1 iKɔrɔntos 15:23 - ɛWee ne ìTsɛm iHywas

²³ Sɛ ne yiisik ɛrɔngɔ nten ɛbhɛ: ɛKiriti gha ɛbhɛ so te ire ɛyisɛ yɛ ne kɛ tsa pha, sɛ ne sɛ nten de ne ɛ kɛ bhɛ kyii, ne ma ji yiisik ninyi na nɛ nibhɛ soye ninaa ɛbhɛ na.

1 iKɔrɔntos 15:23 ပူးပေါင်းရင်းမြစ်များ

iGalatiya 3:29

Wu ɛ soyɛ ɛhaa ɛKiriti gha, ne ɛ so yɛ ɛngɔn ɛBaraying nga, ɛTaanggbey ya sɛ ne nang ngɛ ɛwɛng nga ne ɛ kaa ku sim-mɛ ɛBaraying nge gha nɛ wo.

1 iKɔrɔntos 15:52

nten idaan, te irwisɛ ne te zebhet, nten de ne kɛ wuute igba ɛtsim mo. Sɛ wuute igba wo, ne yiisik ninyi na nɛ nibhɛ kɛ kus so ndɔ ne ibek ne sang sa de, ne ji sunusi ibek njwɛɛn gbik.

1 iKɔrɔntos 15:20

Kɛ ne yiisik ɛKiriti yegha tsik ne ikpuu da ɛtsak, ɛbhɛ ne ɛ so te ire ɛyisɛ ne kɛ tsa pha ndɔ ninaa nɛ nibhɛ kɛ kus so ne sɛ yiisik nibhɛ wo.

2 iKɔrɔntos 10:7

Ɛ wɛɛ ɛn ɛgɔɔ ne izay nikɔn na zɔng! Wu ɛdɛ ɛnyi gha hal ɛn ɛgyɛy wu ɛ soye ɛnyi ɛKiriti gha, nzi ne sim te ɛ sɛ seng wu njwi ma soye ninaa ɛKiriti na ne mang.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

1 iKɔrɔntos 3:23

Nyinɛn no, ne ɛ so ɛn nyini ninaa ɛKiriti, ɛKiriti gha ne ma ji soye ɛhaa ɛTaanggbey.

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛTomɛ 26:23

Wu iphɛ so nggbinggbing ɛKiriti gha sɛ sɔ nggbang. Wu ɛbhɛ sɛ ne so ɛhaa ɛyisɛ yɛ ne ɛ sɛ yilitsik ndɔ ne ikpuu da. ɛLɔ ne ikpom i shɛɛ nɛ wo, ne lenɛ ɛlɛ wo i yɛɛs niYahodawa na nɛ ninaa ne hame nibhɛ so niYahodawa na ne iwɛwɛy gbik.”

1 iKɔrɔntos 6:14

ɛTaanggbey ya kaa yiisik ɛDaray yegha tsik ndɔ ne ikpuu, ɛ sɛ ne ma yiisik njwɛɛn tsik ndɔ ne ikpuu ba lenɛ ne ihwet ɛbhɛ.

iFilibi 3:11

Te ma n yɛk ne irway i sɛ ma yiisik me ne ikpuu da.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.