1 iKɔrɔntos 15:52 - ɛWee ne ìTsɛm iHywas

⁵² nten idaan, te irwisɛ ne te zebhet, nten de ne kɛ wuute igba ɛtsim mo. Sɛ wuute igba wo, ne yiisik ninyi na nɛ nibhɛ kɛ kus so ndɔ ne ibek ne sang sa de, ne ji sunusi ibek njwɛɛn gbik.

1 iKɔrɔntos 15:52 ပူးပေါင်းရင်းမြစ်များ

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛYohana 5:25

Nzi ne tɔng nyini itin nɛ, nten nɛ yaaso, iphɛ kɛ tuu nɛ ninyi na nɛ nibhɛ so ikpom sɛ phok izɔlɔs ɛNgɔn ɛTaanggbey de. Ninaa nɛ nibhɛ sɛ ne tenes, nibhɛ sɛ́ ne tes niken.

ɛYohana 5:28

Sɔng ɛ yung bala ɛn ɛnu daa ne ibol lɛdee wo nang, ɛtuk yaaso nɛ ninaa nɛ nibhɛ ku sos ndɔ ne ikpuu ba sɛ phok izɔlɔs ɛbhɛ,

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

1 iKɔrɔntos 15:42

ɛLɛy ne iphɛ sɛ ne so ne iyiisik ne ikpuu da. iBek ge ne i rɛɛ wo, iphɛ so idee ne iphɛ sɛɛ sa, ibek ge ne i ne yiisik iphɛ wo, sɔng iphɛ ne so idee ne iphɛ sɛɛ sa nang.

Nikɔn ne kɛ Phaal 8:13

Ne sɛ nggɛ yɛɛn, ne n bok ika ne ɛ so ɛceree ne irywa ne ivel i bol ne ɛgbaang ne izɔlɔs, ɛ bo, “ɛKɔn ne ɛnik! ɛKɔn ne ɛnik! ɛKɔn ne ɛnik yaa sɛ nyini ndɔ ɛzay ya ɛtsim mɛ ne kɛ wuute ntsuntsuung itwat da nɛ nimalɛka itwat da kɛ ryɔng en nibhɛ yaa wuute wo!”

1 iKɔrɔntos 15:50

Nigwaa en, nzi sim te ɛ sɛɛ seng ɛn ɛlɛ, sɔng ibek ne ivel ɛzay yɛdaa wo ne iphɛ so inwam ba nɛ neyi na sɛ́ sɛ ihop ne igbɔm ɛTaanggbey da nang. ɛLɛy ne mang, sɔng ibek ne sa de sɛ ne ma sɛ ɛkɔn ne ɛ sɛɛ sang sa nang.

Nikɔn ne kɛ Phaal 8:2

Ne n yaang kɛ nang nimalɛka ɛniitaa na nɛ nibhɛ kɛ kyinasek ɛnu ɛyisɛ ɛTaanggbey ya ntsuntsuung ɛniitaa.

1 iKɔrɔntos 15:23

Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iTasɔlɔnika 4:15

Njwii tɔng nyini daa ɛli ne iBol ɛTaanggbey de bo wu njwɛɛn no ne sɛ́ so niken na nten de ne ɛDaray ɛYɛso gha sɛ́ bhɛ kyii wo, wu hang njwɛɛn sɛ phɔt ninyi na nɛ nibhɛ kɛ ku kus so ne yaang ɛbhɛ.