sɛ́ sɛ nten ɛtsim be, nidɛng ninyi na sɛ ne hana ìnang ne itin nibhɛ de nibhɛ roos ikpabyik ne wul irywɛɛk gbik nɛ nikɔn na nɛ niphoo i mɛmɛ nɛ.

Nikɔn ne kɛ Phaal 2:24

“ɛLyilyɛghaa wo, nzi ne bol ne ɛbyin mon ne ɛ so ɛn ne iTiyatira de, ne ɛ kɛ shɛɛ tang roos ɛn ibol ɛJɛjɛbhɛl de, ɛ mbaray ɛn nyini tang mɛmɛ ɛn ne ibol de nɛ ninaa ne roos ɛbhɛ i yeres ɛbhɛ, ‘ɛDuk ne ivol ɛShɛtan na.’ Nzi ne bok nyini sɔng naa ta hante nyini ne idɛ irighitik ge nang.