1 iKɔrɔntos 15:3 - ɛWee ne ìTsɛm iHywas

³ ɛKɔn na ne ɛ shɛs gbik ndɔ nikɔn na ne nggɛ say yo ɛbhɛ ne nzi ne ma tɔng nyini. Ɛbhɛ ghaa lɛ, ɛKiriti gha kaa ku ɛlɔ ne ɛfɔt njwɛɛn, ɛli ne kɛ haa ndɔ ɛWee ne iBol ɛTaanggbey yo,

1 iKɔrɔntos 15:3 ပူးပေါင်းရင်းမြစ်များ

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

1 ɛYohana 2:2

ɛYɛso ɛKiriti gha ɛbhɛ ɛ soye itsanga de ne kɛ hap mɛ te ɛTaanggbey ya hana njwɛɛn ne ɛfɔt njwɛɛn no, sɔng ma yung so ɛfɔt njwɛɛn zɔng nang, gbik ne ɛfɔt ninaa ɛzay yo.

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

1 iKɔrɔntos 11:23

ɛKɔn nɛghaa wo ne nggɛ mɛmɛ nɛ ɛlɔ ɛDaray, ɛbhɛ ne nzi ne ma tɔng nyini; wu ɛtuk ka ne kaa nang ɛDaray ɛYɛso yegha ndɔ ne iwɔ ninaa ne iphup po, ɛ kaa bo ibɛrɛdi,

ɛTomɛ 3:18

iPhɛ kɛ ne shwaasek ibol de ne ɛTaanggbey ya kaa ku bol ɛnu ninabawa na gbik, ɛ yɔngɔ wu iphɛ so nggbinggbing ɛKiriti ɛbhɛ gha sɛ sɔ nggbang ngga.

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

ɛMacu 26:28

Neyi nge naa wo ne kɛ lok tɛ nibhɛ yaa shwaak ìtsɛm ihywas daa ninyi na gbom.

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

iBirani 5:3

iPhɛ phɛ kɛ te ɛ hap itsanga de ɛlɔ ne ɛfɔt ɛbhɛ gbik ne ɛfɔt ninyi wo.

iBirani 5:1

I kasa ɛgbaang ɛgɔm nibo gha ndɔ n ninyi te ɛ mɔn ɛTaanggbey ye ɛtomɛ ɛlɔ ɛbyin ninyi na. Ɛbhɛ ne ɛ so ɛhaa ne ɛ naas ɛTaanggbey ye nikɔn na nɛ ninyi na i yɛɛset nɛ wo, ɛ ta i hap itsanga ne han ɛfɔt.

1 iKɔrɔntos 11:2

Nzi dɛp nyini daa ɛli ne ɛ tas ɛn ne mee ndɔ nikɔn na gbik, ɛ ta boos ɛn ikpii ne imɛmɛ nge da byirik, kancɛng ɛli ne nggɛ nang nyini wo.

ɛMacu 26:24

ɛNgɔn ɛNyi gha yaa ku ɛli ne kɛ ku haa ibol ɛbhɛ de, gbik ne iphɛ ɛlɛy iphɛ ne so ɛkɔn ne ɛnik daa ɛnyi gha ne ɛ kɛ sim ɛ rɛp ɛngɔn ɛnyi gha! Sɛɛ ma yung yɔng kɛ ku shɛɛ tang yɛk ɛnyi yɛghaa nggyɛ wo, iphɛ sɛ ne phyin ɛbhɛ ne yɛnɛng.”

ɛLuka 24:25

ɛYɛso gha ne yaak nibhɛ, “Niwamang en, ˆɛ so hyɔl ne nang ne itin nɛ ne ibol de nɛ ninabawa na kɛ tɔng ngo!

ɛTomɛ 8:32

ɛNyi gha kaa tɔng ibol de ne kɛ haa ndɔ ne ɛWee ne iBol ɛTaanggbey yo ne ɛ bo, “Ɛ kaa so te ᐩigyol ntsabhak ne phɛɛs ne hyɛ. Ɛ kaa ne so nggbyak te ɛngɔn ne ɛpharak ne i tɛbhɛ itsutsɔ yɛ. Sɔng ɛ kaa ne boote ibol nang.

ɛTomɛ 17:2

ɛBulus sa ne bhɛ lel ndɔ ne ijwee ne itɔɔy ɛli ne ɛ ku mɔn no. Ne ɛ bo Nituk ne iWɛsɛ niYahodawa na itwat ɛ phɛɛs ndɔ ne ijwee ne itɔɔy yo nibhɛ ne i bol nibhɛ wɛɛ ibol lɛ nɛ ninyi na ndɔ ne ɛWee iBol ɛTaanggbey yo.