1 iKɔrɔntos 15:34 - ɛWee ne ìTsɛm iHywas

³⁴ Kyi ɛn ne ihywɛɛ mon de ɛlɔ ɛdaan te ɛ kɔɔng ɛn ɛfɔt to. Daa ɛli ne nidɛng mon i doo ɛTaanggbey yegha. Nggɛ ne boote ɛlɛ wo te ɛ sɔ ɛn ncwa.

1 iKɔrɔntos 15:34 ပူးပေါင်းရင်းမြစ်များ

1 iKɔrɔntos 6:5

Nggɛ boote ibol lɛdee wo te ɛ wum ɛn ncwa. Wɛlɛng ɛdɛng ndɔ mon no ne ɛ bok ntsɛntsɛng ne ɛ sɛ yɛɛ ne ryɔng nigwaa na ivol daa?

iRooma 13:11

iPhɛ so nggbinggbing ɛ mɔn ɛn ɛlɛ wo, daa ɛli ne ɛ kɛ seng ɛn wu nten nɛ kɛ tuu ne aa seme ɛn nwa mon da, nten ne phɔt njwɛɛn de yek cɛcɛk iphɛ phyin nten de ne njwɛɛn kaa tsa nang ɛn ne itin nɛ wo.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

1 iKɔrɔntos 8:7

Gbik ne iphɛ ɛlɛy, sɔng gbik ninyi na ne bok ishweng ne itin ne ibol lɛdee wo nang. Lenɛ ne ibol ne ire de nɛ nibhɛ naas igunkyi de nang, i ne sɛ nibhɛ kɛ re ihywee ne ire yɛdee nggyɛ wo, nibhɛ ne jung i wɛɛ te ire igunkyi de nɛ nibhɛ kɛ re, daa ɛli ne izɔlɔs ne irway nibhɛ i jung to, daa ɛli nɛ nibhɛ kyi tɔ kyɔkyɔt, nibhɛ ne yaa wɛɛ tɛ nibhɛ kɛ te kpɛɛ.

iRooma 1:28

Daa ɛli nɛ nibhɛ kɛ mbaray tang hyel ihywel da nɛ nibhɛ yɛɛ daa ɛTaanggbey ya, ɛTaanggbey ya kɛ ne tek nibhɛ, nibhɛ yɛk icwas ivebhe te ifɛ te nibhɛ, nibhɛ mɔn nikɔn na ne hame nibhɛ kɛ jam nibhɛ sɛ mɔn.

ɛYohana 8:11

ɛKuk ka ne kyii nɛ ɛ yɔngɔ, “ɛNdiinday, sɔng ɛdɛng kɛ cwaak ngɛ nang.” ɛYɛso gha ne yaak ɛbhɛ, sɔng naa ne ma phoo yɛ nang. Hyel, sɔng ne ɛ tang bhɛ mɔn ɛfɔt to nang.

ɛYohana 5:14

Kɛ ne sɛ kɛ phyɔngɔle ncɛt, ɛYɛso gha ne sɛ ɛnyi yɛghaa nggyɛ ndɔ ne iDeng, ne ɛ ji yaak ɛbhɛ, “Yaang ɛ kɛ te ɛken byirik! Ne ɛ kɔɔng ngɛ tang ta mɔn ɛfɔt to; wu ɛ kɛ ne sang kɔɔng ngɛ, ɛkɔn na ne ɛ phyin ɛhihaa gha yaa ne sɛ yɛ.”

1 iTasɔlɔnika 4:5

Sɔng ˆɛ te ɛn tɛ ninaa ne hame nibhɛ so niYahodawa na nɛ nibhɛ doo ɛTaanggbey yegha nibhɛ soye nikpuru ne ihyop ne ibek nibhɛ de nang.

ɛMacu 22:29

ɛYɛso gha ne kyii nibhɛ nɛ, ne ɛ yɔngɔ, “Ɛ kɛ ben ɛn, sɔng ɛ yɛɛn ɛWee ne ibol ɛTaanggbey yo gbik ne ihwet ɛbhɛ da nang.

ɛTomɛ 26:8

iKyee iphɛ kɛ te ɛ wɛɛ ɛn te iphɛ so ɛTaanggbey yegha righitik ko ɛ yiisik ninyi na tsik ndɔ ne ikpuu daa?”

1 iKɔrɔntos 4:14

Sɔng nggɛ haa nyini nɛ te n bak nyini ncwa nang, nzi yang kpɛng nyini daa ɛli ne ɛ so ɛn nyini ninɔn nge ninaa ne nzi sim.